ომი უკრაინაში, ძირითადი მოვლენები. განახლებადი ინფორმაცია

აზოვის ბატალიონის სამ წევრს აქვს მოწამვლის ნიშნები, თუმცა კატასტროფულ მდგომარეობაში არ არიან – აზოვის ბატალიონის მეთაურმა, ანდრეი ბილეცკიმ უთხრა უკრაინა 24-ს

უკრაინის სახელმწიფო სააგენტოს ცნობით, რუსმა სამხედროებმა ჩერნობილის ატომური ელექტროსადგურის კვლევითი ლაბორატორიიდან რადიოაქტიური ნივთიერებები მოიპარეს, რომლებსაც მათი დახოცვა შეუძლია.

ევროკავშირმა სანქციები დაუწესა 217 ბიზნესმენს, პოლიტიკოსებს, სამხედროებს, ჟურნალისტებს რუსეთიდან და ლუგანსკისა და დონეცკის თვითგამოცხადებული რესპუბლიკებიდან.

“რუსეთის სამხედრო ძალებმა კრამატორსკის რკინიგზის სადგურს ისკანდერის ტიპის რაკეტით დაარტყეს.

დაიღუპა 30-ზე მეტი ადამიანი, 100-ზე მეტი კი დაშავდა.

ასეთ თავდასხმას წინ ახლავს სამიზნის დეტალური დაზვერვა, ისინი ძალიან კარგად ხედავდნენ, რომ იქ მშვიდობიანი მოქალაქეები იყვნენ.

რა ჩათლახებთან გვიწევს ომი.” – წერს არესტოვიჩი ტვიტერზე.

გავრცელებული ინფორმაციით, რუსი სნაიპერები მშვიდობიან მოსახლეობაზე „ვარჯიშობდნენ“, შემდეგ კი მათ დაღუპულთა ცხედრები ავტოფარეხში გადამალეს.

უკრაინის გენერალური პროკურატურა: რუსეთის შეჭრიდან დღემდე უკრაინაში 167 ბავშვი დაიღუპა, 279-ზე მეტმა კი სხვადასხვა ტიპის დაზიანებები მიიღო

მედვედევი: “მთავარი მიზანია დღევანდელი უკრაინელების ნაწილის სისხლიანი და ცრუ მითებით სავსე ცნობიერების შეცვლა. მიზანია უკრაინის მომავალი თაობების მშვიდობა და შესაძლებლობა, ბოლოს და ბოლოს, ავაშენოთ ღია ევრაზია – ლისაბონიდან ვლადივასტოკამდე.”

იტალია – 30 დიპლომატი “უსაფრთხოების მიზნით”;

შვედეთი – 3 დიპლომატი;

დანია – 15 დიპლომატს ბუჩას ხოცვა-ჟლეტის საპასუხოდ გააძევებს. დიპლომატებს ბრალი ჯაშუშობაში ედება.

მანამდე, 4 აპრილს, საფრანგეთმა, გერმანიამ და ლიეტუვამ გააძევეს დიპლომატები საკუთარი ქვეყნებიდან.

„დადგება დრო, როცა ყველა რუსი გაიგებს სიმართლეს იმის შესახებ, თუ რომელი მისი თანამოქალაქე კლავდა, ბრძანებას ვინ გასცემდა, ვინ დახუჭა თვალი მკვლელობებზე.

ჩვენ ამ ყველაფერს ნათელს მოვფენთ და ეს ყველაფერი გახდება მსოფლიოში ცნობილი. ახლა 2022 წელია და ჩვენ გაცილებით მეტი ინსტრუმენტი გვაქვს, ვიდრე მათ, ვინც ნაცისტები მეორე მსოფლიო ომის შემდეგ გაასამართლეს“.

“ეს ბიჭი ბარბაროსია. რაც ბუჩაში ხდება აღმაშფოთებელია – ეს ყველამ დაინახა. მე ვფიქრობ, რომ ეს არის ომის დანაშაული. ჩვენ ახალ სანქციებს დავაწესებთ!”

ბაიდენმა ასევე მოითხოვა სამხედრო ტრიბუნალის მოწვევა პუტინის ომის დანაშაულების გამოსაძიებლად. აშშ-ის პრეზიდენტმა კომენტარი მას შემდეგ გაკეთდა, რაც ვოლოდიმირ ზელენსკი ბუჩას ეწვია.

