ვლადიკავკაზში ქართულ-რუსული დახურული შეხვედრა გაიმართა. რას ამბობენ ამის შესახებ ცხინვალში
ქართულ-რუსული შეხვედრა
8-12 სექტემბერს ვლადიკავკაზში (ჩრდილოეთი ოსეთი) ქართულ-რუსული ახალგაზრდული შეხვედრის ფარგლებში გაიმართა დახურული შეხვედრა რუსეთში ქართული დიასპორის წარმომადგენლებთან და რუს ექსპერტებთან. შეხვედრა რუსული პრიმაკოვის ფონდის მიერ გამოყოფილი გრანტის ფარგლებში გაიმართა და მას ცხინვალში არაკეთილგანწყობით შეხვდნენ.
ოფიციალური ვერსია
„9 სექტემბერს ჩრდილოეთ ოსეთის დედაქალაქში საქართველო-რუსეთის ახალგაზრდული შეხვედრა გაიმართა. მასში მონაწილეობა მიიღო რუსეთისა და სამხრეთ კავკასიის ქვეყნების 16-მა წარმომადგენელმა.
შეხვედრის მონაწილეებს მიესალმა ქართულ-რუსული საზოგადოებრივი ცენტრის დირექტორი დიმიტრი ლორთქიფანიძე და ხაზგასმით აღნიშნა:
„საქართველო-რუსეთის ახალგაზრდული შეხვედრა ერთ-ერთი ყველაზე მნიშვნელოვანი ფორუმია ჩვენს ქვეყნებს შორის. დღეს ახალგაზრდობა არის მამოძრავებელი ძალა, რომელიც ბიძგს აძლევს რეალპოლიტიკას. ახალგაზრდები არ არიან დამძიმებული წარსული უთანხმოების ტვირთით და შეუძლიათ მომავალს სუფთა თვალებით შეხედონ. ასეთი შეხვედრები არის ინვესტიცია რუსეთ-საქართველოს ურთიერთობებისთვის მომავალში, რომელიც უდავოდ გამოიღებს ნაყოფს“.
გორჩაკოვის ფონდის აღმასრულებელი დირექტორის მოადგილემ სერგეი ორლოვმა აღნიშნა, რომ „ასეთი ერთი შეხედვით მცირე შეხვედრები, ეტაპობრივად, მოგვცემს შედეგს, რომლისკენაც ჩვენ ყველა ერთად მივდივართ – ჩვენს ორ სახელმწიფოს შორის დიპლომატიური ურთიერთობების აღდგენის მიზნით, ჰარმონიული განვითარების გზით“, – ნათქვამია ოფიციალურ პრესრელიზში.
როგორც ცნობილია, ღონისძიებაზე საპარლამენტო არჩევნების წინა დღეს საქართველოში არსებულ ვითარებაზე ლექცია გაიმართა და საქართველოსა და რუსეთს შორის ურთიერთობების აღდგენის პერსპექტივები განიხილეს.
ასევე გაიმართა პანელური დისკუსია დიასპორის როლზე რუსეთ-საქართველოს ურთიერთობებზე.
ჩართული, მაგრამ არა მოწვეული
თუმცა, ამ ღონისძიებაზე პრაქტიკულად არც ადგილობრივი ჩრდილო ოსი ექსპერტები და არც მედია არ იყვნენ მიწვეული, ამიტომ კულისებში დისკუსიები რუსეთსა და საქართველოს შორის ურთიერთობების აღდგენის შესახებ მწვავე დებატების საგანი გახდა სოციალური ქსელების ოსურ სეგმენტში.
ზოგიერთმა მსგავს პროექტებში დაინახა რისკები სამხრეთ ოსეთისა და აფხაზეთის სამომავლო ინტერესებისთვის, საქართველოსა და რუსეთს შორის ურთიერთობების ასეთ დონეზე დათბობის გამო.
