მასობრივი ამნისტია სომხეთში: ერთ დღეში გათავისუფლდა ასობით პატიმარი

სომხეთში ამნისტიის შესახებ კანონპროექტის ძალაში შესვლიდან ერთი დღე-ღამის შემდეგ ასობით პატიმარი გაათავისუფლეს.

რამდენი ადამიანი გათავისუფლდა

7 ნოემბრის 13:00 საათის მონაცემებით, სისხლის სამართლის სასჯელაღსრულებითი დაწესებულებებიდან 330 პატიმარი გამოუშვეს. მათ შორის 13 უცხოეთის მოქალაქეა.

მასშტაბური ამნისტია ერევნის – 2800-ე, და პირველი რესპუბლიკის დეკლარაციის 100 წლისთავს ეძღვნება.

• წერილები ციხიდან: მომავალი მშვენიერია, როდესაც ის არსებობს 

• სომხეთის უფლებადამცავი მოძრაობის ისტორია 

ვის ეხება ამნისტია

ამნისტია შეეხო იმ პატიმრებს, რომელთა განაჩენი 3 წელიწადს არ აჭარბებდა. ასევე ამნისტია შეეხო პირველი და მეორე ხარისხის შშმ პირებს, რომელთა პატიმრობის ვადა 6 წელიწადს არ აჭარბებდა.

გათავისუფლდებიან 60 წელიწადზე უფროსი პატიმრები, ასევე დანაშაულის 18 წლამდე ჩამდენი პირები, რომლებსაც მანამდე დანაშაული არ ჩაუდენიათ.

იუსტიციის მინისტრის მოვალეობის შემსრულებლის არტაკ ზეინალიანის თქმით, ამნისტია დაახლოებით 6500 ადამიანს შეეხება. ამ დროს დაახლოებით 650 ადამიანი გათავისუფლდება, დანარჩენებს კი პატიმრობის ვადა შეუმცირდებათ.

რატომ გამოცხადდა ამნისტია

კანონპროექტის ინიციატორები აცხადებენ, რომ ამნისტია „ჰუმანიტარული მოსაზრებებით“ გამოცხადდა. ასევე მთავრობას მიზნად ჰქონდა სასჯელ-აღსრულებითი დაწესებულებების განტვირთვა.

ამნისტიის შესახებ კანონპროექტზე მსჯელობის დროს ეროვნულ საკრებულოში ზოგიერთმა დეპუტატმა მოითხოვა, რომ ის არ გავრცელებულიყო შეიარაღებული ჯგუფის „სასნა ცრერის“ წევრებზე. 2016 წელს მათ ერევნის პოლიციის საპატრულო საგუშაგო დაიპყრეს და ორი კვირის განმავლობაში ინარჩუნებდნენ. მაშინ პოლიციელები მოკლეს.

საბოლოოდ გადაწყდა, რომ დაჯგუფების წევრები მხოლოდ იმ შემთხვევაში გაათავისუფლონ, თუკი მოკლულების ნათესავები ამ გადაწყვეტილების წინააღმდეგ არ წავლენ.

განსაკუთრებული შემთხვევა

ამნისტირებულთა შორის სომხეთში ცნობილი პოლიტიკური მოღვაწე შანტ არუთიუნიანიც აღმოჩნდა. ბევრი მას პოლიტიკურ პატიმრად მიიჩნევს. არუთიუნიანი უკვე გათავისუფლდა.

შანტ არუთიუნიანი პარტია „ცეხაკრონ“-ის თავმჯდომარეა. 2013 წლის 5 ნოემბერს მან თანამოაზრეებთან ერთად დაიწყო „მარშ ანონიმუსი“, რომლის შედეგადაც პოლიციასთან შეტაკებები მოხდა. ის მეგობრებთან ერთად დააკავეს და 6-წლიანი პატიმრობა მიუსაჯეს. შანტ არუთიუნიანი, მისივე განსაზღვრებით, „ფასეულობების რევოლუციის“ მოხდენას აპირებდა.

ქვეყნის ახალმა მთავრობამ, რომელიც ხელისუფლებაში ამ წლის გაზაფხულზე ხავერდოვანი რევოლუციის შემდეგ მოვიდა, მას არაერთხელ შესთავაზა გათავისუფლება. როგორც მთავრობის პრეს-სამსახურში აცხადებდნენ, საამისოდ მას მხოლოდ „მისი დაკავების რეჟიმის შესაცვლელად საჭირო დოკუმენტებისთვის“ ხელი უნდა მოეწერა. კერძოდ, საუბარი იყო შეწყალების თხოვნის ხელმოწერაზე. მაგრამ შანტ არუთიუნიანი უარს აცხადებდა. მისმა ვაჟმა, შაგენ არუთიუნიანმა განმარტა, თუ რას უკავშირდებოდა ეს:

„შანტ არუთიუნიანს არ სურდა ხელი მოეწერა რაიმე ისეთ დოკუმენტზე, რომლის მიხედვითაც, ის საკუთარ დანაშაულს აღიარებდა, არ სურდა შეწყალების შესახებ თხოვნის დაწერა, რადგან ის პოლიტპატიმარია. ის პოლიტპატიმრად საერთაშორისო უფლებადაცმველმა ორგანიზაციებმა აღიარეს… ამ ვარიანტის მიხედვით [გულისხმობს ამნისტიას – JAMnews], ის არსებითად ხელს არ აწერს არც ერთ დოკუმენტს, მისი თანხმობა აუცილებელი არ არის, ის საკუთარ დანაშაულს არ აღიარებს, უბრალოდ ხელის მოწერის გარეშე