Աջ և ձախ. Վրաստանում որոշել են չարգելել աջակողմյա ղեկով մեքենաները
Այս հարցումը մենք անցկացրել ենք Բաթումիում: Հարցը նույնն է ինչ ամբողջ տարի հնչում էր սոցցանցերում և հասարակական տրանսպորտի քննարկումներում.
«Արդյո՞ք պետք է Վրաստանում արգելել աջ ղեկով մեքենաները»:
Եվ ահա հարցումը պատրաստ է, իսկ Վրաստանում կառավարության և հասարակության մեծ մասի միջև երկար ու սկանդալային վեճը վերջնականապես լուծված է: Աջ ղեկով մեքենաները չեն արգելի:
Այդ մեքենաների հետ կապված խնդիրը ձևակերպվում էր այսպես.
«Աջ ղեկով մեքենաները խանգարում են ճանապարհների վրա բնականոն երթևեկությանը»,- ասում էր Թբիլիսիի քաղաքապետ Դավիթ Նարմանիան:
«Եթե Վրաստանում չարգելվի աջ ղեկով մեքենաների գրանցումը, շուտով դրանց թիվը այնքան կավելանա, որ հարկ կլինի վերանայել ճանապարհային երթևեկության կանոնները»,- նկատել է ներքին գործերի փոխնախարար Շավլվա Խուցիշվիլին:
Արդյունքում հանգել են հետևյալ փոխզիջմանը.
«Կառավարությունը քննարկում է նախաձեռնել աջ ղեկով մեքենաների հարցի վերաբերյալ, և խորհրդարանը փոփոխություններ է մտցրել հարկային օրենսգրքում, որոնց համաձայն՝ մաքսազերծումը թանկացել է: Դա հավասարեցրել է ռիսկերը՝ կապված ձախի համեմատությամբ աջ ղեկով մեքենաների թվաքանակի ավելացման հետ: Հետևաբար, մենք պահանջում ենք կոշտ մոտեցում»,- 2017թ. փետրվարի 17-ին Թբիլիսիում տեղի ունեցած մամուլի ասուլիսում ասել է ներքին գործերի փոխնախարար Շալվա Խուցիշվիլին:
Արդյունքում աջ ղեկով մեքենաների ակցիզային տոկոսադրույքը թանկացել է 3 անգամ:
