თიბილოვმა სამხრეთი ოსეთისთვის სახელწოდების შეცვლის თაობაზე რეფერენდუმი დანიშნა

სამხრეთ ოსეთის პრეზიდენტმა დანიშნა რეფერენდუმი სამხრეთი ოსეთის რესპუბლიკისთვის სახელის „რესპუბლიკა სამხრეთი ოსეთი – სახელმწიფო ალანია“ -დ შეცვლის თაობაზე.

ლეონიდ თიბილოვის ბრძანებულების მიხედვით, საყოველთაო ხმის მიცემა კონსტიტუციაში აუცილებელი ცვლილებების შეტანის თაობაზე 9 აპრილს შედგება, რესუბლიკის პრეზიდენტის არჩევნებთან ერთად. კითხვის ფორმულირება ასეთია:

„ხართ თუ არა თანახმა სამხრეთი ოსეთის რესპუბლიკის კონსტიტუციის პირველ მუხლში შევიდეს ამგვარი რედაქციით გადმოცემული ცვლილება: 1. „რესპუბლიკა სამხრეთ ოსეთი – სახელმწიფო ალანია – სუვერენული, დემოკრატიული, სამართლებრივი სახელმწიფოა, რომელიც რესპუბლიკა სამხრეთი ოსეთის ხალხის თვითგამორკვევის შედეგად არის შექმნილი. სახელწოდებები – რესპუბლიკა სამხრეთ ოსეთი და სახელმწიფო ალანია თანაბარმნიშვნელოვანია“.

===========

რეფერენდუმის ჩატარების შესახებ გადაწყვეტილებამ თბილისში ნეგატიური რექცია გამოიწვია. საქართველოს პრეზიდენტმა გიორგი მარგველაშვილმა თავის საგანგებო განცხადებაში აღნიშნა, რომ „პლებისციტი, არჩევნები ან ნებისმიერი სხვა ქმედება, რომელიც ხალხის ნების გამოხატვას გულისხმობს, არ შეიძლება განხორციელდეს უცხო სახელმწიფოს მიერ ოკუპირებულ ტერიტორიაზე, საიდანაც მკვიდრი მოსახლეობის უმეტესობა განდევნილია, სადაც მოხდა ეთნიკური წმენდა, და სადაც რუსეთის ფერდერაცია ახორციელებს ეფექტურ კონტროლს“.

მარგველაშვილმა რუსეთს თავისი საერთაშორისო ვალდებულებების შესრულებისკენ მოუწოდა, საერთაშორისო საზოგადოებრიობას კი – საქართველოს სუვერენიტეტის ხელყოფის  მორიგ ნაბიჯს წინ აღუდგეს.

• პირველად რესპუბლიკის სახელის ალანიად შეცვლის ინიციატივით ლეონიდ თიბილოვი 2015 წელს გამოვიდა

• ალანია – შუა საუკუნეებში არსებული  სახელმწიფოს სახელწოდებაა, რომელიც ირანულენოვანმა მომთაბარე ალანების  ტომებმა  და კავკასიურმა ტომებმა დააარსეს და რომელიც პირველი ათასწლეულის დასაწყისიდან მე-14 საუკუნის შუა წლებამდე არსებობდა. უძველესი ალანიის ისტორიულ მემკვიდრეობაზე, ოსების გრდა, ჩრდილოეთი კავკასიის სხვა ხალხებიც აცხადებენ პრეტენზიას.

• ამჯერად სახელი ალანია ოფიციალურად მხოლოდ ერთი რესპუბლიკის სახელწოდებაში მოიხსენიება – ჩრდილოეთი ოსეთი-ალანია.

JAMnews-ის დეტალური და არგუმენტირებული მასალა იხილეთ აქ.

სტატიაში გამოთქმული აზრები ავტორის შეხედულებებსა და ტერმინოლოგიას გადმოსცემს და აუცილებელი არ არის რედაქციის პოზიციას ასახავდეს.