გერმანიის მთავრობამ არასასურველად გამოაცხადა რუსეთის საელჩოს თანამშრომლების მნიშვნელოვანი რაოდენობა. ამის შესახებ გერმანიის საგარეო საქმეთა მინისტრის, ანნალენა ბერბოკის განცხადებაშია ნათქვამი.

Spiegel-ის ცნობით, მთლიანობაში გერმანიის საგარეო საქმეთა სამინისტრომ რუსეთის საელჩოს 40 თანამშრომელი პერსონა ნონ გრატად გამოაცხადა

კიევსა და კიევის რეგიონებში ყოველდღიურად ათასობით ადამიანი ბრუნდება, მიუხედავად იმისა, რომ რუსულ ჯარებს ჯერ ბოლომდე არ დაუტოვებიათ რეგიონი.

⚡️ მიუხედავად იმისა, რომ ადგილობრივი ხელისუფლება მოსახლეობას სთხოვს, არ იჩქარონ დაბრუნება, კიევის შესასვლელთან ყოველდღე კილომეტრიანი საცობებია.

ლტოლვილთა უმეტესობა მოხუცები, ქალები და ბავშვები არიან.

გეგმაში ზუსტად იქნება გაწერილი, მარშრუტი, ევაკუაციის დაწყების დრო და მიმდინარეობის პერიოდი, რომელსაც ორივე მხარე უნდა დაეთანხმოს.

ასევე, ბრიტანეთის თავდაცვის სამინისტროს ცნობით, უკრაინა კიევის აღმოსავლეთით და ჩრდილო-აღმოსავლეთით მცირე მასშტაბის კონტრ-იერიშებს წარმატებით ახორციელებს.

ძირითადი პუნქტები:

▪️ბიზნესი იწყებს პირველი შოკიდან გამოსვლას. რამდენიმე დიდი ქარხანა ძალიან მალე დაიწყებს მუშაობას.

▪️ახალ საგადასახადო სისტემაზე გადასვლის მოთხოვნით 120 ათასზე მეტმა მეწარმემ რამდენიმე დღეში მიმართა.

▪️გასული 24 საათის განმავლობაში Diya სისტემის მეშვეობით დარეგისტრირდა ათასი ახალი ინდივიდუალური მეწარმე.

▪️რელოკაციაზე განაცხადი 1,5 ათასამდე საწარმოს აქვს შემოტანილი.

▪️უკრაინის 20 რეგიონში თესვის სეზონი უკვე დაიწყო. თესვა შეიძლება განხორციელდეს 6 მილიონ ჰექტარ ფართობზე. ეს არის 2021 წლის ტერიტორიის 80%.

▪️სახელმწიფო ყიდულობს 10 მილიონ საკვებ პაკეტს უკრაინელებისთვის წინა ხაზზე ქალაქებში.

▪️მსოფლიო აგრძელებს უკრაინის მხარდაჭერას. ნორვეგიის ბიუჯეტი 20 მილიონს გამოყოფს, პოლონეთის მინისტრთა საბჭომ მიიღო რეგულაცია რუსეთიდან ქვანახშირის იმპორტის დაბლოკვის შესახებ. ჩვენ შევთანხმდით საფრანგეთისგან 300 მილიონი ევროს მხარდაჭერაზე. ასევე, ევროკავშირის გრანტის შესახებ 120 მილიონი ევროს მოცულობით.

▪️პრეზიდენტი გუშინ შეთანხმდა აშშ-ს მთავრობასთან 500 მილიონი დოლარის მიღებაზე.

რუსეთის საგარეო საქმეთა მინისტრის თქმით, “მიუხედავად იმისა, რომ თალიბებს ნაკლებად აქვთ მენეჯმენტის გამოცდილება, და ასევე ებრძვიან აშშ-ის და მისი მოკავშირეების მიერ დაწესებულ ფინანსურ, ეკონომიკურ და დიპლომატიურ შეზღუდვებს, ავღანეთის ახალი ადმინისტრაცია მთლიანობაში ახერხებს სახელმწიფოს მართვას”.

პუტინის პრესმდივანმა პესკოვმა სტამბოლში გამართული მოლაპარაკებების შესახებ ისაუბრა.

მისი თქმით, რუსეთის ხელისუფლება ვერ ხედავს “რაღაც პერსპექტიულს ან რაიმე მნიშვნელოვან გარღვევას”.

ფასების გაუმართლებელი მატების შემთხვევები;
ბიზნესის წარმოების შეფერხება;
ჰუმანიტარული დახმარებით უკანონოდ სარგებლობის ფაქტები;
ან სხვა ეკონომიკური სამართალდარღვევა.

