თბილისის ზოოპარკში დაბადებული ირმები ბუნებაში დააბრუნეს. ეს პირველი შემთხვევაა საქართველოში. ვიდეო
ირმები ზოოპარკიდან ბუნებაში დააბრუნეს
თბილისის ზოოპარკში დაბადებული კეთილშობილი ირემი ალგეთის ეროვნულ პარკში გადაიყვანეს, რაც ამ სახეობის რეინტროდუქციის (ბუნებაში დაბრუნების) პირველი მცდელობაა საქართველოში.
რადგან ზოოპარკის ირმები მზა საკვებს არიან მიჩვეული, ახალ გარემოსთან სრულფასოვანი შეგუებისთვის მათ საკვებით დახმარება დასჭირდებათ, განსაკუთრებით – ზამთარში. ირმებს ასევე მოამარაგებენ მარილითაც, რადგან რქების, ჩლიქებისა და ძვლების სტრუქტურის ჩამოყალიბებისთვის ყველა ჩლიქოსანს სჭირდება მინერალური საკვები.
დროთა განმავლობაში ირმები ახალ ტერიტორიაზე უკეთ ადაპტირდებიან და საკვების მოპოვებასაც თავად შეძლებენ.
ირმები ზოოპარკიდან ბუნებაში დააბრუნეს
