საუდის არაბეთში პრინცები კორუფციის ბრალდებით დააპატიმრეს
საუდის არაბეთში 11 პრინცი და ათობით ჩინოვნიკი დააპატიმრეს.
ეს ექსტრაორინალური გადაწყვეტილება მიიღო კორუფციასთან ბრძოლის კომიტეტმა, რომელმაც თავისი საქმიანობა წინა დღეს დაიწყო. კომიტეტს ხელმძღვანელობს პრინცი მოჰამედ ბინ სალმანი. ორგანიზაციას უფლება აქვს, ეჭვმიტანილები ქვეყნიდან არ გაუშვას და პატიმრობის ორდერი გასცეს.
საუდის არაბეთის გარეთ ცოტას თუ ჰქონდა გაგონილი ბინ სალმანადოს სახელი მანამდე, ვიდრე 2015 წელს მისი მამა არ გამეფდა. თუმცა, იმ მომენტიდან ის ქვეყანაში ერთ-ერთ ყველაზე გავლენიან ადამიანად იქცა, – იუწყება ВВС.
2016 წელს მოჰამედ ბინ სალმანმა რეფორმების დაწყების შესახებ განაცხადა, რასაც ეკონომიკური და სოციალური გარდაქმნები უნდა გამოეწვია იმ ქვეყანაში, რომელიც ნავთობის ექსპორტის მხრივ მსოფლიოს ლიდერია. 2017 წლის ზაფხულში ის მეფის მემკვიდრედ გამოცხადდა.
“კორუფციასთან ბრძოლა ბილ სალმანს საკუთარი ძალაუფლების გამყარებაში უნდა დაეხმაროს, თუმცა პოლიტიკურ ელიტაში ასეთი მასშტაბური წმენდა საუდის არაბეთისთვის დამახასიათებელი მოვლენა არ არის. საზოგადოების კონსერვატიულმა ნაწილმა ხელისუფლებაში ამგვარი მკვეთრი გარდაქმნები, შესაძლოა, ვერ გაიგოს“, – მიაჩნია ბევრ ექსპერტს.
დაპატიმრებულთა ვინაობას ჯერჯერობით არ ამხელენ. თუმცა, ზოგიერთი მედიის ინფორმაციით, მათ შორის არის პრინცი ალ-ვალიდ ბინ თალალი. ის მსოფლიოს ერთ-ერთი ყველაზე მდიდარი ადამიანია. ბინ თალალის ქონება, Forbes-ის ინფორმაციით – დაახლოებით 19 მილიარდია.
წინა დღეს საუდის არაბეთის მეფემ ასევე ეროვნული გვარდიის მეთაური და ფლოტის სარდალი გაათავისუფლა. ამის თაობაზე ჯერ არანაირი ოფიციალური კომენტარი არ გაკეთებულა.
