LIVE: რუსეთი უკრაინაში შეიჭრა. დღე მეორე. განახლებადი ინფორმაცია

კიევის ადმინისტრაცია საჰაერო თავდასხმის საფრთხის შესახებ იუწყება, ყველას უბრძანეს თავშესაფარებში თავის შეფარება!

„კიევში ვითარება ახლა, გაზვიადების გარეშე, საშიშია. ეს ღამე, დილისკენ, ძალიან რთული იქნება“, – წერს კიევის მერი ვიტალი კლიჩკო.

ტროეშინა, კიევის მიკრორაიონი ამ წუთებში. unian

ჯონსონმა მოუწოდა ნატოს ქვეყნებს, გათიშონ რუსეთი SWIFTიდან.

კულება წერს, რომ იტალიაც მხარს დაუჭერს რუსეთის SWIFT-დან გათიშვას.

რუსეთის SWIFT-ისგან გათიშვის მომხრეა ავსტრიაც.

ნატო გააგრძელებს უკრაინისთვის იარაღის, მათ შორის საჰაერო თავდაცვის სისტემების მიწოდებას – სტოლტენბერგი

დევიდ ლინჩმა პუტინს მიმართა – “ზუსტად ახლა, მისტერ პუტინ, თქვენ თესავთ სიკვდილს და ნგრევას… ჩემი რჩევაა: გადაარჩინეთ თავი. გადაარჩინე უკრაინელები, გადაარჩინეთ მსოფლიო”

მსოფლიოს მეშვიდე ჩოგანი, რუსი ჩოგბურთელი ანდრეი რუბლევი დუბაიში ტურნირის ფინალში გავიდა. კოტრის დატოვებამდე რუბლევმა კამერის ობიექტივზე დაწერა «No war please» (არა ომი, გთხოვთ)

უკრაინის მხარდასაჭერი აქცია თბილისში ????

ზელენსკიმ ჩაწერა ვიდეო რადას შენობის ფონზე და ამგვარად უარყო ინფორმაცია მისი კიევიდან ევაკუაციის შესახებ.

როსკომნადზორი აპირებს ნაწილობრივ შეზღუდოს წვდომა ფეისბუქზე, რადგან ეს პლატფორმა ზღუდავს რუსეთის მოქალაქეების ადამიანის უფლებებს,თავისუფლებებს და სიტყვის თავისუფლებას, აცხადებს როსკომნადზორი. update: საქმე იმაშია, რომ ფეისბუკმა ბოლო ერთი დღის განმავლობაში…

ნოვაია გახზეტა წერს, რომ უკვე დღეიდან, 25 თებერვლიდან იწყება რუსეთში ფეისბუკის “ნაწილობრივ შეზღუდვა”. რას იგულისხმება “ნაწილობრივში” განმარტებული არ არის.

ევროვიზიის ორგანიზატორებმა განაცხადეს, რომ რუსეთი წლევანდელ კონკურსში მონაწილეობას ვერ მიიღებს.

თავდაპირველად, მედია, მათ შორის რუსეთის სამთავრობო არხებიც აღნიშნავდნენ, რომ რუსეთი ევროპის სამჭოდან “გარიცხეს”.

თუმცა, მოგვიანებით, გავრცელდა განმარტება, რომ ეს არ არის “გარიცხვა”, არამედ წევრობის დროებით შეჩერებაა.

Strana UA იუწყება, რომ ჩერნიგოვში სახელმწიფო უსაფრთხოების სამსახურის შენობას ცეცხლი გაუჩნდა

რუსულმა არმიამ ხერსონის დაცვის ხაზი გაარღვია, – წერს ხერსონის სამხარეო სახელმწიფო ადმინისტრაცია.

პუტინი განცხადებას აკეთებს:

პუტინი არ ელის შეთანხმებებს „ნარკომანთა და ნეო-ნაცისტთა ბანდასთან, რომლებიც დასახლდნენ კიევში და მძევლად აიყვანეს უკრაინელი ხალხი“.

მან უკრაინელ სამხედროებს მოუწოდა ძალაუფლება საკუთარ ხელში აეღონ: „აიღეთ ძალაუფლება თქვენ ხელში, როგორც ჩანს, ჩვენთვის უფრო ადვილი იქნება თქვენთან შეთანხმება“

პუტინმა “უმაღლესი შეფასება” მისცა რუს ჯარისკაცებს და ოფიცრებს, რომლებიც “გაბედულად, პროფესიონალურად და გმირულად ასრულებენ თავიანთ სამხედრო მოვალეობას და წარმატებით წყვეტენ ჩვენი ხალხისა და ჩვენი სამშობლოს უსაფრთხოების უზრუნველყოფის პრობლემას”

პროტესტი რუსულ არხებს

პოლონეთის შემდეგ რუსული ტელეარხების მაუწყებლობა ლიეტუვაში, ლატვიასა და ესტონეთში აიკრძალა.

