სომხეთში სამხედრო მოსამსახურეების დაზღვევის ფონდმა დაიწყო მუშაობა

„სომხეთის რესპუბლიკის დაცვის დროს სამხედრო მოსამსახურეთა სიცოცხლის ან ჯანმრთელობისთვის მიყენებული ზიანის ანაზღაურების შესახებ 2017 წლის 9 იანვარს ძალაში შესული კანონის შესაბამისად შექმნილი „სამხედრო მოსამსახურეთა დაზღვევის“ ფონდის ანგარიშზე 393 709 929 დრამი (808 921 დოლარი) დაგროვდა.

თავდაცვის სამინისტროში გაიმართა ფონდის საბჭოს პირველი სხდომა, რომელზეც წარმოდგენილი იყო ფონდის ვებგვერდი 1000plus.am და მისი საშტატო განრიგი.

„სამხედრო მოსამსახურეთა დაზღვევის ფონდს“ 9 ადამიანი უხელმძღვანელებს:   სამი წარმომადგენელი მთვრობიდან, სამი – ცენტრალური ბანკიდან, და სამი –   სამხედრო მოსამსახურეთა უფლებების დამცავი საზოგადოებრივი ორგანიზაციებიდან,

საბჭოში რჩება ერთი ვაკანტური ადგილი, რომელსაც ოპოზიციის წარმომადგენელი დაიკავებს. თავდაცვის მინისტრ ვიგენ სარგსიანის განცხადებით, ოპოზიციასთან კონსულტაციების შემდეგ გადაწყდა, რომ მათი წარმომადგენლის არჩევა  საპარლამენტო არჩევნების შემდეგ მოხდეს (არჩევნები აპრილში შედგება).

ვიგენ სარგსიანი, რომელიც ამ კანონპროექტის ავტორია, ფონდის თავმჯდომარედ აირჩიეს. ფონდის აღმასრულებელი დირექტორი გახდა სომხეთის ცენტრალური ბანკის იურიდიული სამართველოს ხელმძღვანელი ვარუჟან ავეტიკოვი.

სხდომაზე წარმოადგინეს ფონდის 2017 წლის ბიუჯეტი, რომლიდანაც წელს დაგეგმილია  731 მილიონი დრამის (დაახლოებით 3,5 მილიონი დოლარის) დახარჯვა.