გაეროს ოფიციალური მონაცემებით, უკრაინაში რუსულ სამხედრო აგრესიას სწორედ ამდენი ბავშვის სიცოცხლე ემსხვერპლა. არაოფიციალურად მათი რიცხვი კიდევ უფრო მეტია.

აქცია-პერფომანსის ორგანიზატორები ჟურნალისტები არიან.
ერთ-ერტი ორგანიზატორი, ჟურნალისტი ეკა ქადაგიშვილი ამბობს, რომ ერთი კვირის წინ, როდესაც აქცია დაიგეგმა, 119 ბავშვი იყო დაღუპული. „დღეისთვის კი ჩვენ 26 ფეხსაცმლის დამატება მოგვიწია“.
“როდესაც ჯავშანტექნიკა კალიებივით ესევა შენს ქვეყანას, ჩვენ ვიცით, რამდენად მნიშვნელოვანია ასეთ დროს მეგობრების მხარდაჭერა. ეს არის ჩვენი ხმამაღალი პროტესტი და მხარდაჭერა უკრაინას,”-აცხადებს აქციის ორგანიზატორი ირმა ნადირაშვილი.

მთავარი, რაც მან თქვა:

➤ სიგნალებს, რომლებიც მოლაპარაკებების პლატფორმიდან გვესმის, შეიძლება ეწოდოს პოზიტიური. მაგრამ ეს სიგნალები არ ახშობს რუსული ჭურვების აფეთქების ხმებს.

➤ რუსეთის არმიას ჯერ კიდევ აქვს მნიშვნელოვანი პოტენციალი შეტევების გასაგრძელებლად. ჩვენი ქალაქების დაბომბვა გრძელდება.

➤ სანქციების შემსუბუქების საკითხი შეიძლება არც დადგეს დღის წესრიგში, სანამ ომი არ დამთავრდება და ჩვენ სახლებში არ დავბრუნდებით.

➤ სახელმწიფო აანაზღაურებს საომარი მოქმედებების შედეგად დაკარგული ბინების და სახლების ხარჯებს – ჩვენ ყველაფერს აღვადგენთ. თითოეულ ჩვენს მოქალაქეს უკვე შეუძლია შეიტანოს განაცხადი.

რუსეთმა სტამბულში უკრაინასთან მოლაპარაკებების შემდეგ კიევისა და ჩერნიგოვის მიმართულებით სამხედრო აქტივობის “მკვეთრი შემცირების” შესახებ განაცხადა.

უკრაინის დელეგაციის ხელმძღვანელმა, დავით არახამიამ უკრაინის პირობები რუსეთს წარუდგინა:

“ჩვენი პირველი გამარჯვება მოლაპარაკების ბელარუსიდან თურქეთში გადმოტანაა. ჩვენ თურქეთს ვუყურებთ, როგორც უსაფრთხოების ერთ-ერთ გარანტორს.”

“უკრაინის უსაფრთხოების გარანტი შეიძლება გახდნენ დიდი ბრიტანეთი, ჩინეთი, აშშ, თურქეთი, საფრანგეთი, კანადა, იტალია, პოლონეთი და ისრაელი. ისინი იმოქმედებენ საერთაშორისო ხელშეკრულების ფარგლებში, მათ შორის, შეძლებენ ცის დახურვას უკრაინის მოთხოვნით და სამხედრო დახმარებას.”

“უსაფრთხოების გარანტორმა ყველა ქვეყანამ არათუ ხელი არ უნდა შეუშალოს უკრაინის გაწევრიანებას ევროკავშირში – უნდა დაეხმაროს ამ პროცესში.”

“შეთანხმებაში გარანტორი ქვეყნების მოქმედების მექანიზმი ეფექტური უნდა იყოს. ეს შესაძლოა, იყოს NATO-ს წესდების მე-5 მუხლის მსგავსი მექანიზმი”
[ნატოს მე-5 მუხლი: ალიანსის ერთ წევრზე თავდასხმა მთელ ალიანსზე თავდასხმის ტოლფასია]

თუ უკრაინის წინააღმდეგ ომის, აგრესია ან სპეცოპერაცია დაიწყება, გარანტორი ქვეყნები 3 დღის განმავლობაში მოაწყობენ კონსულტაციებს, შემდეგ კი ვალდებულები იქნებიან, უკრაინას დაეხმარონ.

