ახალი ამბები, რეპორტაჟი, ფოტო/ვიდეო - 30 სექტემბერს, ყარაბაღში მიმდინარე საბრძოლო მოქმედებები

ამრიგად, სულ დაიღუპა 103 სომეხი სამხედრო მოსამსახურე.

მათი უმრავლესობა 25 წლამდე ასაკისაა.

რუსეთის საგარეო საქმეთა სამინისტროს განცხადებაში ნათქვამია, რომ მთიანი ყარაბაღის კონფლიქტის ზონაში, „უკანონო შეიარაღებული ფორმირებების დაქირავებული მებრძოლების ყოფნის შესახებ ვრცელდება ინფორმაცია, კერძოდ, სირიიდან და ლიბიიდან საბრძოლო მოქმედებებში მონაწილეობის მიღების მიზნით ჩამოყვანილების. და ეს საფრთხეს უქმნის რეგიონის ყველა ქვეყნის უსაფრთხოებას. მოვუწოდებთ დაინტერესებული სახელმწიფოების ხელმძღვანელობებს, გადადგან ქმედითი ნაბიჯები უცხოელი ტერორისტებისა და დაქირავებული მებრძოლების კონფლიქტის ზონაში გამოყენების არ დასაშვებად და რეგიონიდან მათი დაუყოვნებლივ გასაყვანად“, – წერია განცხადებაში.

ადრე, სომხეთმა განაცხადა, რომ აზერბაიჯანულ მხარეს სირიიდან და ლიბიიდან ჩამოსული დაქირავებული მეომრები იბრძვიან.

აზერბაიჯანში, ფრონტის ხაზისკენ მიმავალ გზებზე, ბიზნესმენები ჩვეულებრივ ყუთებს დგამენ, საიდანაც სამხედრო მოსამსახურეებს სრულიად უფასოდ სთავაზობენ ხილს, ტკბილეულსა და წყალს.

„ჯარისკაცებისთვის“, – წერია ამ იმპროვიზირებულ დახლებზე.

„ამჟამად, აზერბაიჯანული მხარე სომხეთიდან მომდინარე ხანგრძლივი სამხედრო პროვოკაციების საპასუხოდ, ადეკვატურ ზომებს იღებს. აზერბაიჯანის არმია საკმაოდ მომზადებული და ძლიერია საკუთარი ხალხისა და მიწის დასაცავად.

რაც შეეხება თურქეთის როლს, ის რეგიონში მშვიდობისა და უსაფრთხოების უზრუნველყოფის, ასევე, საერთაშორისო სამართლის ფუნდამენტური ნორმებისა და პრინციპების პატივისცემის მომხრეა.

… სომხეთი გავრცელებული ყალბი ინფორმაციით, თითქოს სომხურმა საბრძოლო თვითმფრინავმა Су-25-მა თურქეთის საჰაერო ძლების კუთვნილი F-16 ჩამოაგდო, კონფლიქტში მესამე მხარის ჩართვას ისახავდა მიზნად.

ნათელია, რომ სომხური მხარე მიყვება მიზანს, გადაიტანოს მსოფლიო თანამეგობრობის ყურადღება საკუთარი აგრესიული პოლიტიკიდან და სამხედრო დანაშაულებიდან, რომელსაც ის განზრახ ჩადის, ბომბავს რა, აზერბაიჯანის დასახლებულ პუნქტებს“, – ნათქვამია სამინისტროს განცხადებაში.

„მოწინააღმდეგის საყრდენი პუნქტებისა და საბრძოლო ტექნიკის მორიგი მარცხი“, – დაწერა Facebook-ის საკუთარ გვერდზე სომხეთის თავდაცვის სამინისტროს პრესმდივანმა, შუშან სტეპანიანმა.

აზერბაიჯანის პრეზიდენტი ილჰამ ალიევი ბრძოლაში დაჭრილ სამხედრო მოსამსახურეებს ბაქოს ცენტრალურ კლინიკურ ჰოსპიტალში შეხვდა.