- “რუსეთი ქართულ ოცნებას აფხაზურ საზოგადოებაზე ზეწოლის გასაძლიერებლად იყენებს” – თეონა აქუბარდია
- “საქართველო აღიარებს აფხაზეთის დამოუკიდებლობას, კრემლი მათთვის კონფედერაციას შექმნის” – მოსაზრება აფხაზეთიდან
ამრიგად, ერთ-ერთმა ჩრდილოეთ ოსმა პოლიტოლოგმა და ბლოგერმა, ალან მამიევმა გამოთქვა მოსაზრება, რომ აფხაზეთისა და სამხრეთ ოსეთის ინტერესები შესაძლოა მოსკოვსა და თბილისს შორის ვაჭრობის საგანი გახდეს:
„ახალგაზრდული შეხვედრა“ ვლადიკავკაზში ჩუმად და შეუმჩნევლად გაიმართა. საინტერესოა, მიწვეულები იყვნენ თუ არა ამ შეხვედრაზე სამხრეთ ოსეთისა და აფხაზეთის წარმომადგენლები? ბოლოს და ბოლოს, სწორედ ამ რესპუბლიკების ინტერესებია რუსეთსა და საქართველოს შორის ვაჭრობის საგანი“.
ტელეგრამის არხის Historypoliticus-ის ავტორებმა გაიხსენეს რუსეთის ურთიერთობების მოკავშირეობა აფხაზეთთან და სამხრეთ ოსეთთან და აღნიშნეს, რომ ქართული დიასპორის კულუარული შეთანხმებები რუს პოლიტიკოსებთან და პოლიტოლოგებთან, ნაკლებად სავარაუდოა, რომ მოეწონოს აფხაზებსა და ოსებს:
„მაინტერესებს მასპინძელმა მხარემ კოორდინაცია გაუწია თუ არა ამ შეხვედრას აფხაზებსა და სამხრეთ ოსებს შორის, რომლებიც საქართველოში ჯერ კიდევ მეორეხარისხოვან ქვეყნებად ითვლებიან?”
ზოგიერთმა ჩრდილოეთ ოსელმა ექსპერტმა საერთოდ უარი თქვა ამ შეხვედრის შესახებ კომენტარის გაკეთებაზე და განმარტა, რომ მათ არ ჰქონდათ სანდო ინფორმაცია ვლადიკავკაზში „რუსი და ქართველი ახალგაზრდების“ ვიზიტის შესახებ. ამავდროულად, ისინი სკეპტიკურად უყურებდნენ იმ ფაქტს, რომ ასეთი ღონისძიების ჩასატარებლად ჩრდილოეთ ოსეთი აირჩიეს, რომელიც კონფლიქტის დაწყების დღიდან მხარს უჭერდა სამხრეთ ოსეთს და რომელმაც მიიღო ათიათასობით ოსი ლტოლვილი საქართველოდან.
თავის მხრივ, ადგილობრივმა ოფიციალურმა პირმა, ანონიმურობის პირობით, განმარტა, რომ ეს არჩევანი გამართლებულია იმით, რომ „ჩრდილოეთი ოსეთი არის რუსეთის რეგიონი, რომელიც ესაზღვრება საქართველოს, სადაც ასზე მეტი ეროვნება მშვიდობიანად თანაარსებობს – თბილისის პოლიტიკას და არ გაუფუჭებია ურთიერთობა ადგილობრივ ოს მოსახლეობასთან“.
სამხრეთ ოსეთის ხელისუფლებას არანაირი რეაქცია არ ჰქონია ვლადიკავკაზში ქართული ლობის აქტიურობაზე. მაგრამ ოპოზიციური პარტია „ერთიანი ოსეთის“ ცენტრალური კომიტეტის თავმჯდომარემ, პარლამენტის ყოფილმა სპიკერმა ალან თადტაევმა JAMnews-ს თავისი მოსაზრება გაუზიარა:
„რუსულ-ქართული ურთიერთობების დათბობამ გააძლიერა ქართული დიასპორის ქმედებები რუსეთში. და ამ ყველაფერს აკონტროლებენ იგივე მარიონეტები, რომლებსაც მოსკოვისა და თბილისის დაახლოება სურთ, თუმცა იციან, რომ თბილისი ნებისმიერ მომენტში ღალატობს მოსკოვს მისი ინტერესების დასაკმაყოფილებლად?“
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