“ეს დოკუმენტი შესაძლებელს ხდის ომის დასრულებას – მას ხელი უნდა მოაწეროს უსაფრთხოების გარანტორმა ყველა ქვეყანამ. ზოგიერთმა ქვეყანამ უკვე გასცა წინასწარი თანხმობა ხელშეკრულების პირობების შესრულებაზე” – ამბობს დავით არახამია.

დავით არახამიამ ასევე განაცხადა, რომ მხარეებმა რეალურ პროგრესს მიაღწიეს:

“ჩვენ ვფიქრობთ, რომ უკვე საკმარისად დიდი მოცულობის სამუშაო გავწიეთ რათა შესაძლებელი იყოს უკრაინის და რუსეთის პრეზიდენტების შეხვედრა”

მოლაპარაკებების პროცესი დადებითად შეაფასა რუსულმა მხარემაც. რუსეთის ფედერაციის დელეგაციის ხელმძღვანელმა, ვლადიმირ მედინსკიმ შეხვედრას კონსტრუქციული უწოდა.

უკრაინის პრეზიდენტის აპარატმა უკვე განაცხადა, რომ მოლაპარაკებების მორიგი რაუნდი დღეს საღამოს გაიმართება. მანამდე რუსული მხარე აცხადებდა, რომ ეს ხვალ მოხდებოდა.

მიხაილ პოდოლიაკი, უკრაინის პრეზიდენტის აპარატის უფროსის მრჩეველი:

“განხილვის მთავარი თემა უკრაინის უსაფრთხოების საერთაშორისო გარანტიების შესახებ შეთანხმებაა. საკითხების მეორე ნაწილი არის ცეცხლის შეწყვეტა, რათა მოგვარდეს ყველა ჰუმანიტარული პრობლემა. კიდევ ერთი პრობლემა, რომელიც სულ უფრო მძაფრდება, არის სიძულვილის ესკალაცია, ომის წესების დარღვევის ესკალაცია და არა მხოლოდ ბრძოლის ველზე – ტელევიზიის ეთერებშიც კი ხანდახან ისმის მოწოდებები ამა თუ იმ ერის განადგურების შესახებ, რაც იწვევს კონფლიქტებს და პატიმართა მიმართ სასტიკ მოპყრობას.

რუსეთის პრეზიდენტის მრჩეველი ვლადიმირ მედინსკი:

“იმედი მაქვს, რამდენიმე საათში ჩვენ გავაკეთებთ განცხადებას მოლაპარაკების შედეგებზე. აქამდე, მოლაპარაკებებზე ჩვენ ვაპროტესტებდით იმ ვიდეოჩანაწერებს, რომლებშიც ჩანდა დატყვევებული რუსი სამხედროების შეურაცხყოფა უკრაინელების მხრიდან. ეს პროტესტი უკრაინულმა მხარემ მიიღო, მათ პირობა დადეს, რომ მიიღებენ უმკაცრეს ზომებს.”

მოლაპარაკებებს ესწრება ბიზნესმენი რომან აბრამოვიჩი, რომელიც დოლმაბაჰჩეს სასახლეში იმყოფება, სადაც რუსეთსა და უკრაინას შორის მოლაპარაკებები მიმდინარეობს.

რია ნოვოსტი წერს, რომ აბრამოვიჩი თურქეთის პრეზიდენტ ერდოღანსა და თურქეთის საგარეო საქმეთა მინისტრ ჩავუშოღლუს ესაუბრა.

ამავდროულად, ვრცელდება ინფორმაცია, რომ ვლადიმირ მედინსკი და დავით არახამია პირისპირ ფორმატში მოლაპარაკებებს კვლავ აწარმოებენ.

ბრიტანული დაზვერვის თანახმად, „უკრაინის ძალებმა განაგრძეს ადგილობრივი კონტრშეტევები კიევის ჩრდილოეთით, მათ შორის ირპინში, ბუჩასა და გოსტომელში“- ნათქვამია მოხსენებაში.

ორშაბათს უკრაინის ხელისუფლებამ, მათ შორის პრეზიდენტმა ვოლოდიმირ ზელენსკიმ განაცხადა, რომ მათ აღადგინეს კონტროლი კიევთან ახლოს მდებარე მნიშვნელოვან ქალაქ ირპენზე.

რუსულმა ოპოზიციურმა გაზეთმა, “ნოვაია გაზეტამ”, მიიღო გადაწყვეტილება შეაჩეროს გაზეთის ბეჭდური სახით გამოცემა და ასევე ვებ-გვერდის განახლება, ვიდრე არ დასრულდება “რუსეთის სამხედრო ოპერაცია უკრაინაში”.

