ბაქოს ბაზრობაზე გაჩენილი ხანძრის შედეგად, 16 ადამიანი დაშავდა

ბაქოს გარეუბანში მდებარე სადარაკის ბაზრობაზე მომხდარი ხანძრის დროს დაშავდა 16 ადამიანი. მათი უმეტესობა მეხანძრეა. ათი დაშავებული საავადმყოფოში მოათავსეს. 

• ენერგეტიკული აპოკალიფსისი აზერბაიჯანში

ხანძარი 4 აგვისტოს, საღამოს იმ საწყობში გაჩნდა, სადაც პარფიუმერია ინახებოდა. ხანძრის ჩაქრობა სამი საათის შემდეგ მოხერხდა. იმ დროისთვის 900 კვადრატული მეტრის ფართობის საწყობები და იქ შენახული საქონელი დაიწვა. ბაზრობის ფართობი მთლიანად დაახლოებით 100 ჰექტარს შეადგენს.

ხანძრის გამომწვევი მიზეზები ჯერჯერობით უცნობია.

ეს სადარაკის ბაზრობაზე მომდარი პირველი ხანძარი არ არის. ბოლოს ის 2018 წლის ნოემბერში იწვოდა.

ასევე, 2019 წლის მარტში ცეცხლმა ბაქოს გარეუბანში მდებარე სავაჭრო ცენტრი  Diqlas გაანადგურა.