Ադրբեջանը միջազգային հետախուզում է հայտարարել Հայաստանի պաշտպանության նախկին նախարարի նկատմամբ

Ադրբեջանի իրավապահ մարմինները հետախուզում են հայտարարել Հայաստանի պաշտպանության նախկին նախարար Սեյրան Օհանյանի նկատմամբ։ Նրա դեմ քրեական գործ է հարուցվել՝ Ադրբեջանի ՔՕ 103-րդ հոդվածի (ցեղասպանություն) համաձայն։

Այս հարցը դիտարկել է Բաքվի ռազմական դատարանը նոյեմբերի 11-ին։ Դատարանը բավարարել է միջնորդությունը, և Սեյրան Օհանյանը հեռակա կարգով կալանքի է դատապարտվել։ Նրա անունով միջազգային հետախուզման թույլտվություն է տրամադրվել։

58-ամյա Սեյրան Օհանյանը ծնվել է Շուշիում։ Կրթությունը ստացել է Բաքվի ռազմահրամանատարական բարձրագույն ուսումնարանում։ Սեյրան Օհանյանը Հայաստանի պաշտպանության նախարարն է եղել 2008-2016 թթ-ին։

Լրատվամիջոցները հայտնում էին, որ նա ու իր որդին վիրավորվել են ղարաբաղյան վերջին մարտերի ընթացքում։