რეზუს მაკაკების საახალწლო სუფრა. სცენები თბილისის ზოოპარკიდან. ვიდეო
მაკაკების ახალი წელი ზოოპარკში
საახალწლო სამზადისი რეზუს მაკაკების ვოლიერშიც იგრძნობა. ზოოპარკის თანამშრომლებმა მაკაკებს სუფრა თოკებზე გაუშალეს. სასუსნავის ასეთი ფორმით მოპოვება ცხოველებისთვის საინტერესო და სახალისოა.
როგორ ცხოვრობს თბილსისის ზოოპარკი: ყველა ვიდეო თოკებზე ჩამოკიდებული საკვები მაკაკებისთვის ერთდროულად თამაშიცაა და ფიზიკური და გონებრივი განვითარების საშუალებაც. ასეთი აქტივობები მათ ბუნებრივ ქცევას აძლიერებს.
მაკაკების ეს სახეობას ჯოგურად ცხოვრობს. მათი საყვარელი ადგილი ხეებზე ცხოვრებაა, თუმცა მიწაზეც კარგად გრძნობენ თავს. კარგად ცურავს და ყვინთავს. რეზუს მაკაკები გავრცელებულია სამხრეთ-აღმოსავლეთ აზიაში.
თბილისის ზოოპარკს არსებობის თითქმის ასწლიანი ისტორია აქვს. ის 1927 წლის 10 თებერვალს, კავკასიის ცხოველთა საკლიმატიზაციო საზოგადოების ბაზაზე დაარსდა. საზოგადოება XX საუკუნის დასაწყისიდან ინახავდა ველურ ცხოველებს, თუმცა ზოოპარკის სტატუსი არ ჰქონდა.
თავდაპირველად ზოოპარკი მდინარე ვერეს ხეობაში, 70 ჰექტარზე იყო გაშენებული. წლების განმავლობაში დედაქალაქის განვითარებამ, მოგვიანებით კი 2015 წლის 13 ივნისის წყალდიდობამ, ძველი ზოოპარკის ტერიტორია მნიშვნელოვნად შეამცირა. დღესდღეობით მას 5 ჰექტარი უკავია. ზოოპარკს 1500-მდე ბინადარი ჰყავს. ყველა ცხოველს საკუთარი ისტორია აქვს.
ბლოგების ამ სერიით თბილისის ზოოპარკის ბინადრებს გაგაცნობთ. მოგიყვებით როგორია მათი ერთი, რუტინული დღე, როგორ ურთიერთობენ სხვა ცხოველებთან და ადამიანებთან, როგორი იცვლება მათი ქცევები ამინდის და სეზონების მიხედვით. აქ ბევრ საინტერესო ამბავს გაიგებთ.