დირექციამ ეს გადაწყვეტილება მას შემდეგ მიიღო, რაც როსკომნადზორმა იგი მეორედ გააფრთხილა.

„როსკომნადზორის წელიწადში ორი გაფრთხილება მედიას ლიცენზიის გაუქმებით ემუქრება“, – ნათქვამია გამოცემის ტელეგრამის არხზე.

გაზეთი 1993 წლიდან გამოდის. ეს მისი მუშაობის შეჩერების პირველი შემთხვევაა.

რუსეთის საგარეო საქმეთა მინისტრმა სერგეი ლავროვმა განაცხადა, რომ რუსეთსა და უკრაინას შორის მოლაპარაკებები „დღეს ან ხვალ“ განახლდება სტამბოლში.

ლავროვმა იმედი გამოთქვა, რომ მოლაპარაკებებში მნიშვნელოვანი ძვრები იქნება.

პუტინისა და ზელენსკის შეხვედრის შესაძლებლობის კომენტირებისას, ლავროვმა თქვა, რომ ასეთი შეხვედრა საჭირო იქნება მაშინ „როდესაც გაირკვევა რუსეთისთვის საინტერესო ყველა ძირითადი საკითხი“.

ამავდროულად, რუსეთის ფედერაციის პრეზიდენტის პრესმდივანმა დიმიტრი პესკოვმა განაცხადა, რომ რუსეთ-უკრაინის მოლაპარაკებები სტამბოლში, სავარაუდოდ, “დღეს არ დაიწყება”.

პერსონალი – 17 000 ათასი ადამიანი,
ტანკები – 586
დაჯავშნული საბრძოლო მანქანები – 1 694
საარტილერიო სისტემები – 302
MLRS – 95
საჰაერო თავდაცვის სისტემები – 54
თვითმფრინავი – 123
ვერტმფრენები – 127
გემები / ნავები – 7
საწვავის ავზები – 73
ტაქტიკური დონის უპილოტო საფრენი აპარატი – 66
სპეციალური აღჭურვილობა – 21

▫️ სარაკეტო დარტყმები განხორციელდა ნავთობის საცავზე ვოლინის რეგიონში.

▫️ როსკომნადზორმა მოითხოვა, რომ რუსულმა მედიამ არ გამოაქვეყნოს ინტერვიუ უკრაინის პრეზიდენტ ვლადიმირ ზელენსკისთან. ინტერვიუ ზელენსკისთან გუშინ რამდენიმე დამოუკიდებელი მედიასაშუალების ჟურნალისტმა ონლაინ ჩაწერა.

▫️ უკრაინისა და რუსეთის წარმომადგენლებს შორის მოლაპარაკებების მორიგი რაუნდი 28-30 მარტს თურქეთში უნდა გაიმართოს.

▫️ ხარკოვის მახლობლად, დრობიცკი იარში ჰოლოკოსტის მსხვერპლთა მემორიალი დაბომბეს.

➖ უკრაინის შეიარაღებული ძალები თავდაცვაში არკან ხარკოვის რეგიონის ქალაქ იზიუმთან ახლოს ტოპოლსკოე, კამენკა და სუხაია კამენკა დასახლებებთან. აქ რუსული არმია ცდილობს დონბასის ტერიტორიისკენ გარღვევას, რათა ალყა შემოარტყოს უკრაინულ ჯარებს.

➖ კიევის თავდაცვის ძალები „აკავებენ მტერს, რომელიც ცდილობს შეაღწიოს ჩრდილო-დასავლეთიდან და აღმოსავლეთიდან, რათა გააკონტროლოს დედაქალქისკენ მიმავალი ძირითადი გზები და დასახლებები“.

➖ გენერალური შტაბის განცხადებით, დონეცკისა და ლუგანსკის მიმართულებით უკრაინულმა ჯარმა მოიგერია ხუთი თავდასხმა, გაანადგურეს ორი ტანკი და ქვეითთა ​​საბრძოლო მანქანა. გარდა ამისა, “მტერს ჰქონდა დანაკარგები ცოცხალი ძალით”, – წერენ სამხედროები.

➖ გენერალური შტაბის ცნობით, გასული დღის განმავლობაში უკრაინის საჰაერო ძალებმა გაანადგურეს ოთხი რუსული თვითმფრინავი, ერთი ვერტმფრენი, ორი დრონი და ორი საკრუიზო რაკეტა.