სომხეთში აღკვეთილია ხორცის არალეგალურად შეტანის მცდელობა

სომხეთის მოქალაქემ გადაწყვიტა, ევრაზიის ეკონომიკური კავშირის ქვეყნებიდან საქონლის შემოტანის ლიბერალიზაციით ესარგებლა, და შეეცადა, საბაჟო კონტროლის გვერდის ავლით, შპალერის ნაცვლად, სომხეთში გაყინული ქათმის ხორცი შემოეტანა. ზემო ლარსის საბჟო პუნქტზე მან დეკლარაციაში 22,5 ტონა შპალერი მიუთითა. თუმცა, ბაგრატაშენის საბაჟოზე წინასაბაჟო კონტროლის სამართველოს თანამშრომლებმა შენიშნეს, რომ შპალერი მაცივრიანი ყუთებით გადაჰქონდათ. რენტგენის აპარატით შემოწმების შემდეგ გაირკვა, რომ სამშენებლო მასალის ნაცვლად, ყუთებში გაყინული ხორცი ეწყო.

2016 წელსა და 2017 წლის იანვარში  ევრაზიის ეკონომიკური კავშირის ქვეყნებიდან საქონლის შემოტანისას გამოვლენილია საბაჟო წესების დარღვევის 35 შემთხვევა. წესრიგის დამრღვევები, ძირითადად,დეკლარაციის გარეშე ან არასწორად შევსებული დეკლარაციით  რესპუბლიკაში საკვები პროდუქტების, საყოფაცხოვრებო საქონლის, კოსმეტიკური საშუალებებისა და ავტომობილის სათადარიგო ნაწილების შემოტანას ცდილობდნენ.