აფხაზი მოქნდაკის მიერ ნატურიდან შექმნილი ფაზილ ისკანდერის ქანდაკება მოსკოვში

ფაზილ ისკანდერის ქანდაკება მოსკოვში გაიხსნება.

ცნობილიაფხაზი მოქანდაკის მარინა ეშბას მიერ ჯერ კიდევ 1966 წელს ნატურიდან შექმნილ აფხაზი მწერლის ფაზილ ისკანდერის   ქანდაკებას ნოვოდევიჩის სასაფლაოზე, მწერლის საფლავზე დადგამენ.

ძეგლის გახსნა 2017 წლის 31 ივლისს, მწერლის გარდაცვალებიდან ზუსტად ერთი წლის თავზე შედგება.

საზეიმო ცერემონიაში ფაზილ ისკანდერის ახლობლები და მწერალთა სხვადასხვა კავშირების წარმომადგენლები მიიღებენ მონაწილეობას.

ძეგლის გახსნაზე მიწვეულები არიან რუსეთის ფედერაციისა და მოსკოვის, ასევე აფხაზეთის ხელისუფლებისა და მთავრობის წარმომადგენლები.

ფაზილ ისკანდერი: „ჭეშმარიტება ლამაზი უნდა იყოს, თუ არა და, ის უკვე აღარ არის ჭეშმარიტება“. JAMnews-ის პუბლიკაცია ცნობილი მწერლის გარდაცვალებაზე, და მის შესახებ გადაღებული ორი დოკუმენტური ფილმის გზავნილი.

ფაზილ ისკანდერი გასული წლის ივლისში 87 წლის ასაკში გარდაიცვალა. ფაზილ ისკანდერის სახელი სოხუმის რუსულ დრამატულ თეატრს მიენიჭა. აფხაზეთში ფაზილ ისკანდერის ხსოვნის უკვდავსაყოფად სახელმწიფო კომისია შეიქმნა.

ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო