უკრაინისა და რუსეთის ომი - დავითი და გოლიათი. მათი სამხედრო შესაძლებლობების შედარება
რუსეთისა და უკრაინის სამხედრო შესაძლებლობების შედარება
CNN-ზე გამოქვეყნებული Angela Dewan-ის ანალიზის მოკლე მიმოხილვა
უკრაინა რუსეთს ებრძვის, რომელიც 24 თებერვალს მის ტერიტორიაზე შეიჭრა. ბევრი ექსპერტი ამბობს, რომ მოსკოვი ბლიცკრიგს გეგმავდა, მაგრამ ომის მეოთხე დღისთვის რუსულმა ჯარებმა უკრაინის ვერც ერთი დიდი ქალაქის დაპყრობა ვერ მოახერხეს.
რუსეთი უკრაინელი მებრძოლებისგან „უფრო ხისტ წინააღმდეგობას წააწყდა, ვიდრე ელოდა“, ასევე მოულოდნელ სირთულეებს თავისი ძალების მომარაგებასთან დაკავშირებით, უთხრა CNN-ს ორმა მაღალი რანგის ამერიკელმა ჩინოვნიკმა.
რუსეთი ბრძოლის ველზე პირადი შემადგენლობის, ჯავშანტექნიკისა და ავიაციის უფრო მძიმე დანაკარგებს განიცდის, ვიდრე ვარაუდობდა. ნაწილობრივ, ეს დაკავშირებულია იმასთან, რომ უკრაინის ჰაერსაწინააღმდეგო თავდაცვის სისტემა უკეთ მუშაობს, ვიდრე შეჭრამდე ამერიკული დაზვერვის შეფასებებში იყო აღწერილი.
გარდა ამისა, რუსეთს კიდევ მოუწევს დაამყაროს ბატონობა უკრაინის თავზე ჰაერში, განუცხადა CNN-ს აშშ-ის თავდაცვის სამინისტროს მაღალჩინოსანმა, რადგან უკრაინის შეიარაღებული ძალების ჰაერსაწინააღმდეგო თავდაცვის სისტემები საჰაერო სივრცეზე კონტროლისთვის იბრძვიან.
ამავდროულად, ორი ქვეყნის სამხედრო შესაძლებლობების შედარება შეუძლებელია და ბრძოლის ველზე მათი შედარება დავითსა და გოლიათთან შეიძლება.
არმიაზე გაწეული ხარჯები
რუსეთისა და უკრაინის სამხედრო შესაძლებლობების შედარება
იმ თანხის მარტივად შეხედვა, რომელსაც ორი ქვეყანა ხარჯავს თავდაცვის უწყებაზე, მათ შორის არსებულ უფსკრულზე იძლევა წარმოდგენას.
საერთაშორისო სტრატეგიული კვლევების ინსტიტუტის (IISS) ანგარიში „სამხედრო ბალანსი“, რომელიც თებერვლის შუაში გამოქვეყნდა:
უკრაინამ 2021 წელს არმიის შეიარაღებაზე 4.7 მილიარდი დოლარი დახარჯა. ეს რუსეთის მიერ დახარჯული 45.8 მილიარდი დოლარის მეათედზე ცოტათი მეტია, რომელიც ამასთან ბირთვულ შეიარაღებასაც ფლობს.
2008 წელს საქართველოსთან ხუთდღიანი ომის დროს რუსეთის ხელმძღვანელობამ თავის შეიარაღებულ ძალებში დიდი ტექნიკური პრობლემები აღმოაჩინა და მათი მოდერნიზაცია დაიწყო.
უკრაინის შეიარაღება კი დიდწილად საბჭოთა დროისაა.
ნატოში გაწევრიანების სურვილის მქონე უკრაინამ თავისი შეიარაღებული ძალების სტრუქტურის რეორგანიზაცია ჩაატარა და 2030-იანი წლების შუაში თავისი საჰაერო სამხედრო ძალების დასავლური საბრძოლო თვითმფრინავებით აღჭურვას გეგმავს. ის ასევე აპირებს გააუმჯობესოს თავისი საზღვაო სამხედრო პოტენციალი.
- რას ნიშნავს რუსეთისთვის SWIFT-ის გათიშვა და ცენტრალურ ბანკზე დაწესებული სანქციები
- რატომ არის პუტინის ომი დასავლეთის ყველაზე დიდი გამოცდა მეორე მსოფლიო ომის შემდეგ
- გია ნოდია: თუ გაჭირვების მომენტში ვინმეს იმედი მაინც გვაქვს, ისევ ამერიკა, ევროპა, დასავლეთია
რუსეთისა და უკრაინის შეიარაღებული ძალების შედარება
- რუსეთის შეიარაღებული ძალების პირადი შემადგენლობა 900 000 ადამიანს და 2 მილიონიან რეზერვს შეადგენს.
- უკრაინის შეიარაღებულ ძალებში 196 000 პირადი შემადგენლობა და 900 000 რეზერვისტია.
უკრაინის არმიას ორმაგი უპირატესობა აქვს: 280 სამხედრო მოსამსახურე 125 600 უკრაინელის წინააღმდეგ.
