საქართველოში ამჟამად 120-მდე ადამიანია ციხეში სისხლის სამართლის ბრალდებით.
400 დღეზე მეტია საქართველოში უწყვეტი პროტესტი მიმდინარეობს. აქციის მონაწილეები პოლიტიკური პატიმრების გათავისუფლებას, სამართლიანი არჩევნების დანიშვნას და ანტიდემოკრატიული კანონების გაუქმებას ითხოვენ.
პროტესტი საქართველოში 2024 წლის 28 ნოემბერს გამძაფრდა, როდესაც “ქართულმა ოცნებამ” ოფიციალურად გამოაცხადა, რომ ევროკავშირში გაწევრიანებასთან დაკავშირებულ მოლაპარაკებების პროცესს აჩერებს. ამ ხნის განმავლობაში “ქართული ოცნების” ხელისუფლება სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ, თუმცა უწყვეტი პროტესტი სხვადასხვა ფორმით დღემდე გრძელდება.
