Թուրքիա և Սորոս․ Ալիևի և Փաշինյանի հարցազրույցը «Ռոսիա 1» հեռուստաալիքին

Ադրբեջանի նախագահ Իլհամ Ալիևի հարցազրույցի հիմնական թեզերը․

• Ակտիվ մարտական գործողությունները սկսվել են հայկական կողմի սադրանքի հետևանքով։

• Թուրքիան տարածաշրջանում կայունացնող դեր է խաղում։ Այն Ադրբեջանին բարոյական աջակցություն է ցուցաբերում, որևէ այլ կերպ Թուրքիան հակամարտությանը չի մասնակցում։

• Կա հակամարտության միայն երկու կողմ՝ Ադրբեջանն ու Հայաստանը։

• Սիրիացի մարտիկներ հակամարտության գոտում չկան։ 10-միլիոնանոց Հայաստանի դեմ պայքարելու համար 10-միլիոնանոց Ադրբեջանը մարդկային ռեսուրսների պակաս չունի։

• Հայաստանը ցուցադրաբար խախտել է Ժնևի կոնվենցիան՝ Լիբանանից եկածներին տեղավորելով օկուպացված տածքներում և Շուշիում։

• Սրացման ևս մեկ պատճառ է ներքաղաքական ճգնաժամը Հայաստանում։ Այնտեղ Սորոսի ռեժիմ է հաստատվել։ Հեղաշրջումը, որը չհաջողվեց Բելառուսում, հաջողվել է Հայաստանում։ Երկիրը ճգնաժամի մեջ է, և Փաշինյանին արտաքին գործոն է պետք՝ բնակչության ուշադրությունը շեղելու համար, ինչն էլ նրան հաջողվեց։

Հայաստանի վարչապետ Նիկոլ Փաշինյանի հարցազրույցի հիմնական թեզերը․

• Հայաստանի գործողությունները պատասխան են Ադրբեջանի ագրեսիային։

• «Հակամարտության ռազմական լուծում չկա և չի կարող լինել»։

• Թուրքիան ակտիվորեն ներգրավված է Ղարաբաղի մարտական գործողություններում։ «Թուրք ռազմական հրահանգիչներն ու բարձրաստիճան զինվորականները գտնվում են Ադրբեջանի հրամանատարական կետերում, տեղ-տեղ նրանք նույնիսկ ղեկավարում են ռազմական գործողությունները»։

• «Պետք է ստիպել Թուրքիային դուրս գալ Հարավային Կովկասից»։

• Ադրբեջանում սիրիացի վարձկաններ կան։ «Ադրբեջանի բնակավայրերում բախումներ են եղել նրանց և տեղացիների միջև։ Վարձկանները փորձում են շարիաթի օրենքներ մտցնել այդ գյուղերում»։

• Բանակացությունների համար համապատասխան մթնոլորտ է պետք, և դժվար է այդ մասին խոսել, քանի դեռ ռազմական գործողություններ են ընթանում։