Լեհաստան․ զանգվածային ցույցեր աբորտների նոր սահմանափակման պատճառով
Ցույցերը ողողել են Լեհաստանի քաղաքներն այն բանից հետո, երբ երկրի սահմանադրական դատարանը աբորտների էլ ավելի խստացման մասին որոշում է ընդունել, որը երկրում գործում է արդեն մի քանի տարի։
Հազարավոր ցուցարարներ են Վարշավայի փողոցներ դուրս եկել հոկտեմբերի 22-ի ուշ գիշերն այն բանից անմիջապես հետո, երբ հայտնի է դարձել դատարանի որոշման մասին։ Ցուցարարներն «Իմ մարմինն իմ ընտրությունն է», «Կինն ինկուբատոր չէ» գրառումներով պաստառներ են պարզել։
•Նախագահական ընտրություններ Լեհաստանում․ պահպանողականներն ավելի շատ էին
Այն բանից հետո, երբ ցուցարարները մոտեցել են իշխող «Օրենք և արդարություն» կուսակցության առաջնորդի տան մոտ, ոստիկանությունը նրանց դեմ ուժ է կիրառել։ Լեհաստանի մայրաքաղաքը «կարմիր գոտում» է COVID-19-ի համավարակի պատճառով, հետևաբար՝ բազմամարդ հավաքներն արգելված են։ Տասնյակ մարդիկ են ձերբակալվել։
Policja użyła gazu wobec protestujących przed domem Jarosława Kaczyńskiego w Warszawie. Tłum napierał na policyjny kordon, po gazie się cofnął.@RMF24pl pic.twitter.com/iqYz6e4VDR
— Paweł Balinowski (@PBalinowski) October 22, 2020
Հաջորդ օրը բազմամարդ ակցիաներ են անկացվել երկրի բոլոր խոշոր քաղաքներում։
![](https://jam-news.net/app/uploads/2020/10/RTX84IEV-1024x683.jpg)
Ինչ է նշանակում դատարանի վճիռը
Լեհաստանի սահմանադրական դատարանը վճռել է, որ հղիության ընդհատումն այն դեպքում, երբ պտուղն անդառնալիորեն վնասված է, հակասում է երկրի սահմանադրությանը։
Այժմ հղիությունն ընդհատել չի կարելի, եթե նույնիսկ երեխան անխուսափելիորեն հիվանդ է ծնվելու։
![](https://jam-news.net/app/uploads/2020/10/RTX84J8M-1024x683.jpg)
Այժմ աբորտները Լեհաստանում (երկրի բնակչությունը 38 միլիոն է) թույլատրված են բռնաբարության, ինցեստի և կնոջ կյանքին ուղիղ սպառնալիքի դեպքում։ Անցյալ տարի նման դեպքերը կազմել են հղիության ընդհատման ընդհանուր քանակի ընդամենը երկու տոկոսը։ Նրանք, ովքեր կարող էին իրենց թույլ տալ արտասահմանում անել վիրահատությունը, այնտեղ էին անում, մնացածները դիմում էին ապօրինի ծառայությունների։
Եվրախորհուրդն անմիջապես դատապարտել է այդ որոշումը։
Լեհաստանի նախկին վարչապետ Դոնալդ Տուսկը հայտարարել է, որ համավարակի թեժ պահին նման որոշման ընդունումն, «ավելի, քան ցինիզմ է»։
![](https://jam-news.net/app/uploads/2020/10/RTX84I2V-1024x701.jpg)
Սահմանադրական դատարանի որոշումն այժմ խորհրդարանին թույլ է տալիս համապատասխան օրենք ընդունել, որն էլ ավելի է սահմանափակում աբորտի իրավունքը։
Երկրի նախագահ Անջեյ Դուդան արդեն հայտարարել է, որ ստորագրելու է օրենքը խորհրդարանի հաստատումից անմիջապես հետո։
Խորհրդարանում մեծամասնությունը պատկանում է «Օրենք և արդարություն» պահպանողական կուսակցությանը, որը վաղուց և հետևողականորեն դեմ է արտահայտվում աբորտների իրավունքին։ Այս դիրքորոշումը կիսում է նաև լեհական կաթոլիկ եկեղեցին, որը երկրում մեծ ազդեցություն ունի։