ირანელი მეზღვაურები ბაქოში მიმავალ გემზე მოიწამლნენ

ირანული სატვირთო გემი „ნაზმეხრი“ბორტზე ხორბლის ტვირთით აკტაუდან ბაქოში მიემგზავრებოდა. აზერბაიჯანის სანაპიროს მახლობლად გემმა ეკიპაჟის მასობრივ მოწამლვასთან დაკავშირებით გადაუდებელი დახმარება მოითხოვა. მათ დასახმარებლად აზერბაიჯანის სანაპირო დაცვის სამსახურის საგუშაგო გემი გაიგზავნა.

ეკიპაჟის სამი წევრი გარდაიცვალა, დანარჩენები საავადმყოფოში იმყოფებიან, მათ მდგომარეობას ექიმები დამაკმაყოფილებლად აფასებენ. მათ ირანის საელჩოს საკონსულო განყოფილების თანამშრომლები შეხვდნენ.

აზერბაიჯანის პრესაში გამოთქმული თავდაპირველი ვერსიის მიხედვით, მოწამლვის მიზეზი გახდა ქიმიური ნივთიერება, რომლითაც ხორბალი იყო დამუშავებული. მაგრამ ირანის საელჩოს წარმომადგენელი ვარაუდებისგან თავს იკავებს და ამბობს, რომ მიზეზები ექსპერტიზის შემდეგ გაირკვევა.