აზერბაიჯანის ოპოზიციური პარტია მოითხოვს, რომ ბაქოელებმა თავად აირჩიონ ქალაქის მერი
ოპოზიციურმა პარტია „რესპუბლიკურმა ალტერნატივამ“, კვარტლურ კრებაზე თათბირის შედეგად ქვეყნის ხელისუფლებისთვის რამდენიმე მოთხოვნის წაყენება გადაწყვიტა. პირველ რიგში, დაიწყოს ბაქოს მერის არჩევნების ჩატარება. მეორე – დაიფაროს დოლარით გამოტანილი ის სესხები, რომელთა ოდენობამ დევალვაციის შედეგად მოიმატა.
ბაქო – ერთადერთი ევროპული დედაქალაქია, სადაც მერს არ ირჩევენ და ის პრეზიდენტის ბრძანებულებით ინიშნება. თუმცა, აზერბაიჯანი ჯერ კიდევ ბევრი წლის წინ ჰპირდებოდა ევროპის საბჭოს ამ სიტუაციის გამოსწორებას, თუმცა დანაპირები ჯერაც არ შეუსრულებია.
ცოტა ხნის წინ ბაქოს თავი ჰაჯიბალა აბუთალიბოვი იყო. 2018 წლის აპრილში ის პრემიერ-მინისტრის მოადგილედ დანიშნეს, მერის სავარძელი კი ჯერაც ცარიელია.
• ილგარ მამედოვის პირველი პრეს-კონფერენცია ციხიდან გამოსვლის შემდეგ. ვიდეო
• ამომრჩევლების მოსყიდვის ტრადიციის დასასრული სომხეთში
• საცეკვაო აქცია თბილისში პრემიერ-მინისტრის გადადგომის მოთხოვნით
რაც შეეხება დევალვაციას, ბოლო ერთი წლის განმავლობაში ის აზერბაიჯანში ორჯერ მოხდა. შედეგად, დოლარი დაახლოებით 2,5-ჯერ გაძვირდა, ყველაფრის ფასმა საგრძნობლად მოიმატა, ყველაზე მეტად ისინი დაზარალდნენ, ვისაც ბანკიდან დოლარით სესხი ჰქონდა გამოტანილი.
დევალვაციის შემდეგ აზერბაიჯანში დაახლოებით 700 ათას ადამიანს აქვს პრობლემური სესხი. ამ საკითხის გადაწყვეტა ბიძგი იქნება როგორც საბანკო სფეროს, ისე მთლიანად ეკონომიკის გამოსაცოცხლებლად. ჩვენ ისეთ კანონპროექტს ვთავაზობთ, რომლის თანახმად, ასეთი კრედიტები სახელმწიფოს ხარჯით უნდა დაიფაროს“, – განუმარტა JAMnews-ს „რეალ“-ის მმართველობის წევრმა ნატიგ ჯაფარლიმ.
აზერბაიჯანის კონსტიტუციის 96-ე მუხლის თანახმად, ამ ორი კანონპროექტის საპარლამენტო განხილვაზე წარსადგენად პარტია „რეალ“-მა 40 ათასი მოქალაქის ხმა უნდა შეაგროვოს.