საქართველო მატყლის ევროპაში გატანას იწყებს

მატყლი ცხოველური წარმოშობის პირველი პროდუქტია,რომელიც საქართველოდან ევროკავშირის ბაზარზე შევა. 

ამ ეტაპზე ევროსტანდარტებს მხოლოდ ორი ქართული კომპანია აკმაყოფილებს -შპს ‘ჯორჯიან ვულ’ და შპს ‘ქართული მატყლის კომპანია’. შესაბამისად, მატყლის ევროკავშირის ქვეყნებში გატანა ჯერჯერობით მხოლოდ მათ შეუძლიათ.

მატყლის პირველ პარტიას ბრიტანეთში ‘ქართული მატყლის კომპანია’ გაგზავნის.

‘ჩვენ უკვე გვაქვს შეთანხმება კომპანია ჩურტის წოოლ დირეცტ ლიმიტედ-თან. ბრიტანეთში ჩატანილი ჩვენი მატყლის გადამუშავების შემდეგ გავიგებთ, შედგება თუ არა ჩვენს შორის გრძელვადიანი თანამშრომლობა,’ _ ამბობს ‘ქართული მატყლის კომპანიის’ ხელმძღვანელი ზაურ კულიევი.

‘ჯორჯიან ვული’ და შპს ‘ქართული მატყლის კომპანია’ ამჟამად მატყლის ექსპორტს ინდოეთში, უკრაინასა და ჩინეთში ეწევიან. ევროპისკენ გზა მას შემდეგ გაიხსნა, რაც 2014 წელს ევროკავშირთან ასოცირების ხელშეკრულებას მოეწერა ხელი.

ხელშეკრულების გაფორმების მიუხედავად, სავაჭრო ურთიერთობები ევროპასთან რთული აღმოჩნდა. კომპანიებს ევროპულ ბაზარზე შესასვლელად სერიოზული მომზადება და სპეციალურ სერთიფიკატები ჭირდებათ. შპს ‘ჯორჯიან ვულ’ და შპს ‘ქართული მატყლის კომპანია’ პირველები არიან რომელთაც ამ ბარიერის გადალახვა მოახერხეს.

GoGroupMedia მიერ მომზადებული ფილმი ეხება მეგრული თეთრი ნაბადის დამზადების მივიწყებულ ხელოვნებას, რომელსაც ამ ეტაპზე მხოლოდ მთიან სოფლებში ფლობენ.

ფოტო: netgazeti.ge
მასალა გამოქვეყნებულია: 18.03.2016