აფხაზეთში ბინების შესახებ კანონი: "ბომბი აფხაზეთ-რუსეთის ურთიერთობებისთვის?"
კანონი ბინების შესახებ აფხაზეთში
აფხაზეთის პარლამენტმა ბინების შესახებ სკანდალური კანონპროექტის განხილვა დაიწყო. ოპოზიცია წინააღმდეგობის შტაბს აყალიბებს, რომელიც აპირებს, რომ ეს კანონპროექტი შეაფერხოს. ისინი თვლიან, რომ ამ კანონით უცხო ქვეყნის მოქალაქეები გვერდს აუვლიან აფხაზეთის ინტერსებს და შეძლებენ კერძო საკუთრების შესყიდვას.
21 ივნისს, პარლამენტის სახელმწიფო-სამართლებრივი პოლიტიკის კომიტეტში, დეპუტატები დახურულ რეჟიმში გაეცნენ პრეზიდენტ ასლან ბჟანიას ადმინისტრაციისგან მიღებული ბინების კანონპროექტის პაკეტს. სამომავლოდ გაიმართება პარლამენტის კომიტეტის ღია სხდომები, რომლებზეც განსახილველი საკითხის მნიშვნელობიდან გამომდინარე, მოწვეულნი იქნებიან ჟურნალისტებიც, განაცხადა კომიტეტის ხელმძღვანელმა დაუთ ხუტაბამ.
„ეს არ არის სწრაფი პროცესი, მოვიწვევთ სპეციალისტებს, საზოგადოების წევრებს და მათთან გავმართავთ კონსულტაციებს.” – განაცხადა ხუტაბამ.
აფხაზეთში ამ კანონის მიღების შემთხვევაში 10 წლის განმავლობაში 30 000 ბინის აშენება იგეგმება. ხელისუფლება გვპირდება, რომ კომერციული საცხოვრებლის უცხოელებზე გაყიდვა სერიოზულ ბიძგს მისცემს აფხაზეთის ეკონომიკას და მნიშვნელოვნად შეავსებს სახელმწიფო ბიუჯეტს. ოპოზიცია ამას ილუზიად მიიჩნევს და კანონისგან კარგს არაფერს ელის.
- აფხაზეთი: პრეზიდენტმა არ დააკმაყოფილა ოპოზიციის მოთხოვნები
- ერთი ბრძოლის ქრონიკა: აქტივისტები სოხუმში ცათამბჯენების წინააღმდეგ
- რუსეთი 2025 წელს აფხაზეთის საჯარო მოხელეების დაფინანსებას წყვეტს. როგორ გადაუხდიან ხელფასებს მათ?
„იურიდიული პირები 10-15-ჯერ მეტ გადასახადს იხდიან, ვიდრე კერძო პირები. ანუ სასტუმრო ჩვენს ხალხს უფრო მეტს მოუტანს, ვიდრე ბინების მეპატრონე. ჩვენ არ გვაქვს საკმარისი მიწა და ეს რესურსი ეფექტურად უნდა ვმართოთ“, – ამბობს ეკონომისტი ახრა არისთავა.
მაგრამ ოპოზიციას ყველაზე ნაკლებად ადარდებს საკითხის ფულადი მხარე. იგი შიშობს, რომ კანონის მიღება აფხაზეთის დემოგრაფიული სურათის მკვეთრ ცვლილებას გამოიწვევს. 30 ათასი ბინა არის 100 ათასი უცხოელი (კერძოდ, რუსები), რომლებიც გადავიდნენ აფხაზეთში. იმის გათვალისწინებით, რომ აფხაზეთის ამჟამინდელი მოსახლეობა სულ რაღაც 240 ათასი ადამიანია, კანონი ბინის მესაკუთრეებს აფხაზეთის მოქალაქეობის მოთხოვნის უფლებას არ აძლევს და შესაბამისად, არ არსებობს გარანტია იმისა, რომ მათ ეს უფლება მომავალში არ ექნებათ.
ცნობილი აფხაზი ბლოგერი, აფხაზეთის საზოგადოებრივი პალატის წევრი თენგიზ ჯოპუა ბინების შესახებ კანონს „აფხაზურ-რუსული ურთიერთობების სტანდარტულ ბომბს“ უწოდებს.
„ეს კანონი აფხაზეთის მოსახლეობას მიწაზე წვდომას ართმევს. აფხაზეთში მიწა უმნიშვნელოა, ჩინოვნიკების სიხარბე უსაზღვროა, რუსული ბიზნესის ძალა კი ძალიან მსუყე. გასაგებია რუსული კაპიტალის ინტერესები, მაგრამ გაუგებარია აფხაზი და რუსი პოლიტიკოსების შორსმჭვრეტელობა.“ – ამბობს ჯოპუა.
ბლოგერი ვარაუდობს, რომ მიუხედავად იმისა, რომ დღეს აფხაზეთში შეიძლება ვერ გაიგონ რა ხდება, ხვალ, „როცა მათი შვილების თვალწინ მრავალმეტრიანი ღობეები აშენდება“, ყველაფერს მიხვდებიან და დამნაშავეების ძებნას დაიწყებენ.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
