"იზოლირებული დასვენება“: რუსი ოლიგარქი აფხაზეთში „ანკლავს“ აშენებს
იზოლირებული დასვენება აფხაზეთში
კომპანია, რომელიც რუს ოლიგარქ ალექსანდრ ტკაჩევს ეკუთვნის, აფხაზეთში თითქმის მთლიანად იზოლირებულ, ანკლავურ სტილში მოხაზულ საცხოვრებელ კომპლექსს აშენებს. ამის შესახებ კომპანიის მენეჯერმა განაცხადა და აშკარად შეარცხვინა სამშენებლო მოედნის შესამოწმებლად მისული აფხაზეთისა და რუსეთის ეკონომიკის მინისტრები. კომპლექსის დეკლარირებული კონცეფცია ობიექტურად ეწინააღმდეგება აფხაზეთის ინტერესებს და ანადგურებს მისი ხელისუფლების არგუმენტებს ბინების შესახებ სკანდალური კანონის მიღების სასარგებლოდ.
“ყველა ინკლუზივი” – არ არის საჭირო “პერიმეტრის გარეთ” გასვლა
აფხაზეთის სოციალურ ქსელებში აქტიურად განიხილავენ ვიდეოს, რომელშიც რუსი ოლიგარქის, ალექსანდრ ტკაჩევის მენეჯერი საკურორტო ქალაქ ბიჭვინთაში რუსეთის ეკონომიკის მინისტრს, მაქსიმ რეშეტნიკოვს და აფხაზეთის ეკონომიკის მინისტრს, ქრისტინა ოზგანს მშენებლობას ათვალიერებინებს.
„ჩვენი სტუმრები მიჩვეული არიან “ყველა ინკლუზივით” ცხოვრებას და ეს პროექტი ხელს შეუწყობს ამ სისტემის გაცოცხლებას – დახურული სქემის შექმნა, სანატორიუმის კომპლექსის ანკლავი, სადაც ყველა სერვისი იქნება ხელმისაწვდომი. არ იქნება საჭირო ამ პერიმეტრის მიღმა გასვლა, ყველას თავის გასართობი ექნება“, – ტრაბახობს მენეჯერი მინისტრებთან.
რომლებიც, როგორც ჩანს, არ იზიარებენ მენეჯერის ენთუზიაზმს.
”ეს ნამდვილად ასეა, მაგრამ არ არის საჭირო იზოლაცია, რატომღაც მგონია, რომ ეს არ არის სწორი”, – ცდილობს გააპროტესტოს რეშეტნიკოვმა.
„ტურიზმი ერთ-ერთი მთავარი მულტიპლიკატორია და მიუხედავად იმისა, რომ დასასვენებელი ზონა დაიხურება, მის მოწყობაში ჩართული იქნება სამუშაო ძალა და პერსონალი, გაიმართება ტრენინგები, ადგილს ეწვევიან სტუმრები“, – განაგრძობს მენეჯერი.
- ახალი „კანონი ბინების შესახებ“ აფხაზეთში – რას ნიშნავს და რა საფრთხეებს შეიცავს
- რა ტერიტორიების და ობიექტების მიღება სურს რუსეთს აფხაზეთისგან. კომენტარი
- ერთი ბრძოლის ქრონიკა: აქტივისტები სოხუმში ცათამბჯენების წინააღმდეგ
„არ არსებობს არც ერთი ნორმალური ტურისტი, რომელიც არ წავა და არ ნახავს რიწის ტბას (აფხაზეთის ერთ-ერთი მთავარი ტურისტული ადგილი – JAMnews)…“ – ერევა ისევ რეშეტნიკოვი.
”ეს კვლავ ტრადიციულად ასე იქნება, დიახ”, – მხარს უჭერს მას ქრისტინა ოზგანი.
„ჩვენს ჰოლდინგს ჰყავს თავის ტუროპერატორი, რომელიც დღეს აფხაზეთის პოპულარიზაციაზეა ორიენტირებული, მათ შორის, ჩვენ თვითონ ვართ ძალიან დაინტერესებული ამით“, – არ ნებდება მენეჯერი და ვერ ხვდება, რომ ანადგურებს მშენებლობის მხარდამჭერთა მთავარ არგუმენტს.
საკამათო კანონი
ივნისში აფხაზეთის პრეზიდენტმა ასლან ბჟანიამ პარლამენტს გაუგზავნა კანონპროექტი, რომელის მიხედვით ნებადართულია ბინების მშენებლობაზე უხოელებზე მათი შემდგომი მიყიდვის შესაძლებლობით (ანუ რუსებზე) – 10 წლის განმავლობაში იგეგმება 30 000 ბინის აშენება.
პრეზიდენტის თქმით, ამ იდეის განხორციელება ბიძგს მისცემს ადგილობრივი ეკონომიკის განვითარებას, პროექტის ოპონენტების აზრით კი ეს არანაირ ეკონომიკურ სარგებელს არ მოიტანს, მაგრამ მისგან დიდი ზიანი იქნება.
საწინააღმდეგო არგუმენტები:
დიდი რაოდენობით უცხოელების შემოდინება, რომლებსაც აქვთ საცხოვრებელი ფართი აფხაზეთში, მკვეთრად დაარღვევს აფხაზეთის დემოგრაფიულ სურათს, რაც, თავის მხრივ, უსაფრთხოების სერიოზულ საფრთხეს შექმნის.
აფხაზეთის მოსახლეობა დაახლოებით 250 ათასი ადამიანია. სწორედ დემოგრაფიული დისბალანსის თავიდან აცილების მიზნით, აფხაზეთში აკრძალულია საცხოვრებლის უცხოელებზე გაყიდვა, ბინების შესახებ ახალი კანონი კი, ბევრის აზრით, სხვა არაფერია, თუ არა ამ აკრძალვის გვერდის ავლის მცდელობა.
ადგილობრივი ტურისტული ბიზნესი ძალიან დაზარალდება ამ წამოწყებით. თუ რუს ტურისტებს შეუძლიათ საკუთარი თავისთვის ბინების ყიდვა, მაშინ სასტუმროები და პანსიონატები დაკარგავენ პოტენციურ მომხმარებლებს. და შესაბამისად, ქვეყნის ბიუჯეტში ნაკლები გადასახადები იქნება.
არსებობს შესაძლებლობა, რომ ბინებით უზარმაზარი კომპლექსების შექმნისას, მთელი მიმდებარე ინფრასტრუქტურა, მათ შორის საცალო ობიექტები, რუსი ინვესტორების კონტროლის ქვეშ მოექცევა და ეს ასევე ეწინააღმდეგება ადგილობრივი ბიზნესის ინტერესებს.
სხვათა შორის, რუსეთის პრეზიდენტმა ვლადიმირ პუტინმაც კი ისაუბრა საკურორტო ზონაში ბინების მავნებლობაზე – ნაწყვეტი მისი კრიტიკული გამოსვლიდან სოჭის ბინების ვითარების შესახებ, სოციალურ ქსელებში აქტიურად გამოიყენება, როგორც კიდევ ერთი არგუმენტი ბინების შესახებ კანონის წინააღმდეგ.