მებრძოლების წინაშე სიტყვით გამოსვლისას, ალიევმა სომეხ ხალხს მიმართა:

„დარწმუნებული ვარ, რომ სომეხი ხალხი სწორად გამიგებს. ჩვენ პრობლემა სომეხ ხალხთან არ გვაქვს. აზერბაიჯანი მრავალეროვნული სახელმწიფოა და აქ ბევრი ხალხია, მათ შორის, სომხებიც მშვიდად ცხოვრობენ. აზერბაიჯანში, ათასობით სომეხი ცხოვრობს. ისინი ჩვენი ქვეყნის მოქალაქეები არიან. მაგრამ ჩვენი საქმე მართალია. მართლები ვართ, როგორც ისტორიულ ასპექტში, ისე საერთაშორისო სამართლისა და სამართლიანობის თვალსაზრისით. აზერბაიჯანელი ჯარისკაცები და ოფიცრები საკუთარი მიწისთვის ომობენ. დღეს, ფუზულსა და ჯებრაილში, სხვა ოკუპირებულ ტერიტორიებზე მიდის გაცხოველებული ბრძოლები და დანაკარგებს განვიცდით, იჭრებიან ჩვენი ჯარისკაცები. მაგრამ ეს არის ბრძოლა სამართლიანობისთვის. ისტორიული სიმართლე და საერთაშორისო სამართალი ჩვენ მხარესაა“.

უფასოდ გაიგზავნება ნებისმიერი ზომისა და წონის ამანათი.

„ყველა მსურველს შეუძლია ამანათის გაგზავნა ნებისმიერი საფოსტო განყოფილებიდან, მონიშნავს მისამართს – არცახი, 61“, – ნათქვამია განცხადებაში.

ფოსტამ ასევე წარმოადგინა აუცილებელი საქონლის სია. მათ შორის არის პირადი ჰიგიენის ნივთები: კბილის პასტა და ჯაგრისი, საპონი, საპარსი, ტუალეტის ქაღალდი, სტერილური მარლები, საძილე ტომრები, წინდები და საცვლები

„საფრანგეთი კვლავინდებურად ძალიან შეშფოთებულია თურქეთის ბოლო მოწოდებებით, აზერბაიჯანის მიერ მთიანი ყარაბაღის ომით დაბრუნებასთან დაკავშირებით. ჩვენ ამას არ დავუშვებთ“, – განაცხადა რიგაში, საფრანგეთის პრეზიდენტმა, ემანუელ მაკრონმა.

საფრანგეთის პრეზიდენტმა სომხეთსა და სომხებს მიმართა და აღნიშნა, რომ „საფრანგეთი თავის როლს შეასრულებს“.

„ჩვენ ამას რუს და ამერიკელ კოლეგებთან, ვლადიმირ პუტინსა და დონალდ ტრამპთან განვიხილავთ, სანამ სიტუაციას ევროსაბჭოს წარვუდგენთ“, – ხაზი გაუსვა მაკრონმა.

„ჩვენ არა თურქეთი, არამედ რუსეთი ვართ. ეს სიტყვა პირდაპირ უნდა გაიგოთ“, – განაცხადა რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ.

ყარაბაღის კონფლიქტის დარეგულირების პროცესში რუსეთის მონაწილეობაზე დასმული კითხვის საპასუხოდ, მან განაცხადა:

„ეს ჩვენი ისტორიაა, კონფლიქტების დარეგულირების ჩვენ მეთოდებსაც საკუთარი ისტორია აქვთ. არ ვაპირებ კომენტარი გავაკეთო თურქეთის ან სხვა ქვეყნის მეთოდოლოგიაზე. ჩვენი რიტორიკა განსხვავებულია და განცხადებებიც სხვადასხვაგვარია“.

თურქეთთან შედარება დაკავშირებული იყო ილჰამ ალიევის ბოლო განცხადებაზე იმის თაობაზე, რომ სწორედ თურქეთი არის აზერბაიჯანის უსაფრთხოების გარანტი.

