ჯიპი ჩინოვნიკისთვის და პორტი აფხაზეთში - არის თუ არა მათ შორის კავშირი?
რუსული ბაზა აფხაზეთში
ორმა რუსმა ბიზნესმენმა ასლან ბჟანიას ადმინისტრაციის უფროსის მოადგილეს, ზურაბ ქაჯაის დაახლოებით 343 ათასი დოლარის ღირებულების Range Rover SUV აჩუქა. ამ მომენტის ვიდეო სოციალურ ქსელში გავრცელდა და სკანდალის პროვოცირება გამოიწვია.
საჩუქარი ქაჯაიას სოხუმის ცენტრში, ქუჩაში გადაეცა. ვიდეოში ჩანს, რომ ქაჯაია მანქანის გასაღებს იღებს, ერთ-ერთ ბიზნესმენს მიმართავს, ვალერას უწოდებს და იდუმალ ფრაზას წარმოთქვამს:
“როცა პორტის აშენებას დავიწყებთ, მაშინ ვიტყვი, ჯერ არაფერს ვამბობ”
რა პორტზეა საუბარი, ქაჯაიას არ დაუკონკრეტებია.
სოციალური ქსელების მომხმარებლებმა არა მხოლოდ სწრაფად გამოთვალეს მანქანის ფასი, არამედ მათ მოჰყავთ რუსეთისა და აფხაზეთის სამოქალაქო კოდექსის მუხლები, რომლებიც განსაზღვრავს, თუ რა საჩუქრების მიცემაა დასაშვები ხელისუფლების წარმომადგენლებისთვის.
ამგვარად, რუსეთის კანონმდებლობის მიხედვით, საჯარო მოხელეებს ეკრძალებათ 3 ათას რუბლზე მეტი ღირებულების საჩუქრების გაცემა [დაახლოებით $33].
აფხაზეთის კანონმდებლობით, თანამდებობის პირისთვის მისაღები საჩუქრის ღირებულება მინიმალურ ხელფასზე 15-ჯერ მეტია, რაც 150 ათას რუბლს შეადგენს [დაახლოებით $1,600].
ამ ვიდეოსა და მასში ნახსენებ „პორტზე“ ჯერჯერობით ოფიციალური კომენტარი არც პრეზიდენტის ადმინისტრაციისგან და არც სამართალდამცავი ორგანოებისგან არ გაკეთებულა. მაგრამ აფხაზურ მედიაში გავრცელდა ინფორმაცია იმის შესახებ, რომ მთავრობა განიხილავდა ოჩამჩირის საზღვაო პორტის სტატუსის შეცვლას – სამოქალაქოდან „ორმაგი დანიშნულებით.“
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