ლატვიის ელექტრონული მედიის ეროვნულმა საბჭომ ხუთი წლით აკრძალა არხის «Россия»-ს მაუწყებლობა და ოთხი წლით «России 24»-ის.

ესტონეთში ტელეარხები «РТР Планета», «НТВ Мир» და «Россия 24» ერთი წლით გათიშეს.

ლიეტუვამ კი მათი მაუწყებლობა ხუთი წლით აკრძალა.

#гарібашвіліневисловлюємоєїпозиції

უკრაინულიდან თარგმანი: ღარიბაშვილი არ გამოხატავს ჩემს პოზიციას.

#гарібашвіліневисловлюємоєїпозиції ამ ჰეშთეგით ქართულ ფეისბუკზე კამპანია დაიწყო, რომლითაც საქართველოს მოქალაქეები გამოხატავენ პროტესტს საქართველოს პრემიერმინისტრის პოზიციის გამო უკრაინასთან დაკავშირებით.

კამპანიის მიზანია ხმა მიაწვდინონ უკრაინელ მოქალაქეებს, რომ ღარიბაშვილი არ გამოხატავს მათ პოზიციას.

პრემიერმა თქვა, რომ საქართველო არ შეუერთდება სანქციებს რუსეთის წინააღმდეგ.

ავსტრიის კანცლერმა კარლ ნეჰამერმა განაცხადა, რომ ევროკავშირის სამიტზე შეთანხმდნენ “ისტორიაში ყველაზე მკაცრი სანქციების პაკეტზე” რუსეთის წინააღმდეგ.

გერმანიის საგარეო საქმეთა სამინისტროს ხელმძღვანელმაც დაადასტურა, რომ ევროკავშირი სანქციების სიაში ლავროვს და პუტინს დაამატებს.

სანქციები შეეხება მათ აქტივებს. ევროკავშირში შესვლის აკრძალვაზე საუბარი არ არის.

უკვე ოფიციალურად დასტურდება ინფორმაცია, რომ რუსეთის ჯარებმა სარაკეტო შეტევა განახორციელეს საბავშვო ბაღზე, რომელშიც ხალხი იმალებოდა.

საგარეო საქმეთა მინისტრმა დიმიტრი კულებამ საბავშვო ბაღის (ახტირკა) და ბავშვთა სახლის (ვორზელი) დაბომბვას სამხედრო დანაშაული უწოდა.

“ოკუპანტებს ჰააგის სასამართლო ემუქრება”, – თქვა მან.

ერთდროულად რამდენიმე საერთაშორისო მედია ამტკიცებს, რომ ევროკავშირი ემზადება ვლადიმერ პუტინისა და სერგეი ლავროვის აქტივების გაყინვისთვის.

პოლონეთის პრემიერ-მინისტრმა დავალება გასცა, მოამზადონ რეზოლუცია, რომელიც დაკეტავს ქვეყნის საჰაერო სივრცეს რუსული ავიახაზებისთვის.

უკრაინის შეირაღებული ძალები კიეველებს მიმართავენ:

დედაქალაქის მაცხოვრებლებო! უკრაინის შეიარაღებული ძალები კიევში შედიან ქალაქის დასაცავად. შინაგან საქმეთა სამინისტრომ კიეველებს თხოვნით მიმართა, რომ არ გადაიღონ ტექნიკა და გადაადგილება.

უკრაინელები რიგში დგანან და დაშავებულ ჯარისკაცებსა და მშვიდობიანი მოსახლეობისთვის სისხლის დონაციის მოლოდინში.

რუსეთის თავდაცვის სამინისტრო აცხადებს, რომ კიევის გარეუბანში გოსტომელის აეროდრომი აღებულია და “ლიკვიდირებულია უკრაინის სპეცრაზმის 200 ნაციონალისტი”.

კიევში ისევ სირენებია!

კიევის მერი ვიტალი კლიჩკომ ამბობს, რომ “დივერსიული ჯგუფებმა შეაღწიეს კიევში”.

„კიევი თავდაცვის ფაზაში შევიდა. ქალაქში რამდენიმე დივერსიულმა ჯგუფმა შეაღწია. ყველას, ვისაც შეუძლია ქალაქის დაცვა, უნდა დაეხმაროს კიეველებს კიევის დაცვაში“, – ციტირებს გამოცემა @segodnya დედაქალაქის მერს.

