Եվրամությունը բացում է սահմանները Վրաստանի համար, Վրաստանը Եվրամիության համար՝ ոչ
Եվրամիության խորհուրդը Վրաստանը ներառել է այն 15 երկրների ցանկում, որոնց քաղաքացիների համար ԵՄ–ն բացում է իր սահմանները։ Այդ ցանկը թարմացվելու է երկու շաբաթը մեկ։ Այն խորհրդատվական բնույթ է կրում․ ԵՄ յուրաքանչյուր պետություն ինքն է որոշելու, թե նշված ցանկի որ երկրի զբոսաշրջիկներին ընդունել, որի՝ ոչ։
Չեխիան որոշել է չվերսկսել Վրաստանի քաղաքացիների ընդունելությունը։ Չեխիայի ԱԳ նախարար Տոմաշ Պետրիչեկը հայտարարել է, որ երկիրը սահմանները կբացի միայն երկկողմանի հիմքերով։
Քանի որ Վրաստանը մինչև օգոստոսի 1–ը մտադիր չէ բացել իր սահմանները, վերսկսել ավիահաղորդակցությունն ու զբոսաշրջիկների համար պարզեցնել պարտադիր համաճարակային պահանջներն, Չեխիան նույն կերպ է պատասխանում։ Բացի այդ, ըստ նախարարի, Չեխիայի իշխանությունները չեն ցանկանում, որ երկրի քաղաքացիները սահման հատելիս կորոնավիրուսի թեստավորման բարդ գործընթաց անցնեն։
ԵՄ ցուցակում ներառված 15 անվտանգ երկրներն են Ալժիրն, Ավստրալիան, Կանադան, Ճապոնիան, Չեռնոգորիան, Մարոկոն, Նոր Զելանդիան, Ռուանդան, Սերբիան, Հարավային Կորեան, Թաիլանդը, Թունիսն, Ուրուգվայը։
- Դիմակներ, պատնեշներ, բարձր գներ։ Ինչպիսի՞ տեսք է ունենալու զբոսաշրջությունը Վրաստանում կորոնավիրուսից հետո
- Համաճարակի բռնկում Հայաստանում․ պատճառներ և եզրակացություններ Վրաստանի համար
Ցուցակից դուրս են մնացել, մասնավորապես, ԱՄՆ–ն, Մեքսիկան, Հարավային Աֆրիկան, Ռուսաստանն, Իրանը, Սաուդյան Արաբիան, Աֆղանստանը և այլն։
Ըստ Վրաստանի կառավարության հակաճգնաժամային պլանի՝ զբոսաշրջային սեզոնը պետք է մեկնարկեր հուլիսի 1–ին։ Իշխանությունները մտադիր էին այս հարցում ի գիտություն ընդունել ԵՄ դիրքորոշումը։ Այնուամենայնիվ, անգամ երբ հայտնի դարձավ, որ Վրաստանում համաճարակային իրավիճակն անվտանգ է ճանաչվել, և Եվրոպան պատրաստ է վերագործարկել զբոսաշրջային ուղղությամբ պայմանագրերը, Թբիլիսին որոշեց հետաձգել կանոնավոր ավիահաղորդակցության վերսկսումն ու զբոսաշրջության մեկնարկը մինչև օգոստոսի 1–ը։
Պլանների փոփոխությունը Վրաստանի կառարությունը բացատրել է քաղաքացիների առողջության համար հոգածությամբ, այդ պատճառով էլ համավարակային իրավիճակի վատթարացումից խուսափելու համար զգուշություն է պետք։
«Կանոնավոր ավիահաղորդակցության վերսսկումը նշանակում է, որ Վրաստանում իր գործունեությունը կվերսկսեր 40 ընկերություն, որոնք սահմաները փակելուց առաջ ուղևորափոխադրմամբ էին զբաղվում։ Իսկ դա, իր հերթին, նշանակում է, որ Վրաստան կարող էին ժամանել ոչ միայն եվրոպական, այլ նաև այլ պետութունների քաղաքացիներ, ինչն արդեն բարձրացնում էր ռիսկերը», — կառավարության գործողություններն է պարզաբանել էկոնոմիկայի նախարար Նաթիա Տուրնավան։
Կառավարության որոշումը բնակչության զգալի հատվածի դժգոհությունն է առաջացրել, որը կարծում է, որ «Սովորենք ապրել կորոնավիրուսի հետ» կոչը ենթադրում է սահմանափակումների չեղարկում, այդ թվում՝ թռիչքների վերսկսում և սահմանների բացում։ Ամենաշատը հիասթափված են զբոսաշրջային ոլորտի ներկայացուցիչները․ արդեն չորս ամիս է՝ Վրաստանում զբոսաշրջիկ չկա, և զբոսաշրջային ընկերություները, հյուրանոցներն ու ռեստորանները պայքարում են չփակվելու համար։
Փոխարենը կառավարության որոշումից գոհ են համաճարակաբանները։
«Վրաստանում կորոնավիրուսի ներքին տարածում փաստացի չկա։ Սակայն իրավիճակը կարող է վատթարանալ, եթե վարակը դրսից բերվի», – հայտարարել է համաճարակաբան Օթար Չոկոշվիլին։
