"ქამრებს შემოვიჭერთ" - როგორ აპირებს გადარჩენას ცხინვალი რუსეთის წინააღმდეგ სანქციების ფონზე
როგორ აპირებს გადარჩენას ცხინვალი
ცხინვალის დღევანდელი ხელისუფლება ცდილობს დაარწმუნოს მოსახლეობა, რომ მხოლოდ რუსული საინვესტიციო პროგრამის გახანგრძლივების ფაქტი უკვე „დიდი მიღწევაა“. თუმცა, ყველა არ იზიარებს ხელისუფლების ოპტიმიზმს. მიზეზი კი ის არის, რომ ამჯერად ინვესტიციის მოცულობა გაცილებით მოკრძალებული აღმოჩნდა, ვიდრე ადრე.
JAMnews-მა ცხინვალელ ექსპერტებს მიმართა კითხვით: „როგორ გადარჩება სამხრეთ ოსეთი რუსეთის ფედერაციის წინააღმდეგ სანქციების ფონზე იმის გათვალისწინებით, რომ იგი თითქმის მთლიანად არის დამოკიდებული რუსეთის დაფინანსებაზე?”
ერთი მილიარდით ნაკლები
რუსეთმა და სამხრეთ ოსეთმა დაამტკიცეს 2023-2025 წლების საინვესტიციო პროგრამა, რომლის საერთო მოცულობა 3,5 მილიარდ რუბლს აღემატება [დაახლოებით 46 მილიონი აშშ დოლარი]. ეს ერთი მილიარდი რუბლით ნაკლებია წინა საინვესტიციო პროგრამებზე. მომდევნო სამი წლის განმავლობაში სამხრეთ ოსეთის ხელისუფლებამ ამ ფულით უნდა ააშენოს საცხოვრებლები, სოციალური ობიექტები და მოაწესრიგოს საგზაო ინფრასტრუქტურა.
ცხინვალში აშკარად მეტს ელოდნენ. ექსპერტები თანხმდებიან, რომ რუსეთი მოუწოდებს სამხრეთ ოსეთის ხელმძღვანელობას გამოიჩინოს დამოუკიდებლობა საკუთარი ეკონომიკის განვითარებაში და არ იყვნენ ჩამოკიდებული მხოლოდ მოსკოვზე.
მაგრამ პრეზიდენტმა ალან გაგლოევმა თქვა, რომ რესპუბლიკა ვერ მიაღწევს დასახულ მიზნებს რუსეთის ფედერაციის მხარდაჭერის გარეშე:
„ჩვენი მხრივ, ჩვენ დავიწყეთ და გავაგრძელებთ არსებული, მაგრამ არაეფექტური მიდგომების შეცვლას სოციალურ-ეკონომიკური ხასიათის სხვადასხვა საკითხების გადაწყვეტაში. ვფიქრობ, რომ მჭიდრო თანამშრომლობითა და ურთიერთგაგებით ჩვენ შევძლებთ შედეგების ჩვენებას არა მხოლოდ რესპუბლიკის, არამედ მთელი კავკასიის რეგიონის მასშტაბით.
„სამხრეთ ოსეთი რუსეთის სტრატეგიული მოკავშირეა“ და „მისი უსაფრთხოებისა და სოციალურ-ეკონომიკური სტაბილურობის უზრუნველყოფა შეესაბამება რუსეთის გრძელვადიან ინტერესებს, მათ შორის ახალი გეოპოლიტიკური რეალობის კონტექსტში“, – დაადასტურა გაგლოევის სიტყვები ვიცე-პრემიერმა ალექსანდრე ნოვაკმა.
მარტივად რომ ვთქვათ, რუსეთი პირდება ცხინვალს, რომ გააგრძელებს ფულის მიცემას, თუმცა ბუნდოვანია, შეძლებს თუ არ ქვეყანა ამ ფულით არსებობას.
- სამხრეთ ოსეთი რუსეთის შემადგენლობაში: ისევ აქტუალურია ეს თემა?
- როგორ არსებობს მცირე ბიზნესი ცხინვალში. ფერმერის ისტორია
- ნასოფლარების მხარე
“ფერმერებს უნდა დავეხმაროთ”
პარლამენტის ყოფილი სპიკერი, “ერთიანი ოსეთის” საპარლამენტო პარტიის თავმჯდომარე, დეპუტატი ალან თადთაევი:
„სამხრეთ ოსეთი მთლიანად არის დამოკიდებული რუსეთის ფედერაციაზე პირველადი საქონლის, საკვებისა და სამრეწველო საქონლის მიწოდებით. სანქციების გამკაცრებასთან ერთად ეს ყველაფერი გაძვირდა რუსეთის ფედერაციაში და შესაბამისად, ჩვენთანაც. ამავდროულად, ზოგიერთ სახელმწიფო მოხელეს ხელფასი შეუმცირდა.