ბორის ჯონსონის რეზიდენციის თავზე უკრაინის დროშა ფრიალებს

ბრიტანეთის პრემიერ-მინისტრმა ტვიტერზე დაწერა, რომ „სამეფო იმუშავებს იმდენ ხანს, რამდენიც იქნება საშირო უკრაინის სუვერენიტეტისა და დამოუკიდებლობის აღდგენის უზრუნველსაყოფად“.

პუტინმა ჩინეთის პრეზიდენტთან სი ძინპინთან საუბრისას განაცხადა, რომ რუსეთი მზადაა უკრაინასთან მაღალ დონეზე მოლაპარაკებისთვის. ინფორმაციას ჩინეთის ცენტრალური ტელევიზია ავრცელებს.

ჩეჩნეთი. გროზნო. პარასკევის ლოცვის შემდეგ, ადგილობრივი ეროვნული გვარდიის 10 ათასამდე თანამშრომელი, რამზან კადიროვის პირადი ბრძანებით, უკრაინაში გამგზავრებას აპირებს. ამ რაზმებს ჟარგონულად „ფანჯარა-კარსაც“ უწოდებენ, რადგან ისინი, ძირითადად, ქალაქში საბრძოლო მოქმედებებისთვის არიან გაწვრთნილები და შენობებს “ასუფთავებენ”.

ამასთან, ბაზას ინფორმაციით, უკრაინაში უკვე გადასრილილია “სამხრეთის”, “ჩრდილოეთის” და “OMON”-ი ჩეჩნური ბატალიონების 2000-მდე თანამშრომელი. ბაზა ამბობს, რომ მათი დავალება იყო მარიუპოლში მოხვედრა, თუმცა გუშინ მარიუპოლთან ხიდის ააფეთქებამ მათ გეგმებში კორექტივები შეიტანა.

Apple Pay და Google Pay შეწყვეტენ მუშაობას სანქციების ქვეშ მყოფი რუსული ბანკების ბარათებთან

ზელენსკიმ მოუწოდა მსოფლიოს, ყველა ქვეყნის მოქალაქე: გამოვიდით ქუჩაში, თვენი ქალაქების მოედნებზე და მოითხოვეთ “მშვიდობა ევროპისა და უკრაინისთვის”.

ლავროვმა უკრაინასთან მოლაპარაკებების დაწყების პირობა დაასახელა: უკრაინის ჯარმა იარაღი უნდა დაყაროს.

“საქართველომ რუსეთის წინააღმდეგ დაწესებულ სანქციებს მხარი არ დაუჭირა. სტოკჰოლმის სინდრომმა შეგიპყროთ? პრემიერმინისტრი ირაკლი ღარიბაშვილი ამბობს, რომ სანქციები მის ქვეყანას სერიოზულ ზიანს მოუტანს. პარლამენტიც კი არ იკრიბება ამის განსახილველად.

ყველაზე მეტად კი უბრალო შეკითხვაზე გაცემულმა პასუხმა გამაოცა – აპირებდა თუ არა ირაკლი ღარიბაშვილი კიევში სოლიდარობის ნიშნად ჩამოსვლას? პრემიერმა უპასუხა, რომ უკრაინის ცა დაკეტილია.
არაუშავს ირაკლი, როდესაც ომი მორჩება და ჩვენს ცაზე, სამხედროს მაგივრად, სამგზავრო თვითმფრინავები იფრენენ, შეგიძლია მერეც არ ჩამოხვიდე

ქართველებო, ძმებო, ეს როგორ მოგწონთ? დაგავიწყდათ, როგორ ჩამოფრინდა უკრაინის პრეზიდენტი. როდესაც 2008 წელს რუსული ტანკები თბილისისკენ მოდიოდნენ? მოითმენთ თუ საჯაროდ აუხსნით ღარიბაშვილს რა უნდა გააკეთოს?”

“ობოლონის მხრიდან (კიევის გარეუბანი) ბოლო ორი წუთის განმავლობაში ისმის აქტიური სროლა. და უკვე მესამე ძლიერი აფეთქება. მაგრამ ჩვენ ჯერ ვიცით, რას ესვრიან ისინი”, – გადმოსცემს BBC-ის კორესპონდენტი კიევიდან.

ხარკოვში, რამდენიმე ადგილას დასახლებულ რაიონებში, შუა ქუჩაში, აუფეთქებელი ჭურვები იპოვეს.

უეფამ 2022 წლის ჩემპიონთა ლიგის ფინალი სანქტ-პეტერბურგიდან პარიზში სტად დე ფრანსზე გადაიტანა.

