პოლონეთი ბელარუსთან და რუსეთთან საზღვარზე დაახლოებით 40 000 სამხედროს განალაგებს
JAMnews პარტნიორის, Novosti Donbassa -ს მასალა
TVP World-ის ცნობით, პოლონეთი ბელარუსთან და რუსეთთან საზღვრებზე დაახლოებით 40 000 ჯარისკაცს აგზავნის 10 სექტემბერს რუსული დრონით თავდასხმის შემდეგ გამწვავებული დაძაბულობის ფონზე.
რუსეთ-ბელარუსის ერთობლივ სამხედრო წვრთნებში, სახელწოდებით „ზაპად 2025“, სავარაუდოდ, ათიათასობით ჯარისკაცი მიიღებს მონაწილეობას, რის გამოც პოლონეთმა თავის აღმოსავლეთ საზღვართან დაახლოებით 40 000 ჯარისკაცის განლაგების გადაწყვეტილება მისცა.
პოლონეთის თავდაცვის მინისტრის მოადგილემ, ცეზარი ტომჩიკმა განაცხადა, რომ „პოლონეთი „ზაპად-2025“-ის წვრთნებისთვის მრავალი თვის განმავლობაში ემზადებოდა“.
„პოლონეთის არმიამ ადეკვატური რეაგირების მიზნით წვრთნები ჩაატარა, რომელშიც 30 000-ზე მეტი პოლონელი ჯარისკაცი მონაწილეობდა, ასევე (ნატოს) ჯარისკაცები. გავიხსენოთ, რომ „ზაპად-2025“ შეტევითი წვრთნებია“, – აღნიშნა მან.
ადრე დავწერეთ, რომ პარასკევს, 12 სექტემბერს, აქტიური რუსეთ-ბელორუსული წვრთნები „ზაპად-2025“ იწყება. ამის გამო, პოლონეთის ხელისუფლებამ გადაწყვიტა ბელარუსთან საზღვრის, კერძოდ, რკინიგზის გადასასვლელების დაკეტვა.
exchange