რუსეთის საჰაერო სამხედრო ძალები თითქმის ხუთჯერ უფრო ძლიერია – 165 000, უკრაინული 35 000-ის წინააღმდეგ.
მკვლევარი ანალიტიკოსი იოჰან მიშელი, რომელიც IISS-ის ანგარიშზე მუშაობდა, ამბობს, რომ უკრაინაში მიმდინარე ამ ომში, დაახლოებით 200 000 რუსი სამხედრო მოსამსახურე მონაწილეობს.
„ეს, დაახლოებით 60 საბრძოლო ჯგუფია. მაგრამ სიტუაცია სწრაფად ვითარდება და ჯგუფების რაოდენობა შეიძლება გაიზარდოს. მაგრამ ის ახლაც ერთ-ერთი უმსხვილესია აღმოსავლეთ ევროპაში, რაც ამ წლების განმავლობაში, ჩემს ცხოვრებაში მინახავს“, – განუცხადა მიშელმა CNN-ს.
„უკრაინას კი არაფრით შეუძლია თავისი პოტენციალის გაზრდა. მათ ყველას მობილიზაცია მოახდინეს და რეზერვისტები გაიწვიეს“.
შეიარაღება და სატრანსპორტო საშუალებები
რუსეთისა და უკრაინის სამხედრო შესაძლებლობების შედარება
იარაღის თვალსაზრისით მოკლედ შეგვიძლია ვთქვათ: ზოგადად რუსეთს ყველაფერი ბევრად მეტი აქვს.
რუსეთს 15 857 დაჯავშნილი საბრძოლო ავტომობილი ჰყავს – უკრაინას 3 309.
რუსეთს ათჯერ მეტი თვითმფრინავი ჰყავს – 1 391 უკრაინული 128-ის წინააღმდეგ. და 821 ვერტმფრენი 55 უკრაინულის წინააღმდეგ, თუკი ჩავთვლით მათ შორის სამხედრო საზღვაო ფლოტის კუთვნილ ავიაციასაც.
IISS-ის მონაცემებით, რუსეთს 49 წყალქვეშა გემი ჰყავს, უკრაინას არც ერთი.
„რუსეთს გაცილებით ბრძოლისუნარიანი საჰაერო ზონა აქვს, მისი საჰაერო თავდაცვის სისტემა უფრო ძლიერია. ქვეყნებს შორის თვითმფრინავებისა და ვერტმფრენების რაოდენობის მხრივ ძალიან დიდი სხვაობაა – სატრანსპორტო თვითმფრინავებიდან დაწყებული, ზებგერითი და მოიერიშე ვერტმფრენებით გაგრძელებული“, – თქვა მიშელმა.
ბრძოლისათვის მზაობა
თუმცა, უკრაინულმა ძალებმა რამდენიმე წარმატებული კონტრშეტევა განახორციელეს. მიშელი ამბობს, რომ შეიარაღებული ძლების ყველაზე ძლიერი მხარე უკრაინელი საბრძოლო მოსამსახურეების ბრძოლისათვის მზაობა იყო:
„მართლაც გაკვირვებული ვარ იმით, რასაც ვხედავ. თვითონ ის ფაქტი, რომ უკრაინული ზებგერითი თვითმფრინავები ჯერ კიდევ დაფრინავენ, შთამბეჭდავია“.
რუსეთი კიევის დაპყრობისკენ მიისწრაფვის. და ეს არის სცენარი, რომელშიც უკრაინის ნება შესაძლოა ძლიერ იარაღად იქცეს, ამბობს მიშელი.
მოდერნიზაცია
მაგრამ იმ სიტუაციაში, როდესაც საბრძოლო მოქმედებები მთელ უკრაინაში მიმდინარეობს, შეიარაღების რაოდენობა და ხარისხი ძირითად ფაქტორს წარმოადგენს იმისათვის, რომ მოიგო ეს ბრძოლები.
„უკრაინის საჰაერო სამხედრო ძალები ამ დროისთვის დიდწილად წყობიდან არის გამოსული“
ამაზე საუბრობს შეიარაღებული ძალების გაერთიანებული სამეფო ინსტიტუტის სახმელეთო საბრძოლო მოქმედებების ანალიტიკოსი, ნიკ რეინოლდსი.
„უკრაინაში არსებული ეკონომიკური პრობლემების გამო, 2014 წლიდან მოდერნიზაციასთან დაკავშირებით სერიოზული პრობლემები იყო. ამიტომ, მებრძოლებს არ ჰყოფნით საჰაერო თავდაცვის სისტემა და არტილერია, კერძოდ, ანტი-ბატარეის საარტილერიო რადარი და დაკვირვების სხვა საშუალებები.
ის მოწინააღმდეგის არტილერიის აღმოჩენის და მათი განადგურების შანსს მისცემდა უკრაინულ მხარეს.
შეიარაღების მარაგების შევსებას გადამწყვეტი მნიშვნელობა აქვს უკრაინის არმიისთვის“, – განუცხადა რეინოლდსმა CNN-ს.
