მოსკოვში ოპოზიციის ლიდერი ნავალნი დააკავეს. დაკავებულია აქციაში მონაწილე 900-ზე მეტი ადამიანი

REUTERS/Anton Vaganov

რუსეთის ასობით ქალაქში ერთდროულად დღეს “რუსეთის დღესთან” დაკავშირებით ოპოზიციის მიერ ორგანიზებული აქციები ხმაურიანად მიმდინარეობს.

სანქტ–პეტერბურგსა და მოსკოვში აქციებზე 900-ზე მეტი ადამიანი დააკავეს. ამ ორ ქალაქში აქციები ხელისუფლებასთან შეთანხმებული ფორმატისგან განსხვავებულად მიმდინარეობს – ხელისუფლებამ ოპოზიციას ტრანსფარანტების დაკავების უფლება არ მისცა და აქციის ჩატარების ადგილიც შეუცვალა, თუმცა აქციის მონაწილეები ამ მოთხოვნებს არ დასთანხმდნენ.

დაკავებები მიმდინარეობს სხვა ქალაქებშიც. მოსკოვში ცრემლსადენი გაზი გამოიყენეს.

აქციების ორგანიზატორი ოპოზიციონერი ანდრეი ნავალნია, რომელიც ჯერ კიდევ აქციების დაწყებამდე საკუთარი სახლის სადარბაზოში დააკავეს.

აქციის მონაწილეების მთავარი ლოზუნგია “რუსეთის კორუფციის გარეშე“.

• “რუსეთის დღე” რუსეთის ფედერაციის ოფიციალური დღესასწაულია, რომელსაც ამ ქვეყანაში 12 ივნისს აღნიშნავენ.  ის უკავშირდება “რუსეთის ფედერაციის სახელმწიფო სუვერენიტეტის შესახებ დეკლარაციის” მიიღებას 1990 წლის 12 ივნისს.