ნატო-მ უკრაინას გაფართოებული შესაძლებლობების პროგრამის წევრის სტატუსი მიანიჭა. რას ნიშნავს ეს?
ჩრდილოატლანტიკურმა ალიანსმა უკრაინას ნატო-ს გაფართოებული შესაძლებლობების პროგრამის წევრის სტატუსი მიანიჭა. ამის შესახებ უკრაინული ტელეკომპანია ჰრომადსკოე ნატოს პრესსამსახურზე დაყრდნობით იუწყება.
”ეს გადაწყვეტილება წარმოადგენს ნატო-ს მისიებში მნიშვნელოვანი წვლილის აღიარებას და ადასტურებს ალიანსის მუდმივ ერთგულებას პარტნიორობის მიმართ, კორონავირუსის პანდემიის მიუხედავად,” – განაცხადა ნატო-ს სპიკერმა ოანა ლუნგესკუმ.
- მოსაზრება: რა უნდა გააკეთონ უკრაინამ, საქართველომ და მოლდოვამ დასავლური ინტეგრაციის გასაგრძელებლად კრიზისის პირობებში
- ალექსანდრ ვერშბოუ: საქართველოს ნატო-ში გაწევრიანების „გერმანული მოდელი“ უნდა განიხილებოდეს
- უკრაინელები ხელისუფლებას გაეხუმრნენ
ნატო-ში აღნიშნავენ, რომ უკრაინის ახალი სტატუსი მას წევრი ქვეყნის შეიარაღებულ ძალებთან თავსებადობის ახალ პროგრამებზე წვდომაში, ასევე ინფორმაციის გაცვლაში დაეხმარება. ამავდროულად, უკრაინის პროგრამაში გაწევრიანება არ ახდენს გავლენას ალიანსის გადაწყვეტილებაზე ნატო-ში ქვეყნის წევრობის შესახებ.
ნატო-ს გადაწყვეტილებას უკრაინის საგარეო საქმეთა მინისტრი დმიტრი კულება მიესალმა.
”გულწრფელ მადლობას ვუხდი ალიანსში მოღვაწე ჩვენს პარტნიორებს, რომელთა წყალობით შესაძლებელი გახდა ეს გადაწყვეტილება. საბოლოოდ უკრაინამ მიიღო ნატოს გაფართოებული შესაძლებლობების პარტნიორის სტატუსი. ამით ერთმანეთს კიდევ უფრო ვაძლიერებთ ”, – დაწერა მან Twitter- ზე.
ნატოს გაფართოებული შესაძლებლობების პარტნიორობის (Enhanced Opportunities Partner — EOP) პროგრამა ალიანსმა 2014 წელს აამოქმედა. მისი მიზანია მონაწილე ქვეყნების ჯარების ნატოს ძალებთან ოპერატიული თავსებადობის გაძლიერება.
EOP– ის წევრები ნატო – სთან ურთიეეთობაში რამდენიმე უპირატესობით სარგებლობენ: რეგულარული პოლიტიკური კონსულტაციები უსაფრთხოების საკითხებზე, წვრთნებზე და ინფორმაციის გაცვლაზე გაფართოაბული წვდომა და მჭიდრო თანამშრომლობა კრიზისის დროს.
უკრაინის გარდა, EOP სტატუსი ხუთ ქვეყანას აქვს მიღებული: საქართველოს, შვედეთს, ფინეთს, ავსტრალიას და იორდანიას.
