ჩრდილოეთი და სამხრეთი კორეის ლიდერები „ახალი, მშვიდობის ერის დაწყებაზე“ შეთანხმდნენ

ჩრდილოეთი კორეისა და სამხრეთი კორეის საზღვრის დემილიტარიზებულ ზონაში ამ ქვეყნების ლიდერები 11 წლის განმავლობაში ერთმანეთს პირველად შეხვდნენ. კიმ ჩენ ინმა და მუნ ჩჟე ინმა სამხრეთი კორეის სოფელ ფხანმუნჯონში მოლაპარაკებები გამართეს, – იუწყება CNN.

მოლაპარაკებების დაწყების წინ სამხრეთი კორეის პრეზიდენტმა სიმბოლური ჟესტი გააკეთა – საზღვარზე გადააბიჯა. ამით ის ბოლო 18 წლის განმავლობაში პირველი სამხრეთ კორეელი ლიდერი გახდა, რომელიც კორეის დემოკრატიულ რესპუბლიკაში ნამყოფია.

კიმ ჩენ ინისა და მუნ ჩჟე ინის ხანგრძლივი მოლაპარაკება დასრულდა დეკლარაციის ხელმოწერით, რომელშიც შემდეგი რამ არის ნათქვამი:

„ორი ლიდერი 80 მილიონი კორეელისა და მთელი მსოფლიოს წინაშე აცხადებს, რომ კორეის ნახევარკუნძულზე ომი აღარასდროს იქნება, და და ამით ახალი, მშვიდობის ერა დაიწყება“.

ქვეყნების ლიდერები ასევე შეთანხმდნენ იმაზე, რომ ხელს შეუწყობენ რეგიონის სრულ დენუკლეარიზაციას და ამ ამოცანის გადაჭრაში დასახმარებლად საერთაშორისო ორგანიზაციები მიიწვიეს. მანამდე, 21 აპრილს კიმ ჩენ ინმა განაცხდა, რომ კორეის სახალხო დემოკრატიული რესპუბლიკა სარაკეტო და ბირთვულ ცდებს შეაჩერებს, ასევე დახურავს რესპუბლიკის ჩრდილოეთში მდებარე პოლიგონს.  

კორეის რესპუბლიკის პრეზიდენტმა და ჩრდილოეთი კორეის მეთაურმა განიხილეს იმ ოჯახების გაერთიანების პრობლემა, რომლებიც ერთმანეთს 1950 წელს დაწყებული კორეის ომის შედეგად დაშორდნენ, და ის ფორმალურად, ისევ არ დამთავრებულა. ისინი შეთანხმდნენ, რომ უახლოეს დროში მიიღებენ ზომებს ამ ოჯახების გასაერთიანებლად.

CNN-ის ექსპერტებს მიაჩნიათ, რომ ჯერ სიხარული ნაადრევია, საჭიროა დავაკვირდეთ, თუ როგორ შეასრულებენ მხარეები შეთანხმებას. მათ მიაჩნიათ მთავარ კითხვაზე პასუხი ჯერაც არ არის გაცემული: მართლაც იტყვის თუ არა  კორეის სახალხო დემოკრატიული რესპუბლიკა ბირთვული იარაღის შექმნის საკუთარ პროგრამაზე უარს? უახლოეს ხანში კიმ ჩენ ინისა და პრეზიდენტ დონალდ ტრამპის შეხვედრა უნდა შედგეს.