ლეზგინკა, რომლის გამოც გცემენ და წიწაკის გაზით მოგწამლავენ

ისტორია ამგვარია:

ოთხი ახალგაზრდა ადიღეელი, ჩრდილოეთი კავკასიიდან, ამ დღეებში შავი ზღვისპირა ქალაქ გელენჯიკში ისვენებდა. ერთხელ კარგ ხასიათზე ყოფნისას ქუჩაში ცეკვა დაიწყეს. მალე პოლიციის შემადგენლობა მოვიდა, და ბიჭები დააპატიმრა. ისინი ნაცემებიდა წიწაკის გაზით ნაწამები არიან. ამ გაზით კიდევ რამდენიმე გამვლელი დაზარალდა.

ძლიერი დარტყმა მიიღო ვლადიკავკაზელმა გოგონამაც, რომელიც ასევე გელენჯიკში ისვენებდა, ცეკვის მაყურებელთა შორის იყო, და ბიჭების დაპატიმრებით აღშფოთებულმა ამისთვის ხელის შეშლა სცადა.

დაკავებული ოთხი ადიღეელი პოლიციის ადგილობრივ განყოფილებაში მიიყვანეს. ორი მათგანი მალევე გაათავისუფლეს, ორს კი წვრილმანი ხულიგნობის ბრალი წაუყენეს და ხუთი დღით დააპატიმრეს.

ამის შემდეგ ერთი მათგანი ასევე გაათავისუფლეს, თუმცა მეორე პატიმრობაში დატოვეს. როგორც „კავკაზსკი უზელს“ მილიციაში აცნობეს, „უკვე მილიციის განყოფილებაში ყოფნისას, მან თანამშრომელს თავი სახეში ჩაარტყა, და მიაყენა ტრვმა, რომლის შედეგადაც მილიციელი საავადმყოფოში მოხვდა“.

ამავდროულად, დაზარალებული მილიციელის ვინაობა და იმ სამედიცინო დაწესებულების დასახელება, სადაც ის მკურნალობას გადის, ცნობილი არ არის.

რატომ მოხდა ეს ყველაფერი?

როგორც „კავკაზსკი უზელი“ წერს, მილიცია ირწმუნება, რომ დაკავების მიზეზი მოცეკვავეების დაუმორჩილებლობა გახდა. ის მიზეზები კი, რის გამოც მილიციის შემადგენლობა საერთოდ გამოცხადდა მოცეკვავე ადამიანებთან, არ განიმარტება.

სამაგიეროდ, ამ კითხვაზე პასუხები   მომხდართან დაკავშირებით სოციალურ ქსელებში გამოქვეყნებულ მძაფრ კომენტარებსა და საზოგადოებრივ განხილვებში გაისმის. ადიღეისა და სხვა ჩრდილოკავკასიურ რესპუბლიკებში ამბობენ, რომ კავკასიური ცეკვები უკვე მერამდენედ იყო აღქმული რუსების მხრიდან ისეთ საფრთხედ, რომელიც უნდა აიკრძალოს.

საზოგადოებრივი ორგანიზაციის „ადიღე ჰასეს“ წევრმა ნურდინ ელიჯმა „კავკაზსკი უზელს“ უამბო, რომ არსდროს შეხვედრია საზოგადოებრივ ადგილებში რაიმე ცეკვის შესრულების აკრძალვასთან დაკავშირებული ოფიციალური დოკუმენტები. თუმცა, მანაც თქვა, რომ სავსებით შესაძლებლად მიაჩნია, რომ რუსეთის შევიზღვისპირეთში კავკასიური მუსიკისა და ცეკვების არაოფიციალური აკრძალვა არსებობდეს.

ასფარ მისი, ადიღეელი მუსლიმების რაიონული რელიგიური ორგანიზაციის მეთური ამ უცნაურ სიტუაციაში გასარკვევად გელენჯიკში საგანგებოდ ჩავიდა. შემდეგ მან ჟურნალისტებს უამბო, რომ ადგილობრივი მილიციის განყოფილების ხელმძღვანელობასთან საუბრიდან მიხვდა, რომ „ისინი თავიანთი თანამშრომლების სულელურ საქციელს აცნობიერებენ, მაგრამ მათ ხელს აფარებენ“.

ხოლო „ადიღე ჰასეს“ მეთაურის მოადგილემ ასკერ სოხტმა განაცხადა, რომ საერთოდ, აქ უფრო ფართო სპექტრის პრობლემაა.