სომხეთში. სამუშაო სტაჟის გაყალბება დაისჯება

სოციალური უზუნველყოფის სახელმწიფო სამსახურის ხელმძღვანელებსა და თანამშრომლებს პირადი ფინანსური პასუხისმგებლობა დაეკისრებათ,თუკი  2017 წლის 1 იანვრიდან მოყოლებული, განაცხადის საფუძველზე წარმოდგენილი ინფორმაცია არ იქნება შეტანილი სისტემაში ან შეტანილი იქნება არასრული ან არასწორი (არასარწმუნო) ინფორმაცია, ასევე მონაცემთა ნებისმიერი შეუთავსებლობა სტაჟის დამადასტურებელ დოკუმენტებსა და სისტემაში.

შესაბამისი ცვლილებები შეტანილია სომხეთის პრემიერ-მინისტრის მითითებით, რათა შემცირდეს კორუფციული რისკი და გამოირიცხოს პენსიების გაცემა დაუსაბუთებელი ან არასარწმუნო, ყალბი დოკუმენტებით.

ამ სამუშაოს ორგანიზებისთვის შემუშავდა მონაცემთა შესაბამისი ფორმატით შეტანის მკაფიო ინსტრუქციები. ხოლო პროცესის გაკონტროლების მიზნით, შეიქმნა სამუშაო ჯგუფი, რომელიც არჩევითი და მიზნობრივი შემოწმებების საშუალებით სამუშაო სტაჟის გამოთვლის მუდმივ მონიტორინგს განახორციელებს.

გამოქვეყნებულია: 30.01.2017