აზერბაიჯანში ისლამური სოლიდარობის თამაშების ჩასატარებლად მზადება დასრულდა

აზერბაიჯანი მზად არის, გამართოს ისლამური სოლიდარობის მე-4 თამაშები, რომელიც 2017 წლის 12-დან 22 მაისამდე ჩატარდება. ეს ბაქოს საორგანიზაციო კომიტეტის ბოლო სხდომაზე განაცხადეს.

ისლამიადას საორგანიზაციო კომიტეტის თავმჯდომარე, აზერბაიჯანის პირველი ვიცე-პრეზიდენტი, მეჰრიბან ალიევა განსაკუთრებულად დაინტერესდა უსაფრთხოების ზომებით.

შინაგან საქმეთა სამინისტროს საზოგადოებრივი უსაფრთხოების მთავარი სამმართველოს ხელმძღვანელმა პოლიციის პოლკოვნიკმა ოგტაი კერიმოვმა სააგენტო АПА-ს განუცხადა, რომ ამ მნიშვნელოვან, საერთაშორისო სპორტულ ღონისძიებასთან დაკავშირებული ამოცანები მაღალ დონეზე, გეგმის მიხედვით სრულდება.

კერიმოვმა დასძინა, რომ თამაშების დაცვისთვის შინაგან საქმეთა სამინისტროს პირადი შემადგენლობიდან 12 ათას ადამიანს მოუყრიან თავს, მათ შორის 252 ქალი-თანამშრომელია. საკონტროლო გამშვებ პუნქტებთან დაამონტაჟებენ Х–Ray-ის 154 აპარატს და 286 სტაციონარულ მეტალოდეტექტორს. ამასთან დაკავშირდებით 1800 თანამშრომელს პრაქტიკული ტრენინგები უტარდება. უსაფრთხოების ნორმების დაცვას საგზაო პატრულირების სამსახურის 1200 თანამშრომელი 400 საგანგებო დანიშნულების ავტომობილით უზრუნველყოფს.

თამაშების სარგანიზაციო კომიტეტის სხდომაზე გამოსვლისას სახელმწიფო დაცვის საგანგებო სამსახურის ხელმძღვანელმა ვაგიფ ახუნდოვმა თქვა, რომ შეძენილია და ჩამოტანილი Motorola-ს ექვსასი მობილური სადგური, რომლებსაც სრულად გამოიყენებენ დასაცავ ობიექტებზე.

ახუნდოვმა დასძინა, რომ სახელმწიფო დაცვის საგანგებო სამსახურმა უსაფრთხოების დამცავთა სიიდან 1560 ადამიანი შეამოწმა. 107 მათგანის შესახებ მიღებულია საეჭვო ცნობები, და ამიტომ ისინი თამაშებს ჩამოაცილეს. მას არ დაუზუსტებია, თუ რა საეჭვო ცნობები იგულისხმებოდა.