კიდევ 46 ადამიანი დაიჭრა და ჰოსპიტალში გადაიყვანეს.

აზერბაიჯანის თავდაცვის სამინისტრომ ფრონტის ხაზიდან ახალი ვიდეო გაავრცელა.

„მოწინააღმდეგის პოზიციები მძიმე საარტილერიო ცეცხლის ქვეშ იმყოფება“, – კომენტარს აკეთებენ კადრებზე თავდაცვის უწყებაში.

სამხედრო ექსპერტის, არცრუნ ოვანისიანის განცხადებით, ღამით ბრძოლები მთიანი ყარაბაღის ზონაში, ისეთი ინტენსიური არ იყო, როგორც წინა დღეებში.

„ბრძოლა ახლაც მიმდინარეობს. ჩვენი ქვედანაყოფები გმირულად იცავენ საკუთარ პოზიციებს“.

ინფორმაცია დაღუპულთა შესახებ დამატებით გავრცელდება. ოვანისიანის თქმით, მოწინააღმდეგე მხარესაც არის მსხვერპლი

აზერბაიჯანის თავდაცვის სამინისტრომ მოხალისეებს მიმართა, რომლებიც ფრონტის ხაზზე, აზერბაიჯანის არმიის საბრძოლო მოქმედებებში მონაწილეობის მიღების თხოვნით გამოდიან.

თავდაცვის სამინისტრომ მოქალაქეებს მადლობა გადაუხადა სამხედრო მოსამსახურეების მორალური მხარდაჭერისთვის და ასევე განაცხადა, რომ ამ მიზნით აუცილებელია მიმართონ არა სამხედრო ნაწილებს, არამედ სამხედრო კომისარიატებს საცხოვრებელი ადგილის მიხედვით.

ამის შესახებ სომხეთის პრემიერ-მინისტრმა რუს ჟურნალისტებთან შეხვედრისას განაცხადა. თუმცა, გერმანიის კანცლერთან, ასევე რუსეთისა და საფრანგეთის პრეზიდენტებთან სატელეფონო საუბრისას, მან მათი ყურადღება „თურქეთის ქცევასა“ და კონფლიქტში მის მონაწილეობაზე გაამახვილა.

„ანკარა ფაქტობრივად არასტაბილურობის ექსპორტს ახორციელებს ახლო აღმოსავლეთში, აღმოსავლეთ ხმელთაშუა ზღვის რეგიონში, ახლა კი, სიტუაციის სამხრეთ კავკასიის მიმართულებით გაფართოებას ცდილობს. დარწმუნებული ვარ, რომ არ შეიძლება ეს არ აშფოთებდეს საერთაშორისო თანამეგობრობას“, – განაცხადა სომხეთის პრემიერმა.

ნიკოლ ფაშინიანმა ასევე აღნიშნა, რომ რუსული სამხედრო ბაზა – სომხეთის უსაფრთხოების განუყოფელი ნაწილია და მისი პოტენციალი უნდა გამოიყენონ.

„ასეთია თუ არა ახლანდელი ვითარება? გასაგებია, რომ არა. მაგრამ სრულებით შესაძლებელია შეიქმნას სიტუაცია, როდესაც ბაზის პოტენციალის გამოყენება შესაძლებელი იქნება“, – განაცხადა ფაშინიანმა.

მან ასევე უპასუხა კითხვას, სომხეთის მიერ ოპერატიული-ტაქტიკური სარაკეტო კომპლექსი „ისკანდერებისა“ და მოიერიშე თვითმფრინავების, Су-30СМ-ების შესაძლო გამოყენებაზე:

„ჩვენთვის პრიორიტეტს წარმოადგენს ჩვენი მოქალაქეებისა და ქვეყნის უსაფრთხოების უზრუნველყოფა. ამავდროულად, ჩვენი ამოცანაა – არ გავაუარესოთ სიტუაცია“.

