Հայաստանի դեսպանատունը հերքում է այն լուրերը, թե Վրաստանը չի թողնում վառելիք և մարդասիրական բեռներ տեղափոխել Հայաստան
Համացանցում տարածված տեղեկությունները, թե Վրաստանը խոչընդոտում է Հայաստան վառելիք և մարդասիրական օգնություն տեղափոխելուն, չեն համապատասխանում իրականությանը։ Այս մասին ասված է հոկտեմբերի 6-ին Վրաստանում Հայաստանի դեսպանության ֆեյսբուքյան էջում հրապարակված հաղորդագրությունում։
«Վառելիքի և մարդասիրական օգնության հետ կապված խնդիրներ չկան», — ասված է դեսպանատան հայտարարությունում։
Դրանում նաև ընդգծվում է, որ դեսպանատունը մշտական կապի մեջ է Վրաստանի համապատասխան կառույցների հետ։
«Վրաստանի տարածքով տարանցման հետ կապված խնդիրների առաջացման դեպքում խնդրում ենք դիմել Վրաստանում Հայաստանի Հանրապետության դեսպանատուն՝ հարցի արագ լուծման համար։ Կոչ ենք անում նաև ապատեղեկատվություն չտարածել, քանի որ այն ուղղակիորեն վնասում է Հայաստանի Հանրապետության շահերին», — ասված է հայտարարությունում։
