აზერბაიჯანული წარმოშობის ამერიკელი მეცნიერი ლოფტი ზადე, სამშობლოში დაკრძალეს

კალიფორნიის უნივერსიტეტის პროფესორი, მსოფლიოში სახელგანთქმული მათემატიკოსი ლოფტი ზადე 29 სექტემბერს ბაქოში, საპატიო დაკრძალვის ხეივანში დაასაფლავეს.

ლოფტი ზადემ სახელი გაითქვა არაზუსტი ლიგიკის (Fuzzy Logic) თეორიის გამოგონებით, რომელიც რევოლუციურადაა მიჩნეული და მთელ მსოფლიოში ფართოდ გამოიყენება. ამ თეორიამ ბევრ მსხვილ კომპანიას წარმატებული ტექნოლოგიური საქმიანობის საშუალება მისცა.

ლიუტფალი ალექსერზადე ბაქოში შერეულ აზერბაიჯანულ–ებრაულ ოჯახში დაიბადა. 1932 წელს ირანში, ხოლო 1944 წელს აშშ–ში გადავიდა, სადაც ლოფტი ზადეს სახელით კალიფორნიის უნივერსიტეტში დაიწყო მუშაობა. ის 6 სექტემბერს აშშ–ში გარდაიცვალა. მეცნიერმა ანდერძად დაიბარა, რომ ისტორიულ სამშობლოში, მუსლიმური წესით დაეკრძალათ.

სახელგანთქმულ თანამემამულესთან გამომშვიდობების ცერემონიაში აზერბაიჯანის პრეზიდენტმა ილჰამ ალიევმა, პრეზიდენტის ადმინისტრაციის უფროსმა რამიზ მეჰტიევმა, სხვა სახელმწიფო თანამდებობის პირებმა, გარდაცვლილის ნათესავებმა და ახლობლებმა მიიღეს მონაწილეობა.