რუსული პროპაგანდა ზეიმობს “ქართული ოცნების” გამარჯვებას და “რევოლუციის” მარცხს. რას წერენ საქართველოზე

რუსული პროპაგანდა საქართველოზე

4-5 ოქტომბერს, კრემლის პროპაგანდისტებს საქართველოდან ერთბაშად ორი კარგი ამბავი მიუვიდათ. თვითმმართველობის არჩევნებში ყველგან “ქართულმა ოცნებამ” მოიგო, “ხელისუფლების მშვიდობიან დამხობად” შერაცხული საპროტესტო აქცია კი უშედეგოდ დასრულდა.

ამ ტექსტში გიყვებით, როგორ გააშუქა რუსულმა პროპაგანდამ 4 ოქტომბრის ამბები:

_________________________

პრემიერი კობახიძის ამტკიცებს, რომ ევროკავშირის ელჩი “პასუხისმგებელია” 4 ოქტომბერს პრეზიდენტის სასახლის ჭიშკრის მორღვევაზე. 

მისი ბრალდებები მყისვე აიტაცა რუსულმა პროპაგანდამ. თანაც, სიტყვა-სიტყვით. 

უკვე 5 ოქტომბერს დილით, კრემლის ტელევიზიები ამტკიცებენ, თითქოსდა საქართველოში დასავლეთის მიერ დაფინანსებული სახელმწიფო გადატრიალება ჩავარდა. 

“როგორც ჩანს, არც დასავლეთი და არც მისი ქართველი პროტეჟეები დამშვიდებას არ აპირებენ,” – თქვა სახელმწიფო არხ “რასიას” კორესპონდეტმა, რომელიც მოვლენებს თბილისიდან აშუქებდა.

იგი ასევე ამტკიცებდა, რომ საპრეზიდენტო სასახლის ჯებირები “საგანგებოდ ნავარჯიშებმა ჯეელებმა” გაარღვიეს. 

რუსეთის კიდევ ერთი უმსხვილესი არხი, “ენტევე”, ჰყვებოდა, რომ წალიწადზე მეტია, ევროკავშირი “ჯიუტად ცდილობს [საქართველოში] უკრაინული სცენარის განხორციელებას,” მაგრამ მაინც “სწრაფად კარგავს საქართველოს”. 

კობახიძის სიტყვები არ გამორჩენიათ რუს საჯარო მოხელეებსაც. 

რუსმა სენატორმა, ალექსეი პუშკოვმა, მათ “საჩვენებელი ბრალდება” უწოდა. 

ლეონიდ სლუცკიმ კი, რომელიც რუსეთის დუმის საგარეო კომიტეტის თავმჯდომარეა, თქვა, რომ ევროკავშირის ელჩმა საქართველოში “ჩარევის ოქროს სტანდარტი აჩვენა”.

“კოლექტიური დასავლეთის მაიდანის სახელმძღვანელო არ ძველდება” – დაწერა სლუცკიმ ტელეგრამზე. 

Z პროპაგანდა “ოცნების” მხარეს

ეს ბრალდებები სოციალურ ქსელ ტელეგრამში გაიმეორეს რუსმა სამხედრო პროპაგანდისტებმა.

ე.წ. Z-ბლოგერები უკვე თითქმის ოთხი წელია, რუსეთის მოსახლეობას  არწმუნებენ, რომ კრემლი უკრაინაში რუსულენოვანი მოსახლეობის გასათავისუფლებლად შეიჭრა. 

“ქართულმა ოცნებასაც” ხშირად ესარჩლებიან. განსაკუთრებით მას შემდეგ, რაც 2023 წელს მან ე.წ. “აგენტების კანონის” მიღება დააპირა.

თბილისში 4 ოქტომბრის მოვლენები “სტანდარტული მეთოდოლოგიაა… დასავლეთს, როგორც ყოველთვის, სისხლი სჭირდება. “საკრალური მსხვერპლის გარეშე’” მაიდანები არ მუშაობს,” – თქვა Z ბლოგერმა იური კოტენოკმა.

არჩევნებში გამარჯვებისა და 4 ოქტომბრის აქციის უშედეგოდ დასრულების შემდეგ, ქართველ “ძალოვნებს ლეგიტიმური მიზეზი ექნებათ აქციების დასარბევად,” – თქვაა კიდევ ერთმა Z-ბლოგერმა მიხაილ ზვინჩუკმა, რომელსაც ტელეგრამზე თითქმის მილიონნახევრიანი აუდიტორია ჰყავს.

