უსურიული ვეფხვი თორი. სცენები თბილისის ზოოპარკიდან. ვიდეო
უსურიული ვეფხვი
თორი, იშვიათი სახეობის უსურიული ვეფხვი, რომელსაც ციმბირულ ვეფხვსაც უწოდებენ, თბილისის ზოოპარკში რიგის ზოოპარკიდან ჩამოვიდა. 2015 წლის 13 ივნისის წყალდიდობის შემდეგ, ის ერთ-ერთი პირველი ცხოველი იყო, რომელიც თბილისის ზოოპარკს შეემატა.
სერიებში თბილისის ზოოპარკის ცხოვრებიდან ამჯერად ვეფხვი თორის ყოველდღიურობას გაგაცნობთ.
როგორ ცხოვრობს თბილსისის ზოოპარკი: ყველა ვიდეო ვეფხვი მარტოხელა ცხოველია, თორიც მარტო ცხოვრობს. მარტოობას არ განიცდის, დინჯად გადაადგილდება ვოლიერში, თუმცა, გართობაც უყვარს. მისი გასართობი, ძირითადად, ხეებზე ჩამოკიდებული საკვების მოპოვებაა.
დამთვალიერებლები დიდად არ ადარდებს, იშვიათად, რომ ბარიერთან ახლოს მივიდეს. ვოლიერში სიმყუდროვისთვის ბევრი ადგილი აქვს. ამაში ხელოვნურად გაკეთებული დასამალი ადგილებიც ეხმარება.
მსოფლიოში გავრცელებული ვეფხვის ცხრა ქვესახეობიდან, უსურიული ვეფხვი ყველაზე დიდი ზომისაა და კატისებრთა ოჯახის ყველაზე დიდ წარმომადგენლად ითვლება. ის ძალზე სწრაფია და სიჩქარით მხოლოდ ავაზას ჩამოუვარდება.მათ განსაკუთრებით კარგი მხედველობა აქვთ და ამბობენ რომ ფერების გარჩევაც შეუძლიათ.
თბილისის ზოოპარკს არსებობის თითქმის ასწლიანი ისტორია აქვს. ის 1927 წლის 10 თებერვალს, კავკასიის ცხოველთა საკლიმატიზაციო საზოგადოების ბაზაზე დაარსდა. საზოგადოება XX საუკუნის დასაწყისიდან ინახავდა ველურ ცხოველებს, თუმცა ზოოპარკის სტატუსი არ ჰქონდა.
თავდაპირველად ზოოპარკი მდინარე ვერეს ხეობაში, 70 ჰექტარზე იყო გაშენებული. წლების განმავლობაში დედაქალაქის განვითარებამ, მოგვიანებით კი 2015 წლის 13 ივნისის წყალდიდობამ, ძველი ზოოპარკის ტერიტორია მნიშვნელოვნად შეამცირა. დღესდღეობით მას 5 ჰექტარი უკავია. ზოოპარკს 1500-მდე ბინადარი ჰყავს. ყველა ცხოველს საკუთარი ისტორია აქვს.
ბლოგების ამ სერიით თბილისის ზოოპარკის ბინადრებს გაგაცნობთ. მოგიყვებით როგორია მათი ერთი, რუტინული დღე, როგორ ურთიერთობენ სხვა ცხოველებთან და ადამიანებთან, როგორი იცვლება მათი ქცევები ამინდის და სეზონების მიხედვით. აქ ბევრ საინტერესო ამბავს გაიგებთ.