კიევში „ჟულიანის„ აეროპორტთან აფეთქებები ისმის, იუწყება ინტერფაქსი.

კიევისკენ რუსული ჯავშანტექნიკის კოლონა მიემართება. ქალაქში უკვე არიან რუსული დივერსიული ჯგუფები

უკრაინის თავდაცვის სამინისტრო: კიევში, ობოლონში უკრაინელმა სამხედროებმა უკრაინის შეიარაღებული ძალების ფორმაში გამოწყობილი რუსი ჯარისკაცები მოკლეს.

უკრაინულმა ძალებმა ააფეთქეს ხიდი კიევთან, რათა თავიდან აიცილონ რუსული ჯარების დედაქალაქში მისვლა.

კიევის სამთავრობო კვარტალთან სროლის ხმა ისმოდა, იტყობინება Associated Press.

სოციალურ ქსელში გავრცელდა ვიდეო, რომელშიც ჩანს სამხედრო ტექნიკის კოლონა “Z” ნიშნით. სააგენტო UNIAN-ის ცნობით, ის კიევში მიდის. კიდევ ერთ ვიდეოში, სამხედრო ტექნიკა დედაქალაქში მანქანას დაეჯახა. ქალაქში სროლის ხმები არ წყდება.

გერმანიის ფინანსთა მინისტრმა რუსული ბანკების „სრული ბლოკადა“ და რუსეთთან ბიზნესის თითქმის სრული შეწყვეტა გამოაცხადა.

რუსეთი ადატურებს ჩერნობილის ატომური ელექტროსადგურზე კონტროლის აღებას. მანამდე თეთრმა სახლმა განაცხადა, რომ რუსმა სამხედროებმა მძევლად აიყვანეს ატომური ელექტროსადგურის მუშები

 “უკრაინა ონლაინ” ციტირებს ღარიბაშვილს, რომელმაც თქვა, რომ დასავლეთის სანქციებს არ მიუერთდება. გამოცემა ამ ინფორმაციას ურთავს კომენტარს:

“და როდესაც რუსეთი თავს დაესხა საქართველოს, ჩვენ თქვენ საზენიტო-სარაკეტო კომპლექსს გაწვდიდით”

კიევში სამთავრობო კვარტალთან სროლის ხმა ისმის – Associated Press.

ამავე დროს უკრაინის ტერიტორიული თავდაცვის უწყება მოუწოდებს ყველას, მივიდნენ სამხედრო გაწვევის პუნქტებში,  გაიარონ აღრიცხვა და შეუერთდნენ თავდაცვის რიგებს.

როსავიაციამ აკრძალა ბრიტანული თვითმფრინავების ფრენა რუსეთში. სანქციების საპასუხოდ

ფინეთი უკრაინას თავდაცვისთვის 50 მილიონ დოლარს გამოუყოფს

„ჩვენ ვმსჯელობთ [ფინეთის პრეზიდენტთან] აგრესორთან დაპირისპირებაზე <…> ჩვენ უნდა გავაძლიეროთ სანქციები და თავდაცვის მხარდაჭერა“, – დაწერა ზელენსკიმ Twitter-ზე.

რუსეთის სახელმწიფო სააგენტო RIA NOVOSTI პრემიერ ღარიბაშვილს ციტირებს:

საქართველო არ შეუერთდება დასავლეთის ფინანსურ და ეკონომიკურ სანქციებს რუსეთის მიმართ.

 უკრაინის თავდაცვის სამინისტრომ განაცხადა, რომ ობოლონში არიან მტრის დივერსანტები და ადგილობრივ მოსახლეობას მოუწოდებს “მოლოტოვის კოქტეილები” დაამზადონ და ოკუპანტებთან გამკლავებაში დაეხმარონ.

კიევის მისადგომებთან რუსული სამხედრო ტექნიკის გაუთავებელი კოლონა. ასო “Z” არის ყველგან.

გერმანიის ფინანსთა მინისტრმა გამოაცხადა რუსული ბანკების “სრული ბლოკადა” და რუსეთთან ბიზნესის პრაქტიკულად შეწყვეტა.

რუსეთის ფედერაციის თავდაცვის სამინისტრო: უკრაინის 11 სამხედრო აეროდრომი მწყობრიდან გამოვიდა.

150-მა უკრაინელმა ჯარისკაცმა იარაღი დადო და რუსეთს ჩაბარდა.

რუსეთის საჰაერო-სადესანტო ჯარებმა კონტროლი აიღეს ჩერნობილის ატომური ელექტროსადგურის მიმდებარე ტერიტორიაზე – რუსეთის თავდაცვის სამინისტრო.

