მარტა კოსი: ეს არის გაფართოების ისტორიაში ყველაზე ცუდი ანგარიში
მარტა კოსის კომენტარი
გაფართოების საკითხებში ევროკავშირის უმაღლესი კომისრის, მარტა კოსის განცხადებით, გაერთიანების წევრობის კანდიდატების ისტორიაში საქართველოს ყველაზე ცუდი ანგარიშის დასკვნა ჰქონდა.
მისივე თქმით, ევროკავშირსა და საქართველოს შორის ურთიერთობების გაუმჯობესება მაშინ იქნება შესაძლებელი, როცა მთავრობა შეწყვეტს სამოქალაქო საზოგადოებასა და მედიაზე ზეწოლას და ასევე შეწყვეტს ოპოზიციური ლიდერების დაპატიმრებას.
მარტა კოსი: “ეს არის ყველაზე ცუდი გაფართოების ანგარიში ნებისმიერი კანდიდატის ქვეყნისთვის ისტორიაში, მაგრამ სამართლიანად.
[საქართველოს] მათი მთავრობა ატყუებს ხალხს, რომ ისინი მათ ევროკავშირთან ახლოს მიჰყავს, თუმცა მთავრობა საქართველოს ევროკავშირს აშორებებს.ეს აშკარა უკუსვლაა ბევრ, განსაკუთრებით ფუნდამენტურ არეაში, როგორიცაა კანონის უზენაესობა, ანტიკორუფიუცლი ზომები, მედიის თავისუფლება. მთავრობა არ მიჰყვება მათი ხალხის ინტერესებს.
ერთადერთი გამოსავალი ისაა, რომ საქართველოს მთავრობამ გადახედოს ბევრ კანონს, რომლებიც აშკარად ანტიევროპულია, ასევე მათ უნდა შეწყვიტონ პოლიტიკური ოპონენტებისა და ჟურნალისტების დაპატიმრება, უნდა შეწყვიტონ სამოქალაქო საზოგადოების ორგანიზაციებზე ზეწოლა. ჩვენ გვიჭირს მათი მხარდაჭერა, რადგანაც, რამდენადაც არ უნდა გვინდოდეს მათი დახმარება, არის რისკი, რომ ისინი ციხეში მოხვდებიან.
საქართველო კანდიდატი ქვეყანა მაინც არის, მაგრამ კომისიისთვის, მხოლოდ ქაღალდზე. ჩვენ ყველაფერს გავაკეთებთ, მედიისა და განსაკუთრებით სამოქალაქო საზოგადოების ორგანიზაციების მხარდასაჭერად.”
ევროპის კომისიის 2025 წლის გაფართოების ანგარიშის მიხედვით, საქართველოს ევროკავშირთან ინტეგრაციის პროცესის საფუძვლები ბოლო წლის განმავლობაში მნიშვნელოვნად დასუსტდა.
ანგარიშში აღნიშნულია, რომ მთავრობის გადაწყვეტილებამ პრაქტიკულად შეაჩერა გაწევრიანების პროცესი; ხელისუფლებამ 2024 წლის 28 ნოემბერს განაცხადა, რომ მოლაპარაკებები არ გაგრძელდება და ევროკავშირის ფინანსური მხარდაჭერის მიღებაზე უარი გამოაცხადა 2028 წლამდე.
დოკუმენტში ნათქვამია, რომ ქვეყანაში განხორციელებულმა საკანონმდებლო ცვლილებებმა და რეპრესიულმა ღონისძიებებმა შეამცირა სამოქალაქო საზოგადოების, დამოუკიდებელი მედიისა და ოპოზიციის შესაძლებლობები აქტიურად მიიღონ მონაწილეობა პროცესებში; მიღებულია სამართლებრივი რეგულაციები, რომლებიც მნიშვნელოვნად გაართულებს საერთაშორისო დაფინანსების მიღებას და სერიოზულად შეზღუდავენ ორგანიზაციების საქმიანობას. ანგარიშში ნახსენებია უცხო გავლენის რეგისტრაციის კანონი და გრანტების სფეროში განხორციელებული შეზღუდვები.
