ომბუდსმენი: სახელმწიფომ პასუხი უნდა გასცეს ლეგიტიმურ კითხვებს კორონავირუსთან დაკავშირებით

საზოგადოებაში გაჩენილ კითხვებზე საპასუხოდ არ არის საკმარისი მხოლოდ საწოლფონდსა და ჯანდაცვის სისტემის ზოგად მზაობაზე მითითებები. ამასთან, ჯანდაცვის სამინისტრომ საზოგადოებას უნდა მიაწოდოს ინფორმაცია აუდიტის ექპერტთა ჯგუფის საქმიანობასთან დაკავშირებითაც – ნათქვამია სახალხო დამცველის აპარატის განცხადებაში.

როგორც ომბუდსმენის განცხადებაშია აღნიშნული, პერიოდულად სხვადასხვა მედიასაშუალებებში ვრცელდება ინფორმაცია, რა დროსაც გარდაცვლილთა ოჯახები მიუთითებენ დაგვიანებულ ჰოსპიტალიზაციასა და მკურნალობაზე, რამაც პაციენტების გარდაცვალება გამოიწვია.

სწორედ ამის გამო, სახალხო დამცველი მოუწოდებს ხელისუფლებას, მიაწოდოს საზოგადოებას ინფორმაცია კორონავირუსის შემთხვევების აუდიტის ექპერტთა ჯგუფის საქმიანობის შედეგების შესახებ. კერძოდ – ამ დროისთვის რამდენი შემთხვევა გაანალიზდა, რა ხარვეზები გამოიკვეთა და რა კონკრეტული რეკომენდაციები გაიცა.

ასევე, კონკრეტულად რა ზომების მიღება არის დაგეგმილი გამოვლენილი ხარვეზების გამოსასწორებლად და როდისთვის.

● ახალი ცხოვრება ორი თვით. რა შეზღუდვები დააწესა საქართველოს მთავრობამ