ჩვენ უნდა დავეხმაროთ ფერმერებს, რომლებიც დღეს უკვე აწვდიან ბაზარს სოფლის მეურნეობის პროდუქციას. შეღავათიანი სესხების ნახევარი მოდის მომსახურებისა და ვაჭრობის სექტორებზე, ხოლო რეალური შრომისმოყვარეებისთვის გამოყოფილი თანხები მწირია. კარგი იქნება, რომ ამისთვის გამოიყოს თანხები, რომლებსაც ისინი ითხოვენ წარმოების გაფართოებისთვის. ეს ხელს შეუწყობს როგორმე დავიცვათ რესპუბლიკა ხილისა და ბოსტნეულის დეფიციტისგან, რომლის 80-90 პროცენტი ახლა რუსეთის ფედერაციიდან შემოდის. ჩვენ თვითონ უნდა შევძლოთ ხილისა და ბოსტნეულის მოყვანა“.
იძულებითი განვითარება
პარლამენტის საგარეო პოლიტიკისა და საპარლამენტთაშორისო ურთიერთობების კომიტეტის ყოფილი თავმჯდომარე, ყოფილი დეპუტატი იგორ კოჩიევი:
„სამწუხაროდ, სამხრეთ ოსეთის ეკონომიკა იმდენად სუსტია, რომ წმინდა ეკონომიკური თვალსაზრისით ჩვენ ვერც კი ვიგრძნობთ დასავლეთის სანქციებს რუსეთის წინააღმდეგ. მაგრამ სანქციებთან და რუსეთის ეკონომიკის რესტრუქტურიზაციასთან დაკავშირებით სპეციალური სამხედრო ოპერაციის საჭიროებისთვის, ჩვენთვის შესაძლებელია ისეთი უსიამოვნო მოვლენები, როგორიცაა საინვესტიციო პროგრამის შემცირება ან სოციალურ-ეკონომიკური განვითარების პროგრამა.
ჩვენ გვქონდა ეკონომიკის განვითარების ყველა შესაძლებლობა, მაგრამ მთელი ამ წლების განმავლობაში ხელმძღვანელობას არც ერთი რეალური ნაბიჯი არ გადაუდგამს. პირიქით, მათ აშკარად წარუმატებელ პროექტებს დაუჭირეს მხარი, რომლებიც ასობით მილიონი რუბლი დაჯდა, ზოგიერთი გაუგებარი სქემა განხორციელდა ეკონომიკური პროექტებით და ა.შ. ახლა უფრო, ვიდრე ოდესმე არის საჭირო მინიმუმ მინიმალური სასურსათო უსაფრთხოება რეალურ ეკონომიკურ პროექტებში. ვიმედოვნებ, რომ რუსეთში არსებული ეკონომიკური მდგომარეობა სტიმულს მისცემს ჩვენს ეკონომიკას“.
არა მარტო ეკონომიკური ზარალი
ერთ-ერთი სამინისტროს თანამშრომელმა, ანონიმურობის დაცვის პირობით განაცხადა, რომ აღიარებს სამხრეთ ოსეთის საკუთარი შემოსავლების შემცირების შესაძლებლობას, მაგრამ დარწმუნებულია, რომ რუსეთის მხარდაჭერით, კრიზისის თავიდან აიცილება მოხდება.
„სამხრეთ ოსეთს სანქციების ფონზე ძალიან გაუჭირდება, მაგრამ რუსეთისგან არის ნდობა და გარანტიები, რომ ის ნებისმიერ შემთხვევაში დაგვიჭერს მხარს. დიახ, დაფინანსება, დიდი ალბათობით, ყოველწლიურად შემცირდება, იქნება პერსონალის შემცირებაც (ოპტიმიზაცია) საბიუჯეტო ორგანიზაციებში, მაგრამ ჩვენი გადარჩენისთვის საჭირო დაფინანსება რუსეთის მხრიდან გაგრძელდება. დიახ, მოგიწევთ ქამრების შემოჭერა, მაგრამ სიცოცხლე უზრუნველყოფილი იქნება. ყოველ შემთხვევაში, რუსეთისთვის არ არის მომგებიანი სამხრეთ კავკასიაში შიმშილისგან მეამბოხე მოკავშირის ყოლა. ჩვენთვის დახმარება დიდად არ დაამძიმებს რუსეთის ბიუჯეტს.
ხოლო პოლიტოლოგი ალან მამიევი ყურადღებას ამახვილებს იმაზე, რომ ყველაფერი, რაც ხდება და რასაც ცხინვალი განიცდის, არ არის მხოლოდ ეკონომიკაზე დამოკიდებული:
„ეკონომიკა გადარჩევა და იარსებებს. დიახ, დაფინანსება შემცირდება. მაგრამ მოსახლეობის რაოდენობა კლებულობს: ოფიციალურად მითითებულია მოსახლეობის ერთი რაოდენობა, ხოლო არაოფიციალურად – სხვა მაჩვენებლები. ომის ფასს მთელი ქვეყანა იხდის – ბევრი ბიჭი იღუპება როგორც სამხრეთ, ისე ჩრდილოეთ ოსეთიდან.“
სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