თავდაცვის მინისტრის მოადგილემ ანა მალიარმა განაცხადა, რომ განეიტრალებულია დამპყრობლების დივერსიულ-სადაზვერვო ჯგუფი, რომელიც უკრაინელი სამხედროების საფარქვეშ ცდილობდა კიევის ცენტრში შეჭრას.

სროლა კიევში მინსკის მასივში. დაკეტილია ობოლონის მეტროსადგური, მის ტერიტორიაზე საარტილერიო სროლები ისმის.

უკრაინის თავდაცვის სამინისტრო: რუსული ჯავშანტექნიკის კოლონა კიევისკენ მიემართება.

პრეზიდენტმა ზელენსკი სთავაზობს აღმოსავლეთ ევროპის ქვეყნებს შექმნან ომის საწინააღმდეგო კოალიცია და ერთად აიძულონ რუსეთი მშვიდობისკენ. შემოთავაზებული ზომების სიაში შედის ეკონომიკური ზეწოლა რუსეთზე და უკრაინის სამხედრო დახმარება.

აშშ-ის კონგრესის წარმომადგენელთა პალატა განიხილავს რეზოლუციას, რომელიც ითვალისწინებს რუსეთის გარიცხვას გაეროს უშიშროების საბჭოდან, წერს Axios.

unian: კიევთან ახლოს ვიშგოროდის მიდამოებში ძლიერი აფეთქება მოხდა. დარტყმის ტალღა იმდენად ძლიერი იყო, რომ მაღალსართულიანი შენობების ზედა სართულების მცხოვრებლებმა შენობების შესამჩნევი ვიბრაცია იგრძნეს.

უკრაინის შეიარაღებულმა ძალებმა ჩერნიგოვის მახლობლად რუსების შეტევა მოიგერიეს

უკრაინის შეიარაღებული ძალების გენერალურმა შტაბმა კიევის დროით დილის 6:00 საათზე (თბილისის დროით 08;00) ოპერატიული ინფორმაცია გამოაქვეყნა – შეაჯამა სამხედრო სიტუაცია ქვეყანაში:

საჰაერო თავდაცვის სისტემამ დილის 4:00 საათზე კიევის მიმართულებით განხორციელებული ორი დარტყმა მოიგერია. (გენშტაბის განცხადებაში მათ “სასიკვდილო საჩუქრები” “ძმებისგან” ჰქვია)

რუსულმა ჯარებმა ავიაიერიში მიიტანეს უკრაინულ ქვედანაყოფებზე ქალაქ კროპივნიცკისთან (კიროვოგრადის ოლქი)

უკრაინელმა სამხედროებმა დააფიქსირეს რუსული შვეულმფრენების აქტივობა ვილკოვოსა და ტირასპოლის მახლობლად (ორივე განლაგებულია მოლდოვას საზღვართან)

რუსული სამხედრო ტექნიკის, ჯავშანტექნიკის ყველაზე დიდი კონცენტრაცია ახლა არის დიმერისა და ივანკოვის მიდამოებში (კიევის რეგიონი). იქ მიდის ბრძოლები/

გენშტაბი ადასტურებს ინფორმაციას ტეტერევზე ხიდის აფეთქების შესახებ.

კიევის მახლობლად მდებარე ანტონოვის (გოსტომელის) აეროდრომის გარშემოც ბრძლაა – ამჟამად იგი უკრაინელების ხელშია. გუშინ ის რუსეთის ჯარების კონტროლის ქვეშ გადავიდა

რუსული ტანკები კიევისკენ ჩერნობილის დახურული ზონიდან მიემართებიან, –
ადასტურებს გენერალურმა შტაბი ამ ინფორმაციას.

ზელენსკი ამბობს, რომ უკრაინას არ ეშინია რუსეთთან საუბრის, მათ შორის “ნეიტრალურ” სტატუსზეც:

„დღეს 27 ევროპელ ლიდერს ვკითხე, შევა თუ არა უკრაინა ნატო-ში, პირდაპირ ვკითხე. ყველას ეშინია, არ პასუხობენ. მაგრამ ჩვენ არაფრის არ გვეშინია. არ გვეშინია რუსეთის, არ ვეშინია რუსეთთამ საუბრისმ საუბრის ყველაფერზე – ჩვენი ქვეყნის უსაფრთხოების გარანტიებზე, ნეიტრალური სტატუსზე (ახლა ხომ ნატოში არ ვართ). მაგრამ რა გარანტიები გვექნება ასეთ შემთხვევაში?“, – განაცხადა ზელენსკიმ.

24 თებერვლის, ომის პირველი დღის მიმდინარეობის შესახებ  Live   ნახეთ აქ