“ოცნებას” “ახლა შეუძლია,დაიწყოს  პოლიტსივრცის ოპონენტებისგან გაწმენდა. რასაც უეჭველად გააკეთებენ კიდეც,” – დაამატა მან. 

“ქართულმა ოცნებამ” ტრადიციულად ისევ დაიმსახურა პროპაგანდისტების ქება. 

“საქართველო სწორ გზაზეა… რუსეთან ურთიერთობას აშენებს ურთიესასარგებლო და პარტნიორულ საწყისებზე. ამავდროულად, საქართველო არ აძლევს ევროსულელებს იმის საშუალებას, რომ მის შიდა საქმეებში ჩაერიონ და უკარნახონ როგორ უნდა მოიქცეს,” – დაწერა ანონიმურმა არხმა “ვეტერანის ჩანაწერებმა”.

“ოცნების” გამარჯვება ნიშნავს, რომ “საქართველო შემდეგშიც განაგრძობს ცივი ნეიტრალიტეტის პოზიციას და გააგრძელებს სუვერენიტეტისთვის ბრძოლას. რუსეთს ეს სავსებით აწყობს,” – ეს ბორის როჟინია, კიდევ ერთი მსხვილი სამხედრო პრიოპაგანდისტი

“შესაძლო კოორდინაცია”

უკრაინაში ომის დაწყების შემდეგ რუსული პროპაგანდა “ოცნების” მიმართ შესამჩნევად მოთბა.

მსგავსება კრემლის და “ქართული ოცნების” ნარატივებს შორის განსაკუთრებით თვალშისაცემი ბოლო ორი წლის განმავლობაში გახდა. 

მაგალითად, ბოლო ოთხ წელიწადში სახელმწიფო უსაფრთხოების სამსახურმა ხუთჯერ განაცხადა, რომ ქვეყანაში უცხოეთიდან დაფინანსებული სახელმწიფო გადატრიალება იგეგემბოდა.

 “ქართული ოცნების” წარმომადგენლები ხშირად ახსენებენ ე.წ. “მაიდანსაც”, ანუ უკრაინაში 2014 წელს მომხდარ ღირსების რევოლუციას, რომელმაც პრორუსი ვიქტორ იანუკოვიჩის მმართველობა დაასრულა.

“ოცნების” მსგავსად, საქართველოში დასავლეთის მიერ დაფინანსებული რეცოლუციის მცდელობებზე ლაპარაკობდა რუსეთის საგარეო დაზვერვის სამსახურიც. მაგალითად, შარშან აგვისტოში, რუსეთის დაზვერვა ამტკიცებდა, რომ “თბილისურ მაიდანს” ქართული არასამთავრობო ორგანიზაციები ამზადებენ. 

ოცნებისა და კრემლის რიტორიკას შორის მსგავსება სულ ცოტა ხნის წინ შეისწავლა “EuVsDisinfo-მ”, ევროკავშირის მიერ დაფინანსებულმა დამოუკიდებელმა პროექტმა, რომელიც დეზინფორმაციას იკვლევს. 

აგვისტოს ბოლოს გამოქვეყნებული მათი ანგარიშის თანახმად, კრემლისა და “ქართული ოცნების” პროპაგანდა “იდენტურ ნარატივებას ავითარებენ”, და ასევე “მსგავს ტაქტიკასაც იყენებენ”.  ის კი მიუთითებს “არამხოლოდ ინტერესების ძლიერ თანხვედრაზე, არამედ შესაძლო კოორდიცნაციაზეც”.

კობახიძისა და კრემლის პროპაგანდის ბრალდებები ევროკავშირმა 5 ოქტომბერს “მტკიცედ უარყო”.

ბრიუსელი ასევე “გმობს დეზინფორმაციას საქართველოში ევროკავშირის როლთან დაკავშირებით და ასევე გმობს პირად თავდასხმებს ევროკავშირის ელჩის წინააღმდეგ,” – ნათქვამია ერთობლივ განცხადებაში, რომელიც საგარეო და გაფართოების საკითხების კომისრებმა, კაია კალასმა და მარტა კოსმა გაავრცელეს.

longread sandro