მანამდე, სომხეთის თავდაცვის სამინისტრომ განაცხადა, რომ იძულებულია მიმართოს შორ მანძილზე მომუშავე დამრტყმელი სისტემების გამოყენებას, რადგან აზერბაიჯანმა უკვე გამოიყენა სარაკეტო სისტემებისა და ნაღმტყორცნი საშუალებების დიდი არსენალი.

ევროპის ადამიანის უფლებათა სასამართლო აზერბაიჯანთან დაკავშირებით შუალედური გადაწყვეტილება მიიღო.

27 სექტემბერს, ამ მოთხოვნით ევროპის ადამიანის უფლებათა სასამართლოს სომხეთის ხელისუფლებამ მიმართა. ეს დაკავშირებული იყო ყარაბაღში, კონტაქტის მთელი ხაზის გასწვრივ და სომხეთის ვარდენისის რაიონის მიმართულებით მასშტაბური საბრძოლო მოქმედებების დაწყებასთან. სომხეთი ითხოვდა, აზერბაიჯანი ეიძულებინათ შეეწყვიტა შეტევითი საომარი მოქმედებები, ასევე, მიზანმიმართული თავდასხმები ადამიანებზე, სამოქალაქო ობიექტებსა და დასახლებულ პუნქტებზე.

ევროპის ადამიანის უფლებათა სასამართლოს გადაწყვეტილებაში ისმის მოწოდება კონფლიქტის ორივე მხარისადმი ანუ აზერბაიჯანისა და სომხეთის, რომ „თავი შეიკავონ ნებისმიერი ნაბიჯისგან, კერძოდ, საბრძოლო მოქმედებებისგან, რომელმაც, შესაძლოა მშვიდობიანი მოსახლეობის კონვენციური უფლების დარღვევა გამოიწვიოს, მათ შორის, საფრთხე შეუქმნას სიცოცხლესა და ჯანმრთელობას“.

გადაწყვეტილების თანახმად, რომელიც ევროპის ადამიანის უფლებათა სასამართლოს 7-მა მოსამართლემ მიიღო, ორივე მხარე ვალდებულია, უახლოეს პერიოდში წარუდგინოს სასამართლოს ინფორმაცია დაკისრებული ვალდებულებების შესრულების შესახებ.

30 სექტემბერს, დილის 8 საათიდან მოყოლებული, სომხეთის შეიარაღებული ძალები აზერბაიჯანის რაიონულ ცენტრს – ქალაქ ტერტერს ბომბავენ, იტყობინება აზერბაიჯანის თავდაცვის სამინისტროს პრესსამსახური.

არიან დაჭრილები.

29 სექტემბერს, გაეროს უშიშროების საბჭოში, დახურული კონსულტაციები გაიმართა ყარაბაღში მიმდინარე საომარი მოქმედებების შესახებ, რომელიც 27 სექტემბერს, დილის 7 საათზე დაიწყო. უშიშროების საბჭოს თავმჯდომარემ, აბდუ აბარიმ განაცხადა, რომ შეიძლება, სომხეთისა და აზერბაიჯანის წარმომადგენლების მონაწილეობით შეხვედრა გაიმართოს, რათა „მათ ურთიერთგაგებამდე მისვლაში დაეხმარონ“.

„უშიშროების საბჭოს წევრმა ქვეყნებმა მკაცრად დაგმეს ძალის გამოყენება, რამაც ადამიანების დაღუპვა გამოიწვია“, – განაცხადა აბარიმ.

• ახალი ამბები, რეპორტაჟი, ფოტო/ვიდეო – 2020 წლის 29 სექტემბერს, ყარაბაღში მიმდინარე საბრძოლო მოქმედებები

27 სექტემბერს, დილის 7 საათზე, მასშტაბური საბრძოლო მოქმედებები დაიწყო მთიან ყარაბაღსა და აზერბაიჯან-სომხეთის საზღვარზე. ვრცელდება ინფორმაცია ორივე მხრიდან ათობით დაღუპულისა და დაჭრილის შესახებ, როგორც სამხედროებს, ისე მშვიდობიან მოსახლეობას შორის.