77 პროცენტისთვის ყველაზე დიდი პოლიტიკური საფრთხე რუსეთია - IRI-ს ახალი კვლევის მიგნებები

IRI-ს ახალი კვლევის მიგნებები

საერთაშორისო რესპუბლიკურმა ინსტიტუტმა (IRI) ახალი კვლევის შედეგები გამოაქვეყნა, სადაც კითხვაზე, თუ რომელ ქვეყანას მიიჩნევენ საქართველოსთვის ყველაზე დიდ პოლიტიკურ საფრთხედ, გამოკითხულთა 77%-მა უპასუხა რომ ასეთი რუსეთია, 12%-მა თურქეთი და 9%-მა აშშ. 

ასევე, საქართველოს მოსახლეობის 37%-ის აზრით, ქვეყანაში მთავარი პრობლემა უმუშევრობაა.

კვლევა ჩატარდა 2023 წლის 14 სექტემბრიდან 14 ოქტომბრის პერიოდში, რესპონდენტებთან პირისპირი ინტერვიუს მეთოდით. გამოიკითხა საქართველოს 1200 მოქალაქე 18 წლის ზემოთ, ვისაც ხმის მიცემის უფლება აქვს და ეს რაოდენობა გენერალური მოსახლეობის ჭრილში რეპრეზენტატულია ასაკის, სქესის, რეგიონის და დასახლების ზომის მიხედვით. გამოპასუხების მაჩვენებელმა შეადგინა 73%, ცდომილების ზღვარი +/-2.5 პროცენტია.

● ყველაზე მნიშვნელოვანი პრობლემები: უმუშევრობა, ფასების ზრდა, სიღარიბე – Edison Research-ის კვლევის მიგნებები

“ყველაზე დიდი პოლიტიკური საფრთხე საქართველოსთვის რუსეთია“

კითხვაზე, თუ რომელ ქვეყანას მიიჩნევენ საქართველოსთვის ყველაზე დიდი პოლიტიკური საფრთხის მქონეს, გამოკითხულთა 77%-მა უპასუხა რუსეთი, 12%-მა თურქეთი და 9%-მა აშშ.

IRI-ს კვლევის მიხედვით, რესპონდენტების 6%-ს საქართველოსთვის ყველაზე დიდ პოლიტიკურ საფრთხედ ირანი მიაჩნია, 4%-ს – ჩინეთი, 4%-ს – სომხეთი, 4%-ს – აზერბაიჯანი, 3%-ს უკრაინა.

საზოგადოებრივი აზრის კვლევის თანახმად, გამოკითხული მოსახლეობის 73% არ უჭერს მხარს, რუსეთის მოქალაქეების საქართველოში თავისუფლად უვიზოდ შემოსვლას, ბიზნესის რეგისტრირებასა და ქონების შეძენას.

კვლევის მიხედვით:

• 18% მხარს უჭერს რუსეთის მოქალაქეების საქართველოში თავისუფლად უვიზოდ შემოსვლას;
• 7% მხარს უჭერს რუსეთის მოქალაქეების მიერ ბიზნესის რეგისტრირებას;
• 7% მხარს უჭერს რუსეთის მოქალაქეების მიერ ქონების შეძენას;
• 6% უარს ამბობს პასუხის გაცემაზე/ არ იცის პასუხი.

● თამაზ გინტურის მკვლელობა: რა მოხდა კირბალში და რა ვერსია აქვს ცხინვალს
● კირბალში მომხდარის შემდეგ, ოპოზიცია მოუწოდებს მთავრობას, აამოქმედოს ოთხოზორია-ტატუნაშვილის სია

86% მხარს უჭერს საქართველოს ევროკავშირში გაწევრიანებას

საერთაშორისო რესპუბლიკური ინსტიტუტის საზოგადოებრივი აზრის კვლევის თანახმად, ჯამში გამოკითხული მოსახლეობის 86% მხარს უჭერს საქართველოს ევროკავშირში გაწევრიანებას. ამის წინააღმდეგია 9%, ხოლო 5% აცხადებს, რომ არ იცის ან უარს ამბობს პასუხზე.

● ევროკომისია რეკომენდაციას იძლევა, საქართველოს კანდიდატის სტატუსი მიენიჭოს. რა დათქმები მიიღო ქვეყანამ
● საქართველოს პრეზიდენტი: გავხსნით ორბელიანების სასახლეს – ჩვენი ხმა ევროპას

54% მიიჩნევს, რომ ქვეყანა არასწორი მიმართულებით ვითარდება – რა არის მოსახლეობისთვის მთავარი პრობლემები?

IRI-ის კვლევის თანახმად, მოსახლეობის 54% მიიჩნევს, რომ ქვეყანა არასწორი მიმართულებით ვითარდება.

შეკითხვაზე, როგორ ფიქრობთ, ქვეყანა სწორი მიმართულებით ვითარდება თუ არასწორით, პასუხები ასე გადანაწილდა:

• არასწორი – 54%;
• სწორი – 39%;
• არ ვიცი/უარი პასუხზე – 7%.

ამასთან, გამოკითხულ მოსახლეობას შეეძლო პირველ და მეორე ვარიანტად აერჩია, რას მიიჩნევს ყველაზე მნიშვნელოვან პრობლემას დღეს ქვეყანაში. პასუხები შემდეგნაირად გადანაწილდა:

• ჯამში 55% – ეკონომიკა/უმუშევრობა;
• ჯამში 39% – ეკონომიკა/ცხოვრების სიძვირე, მაღალი ფასები;
• ჯამში 16% – ეკონომიკა/ სხვა;
• ჯამში 13% – სიღარიბე;
• ჯამში 8% – განათლება.

● ევროკომისიის ანგარიში: 2022 წელს საქართველოდან თავშესაფრის მაძიებელთა რიცხვი 81 პროცენტით გაიზარდა
● საქსტატი: მეორე კვარტალში წინა წელთან შედარებით უმუშევართა რაოდენობა 5.2 პროცენტით შემცირდა

პოლიტიკური რეიტინგები

საზოგადოებრივი აზრის კვლევის მიხედვით, მომავალ შაბათს რომ საპარლამენტო არჩევნები ტარდებოდეს, გამოკითხული მოსახლეობის 25% ქართულ ოცნებას მისცემდა ხმას, 13%-სთვის ნაციონალური მოძრაობა იყო პირველი არჩევანი. დანარჩენი პარტიების მონაცემები ასე გადანაწილდა:

• გიორგი გახარია – საქართველოსთვის: 4%;
• სტრატეგია აღმაშენებელი – 3%;
• ლელო – 2%;
• გირჩი – 3%;
• გირჩი – მეტი თავისუფლება და დროა – 2%.
• ხალხის ძალა – 1%;

გამოკითხულთა 6% ამბობს, რომ არჩევნებში მონაწილეობას არ მიღებდა, 18%-მა არ იცის კითხვაზე პასუხი, ხოლო 5% უარს ამბობს.

კითხვაზე, რომელ პარტიას არ მისცემდნენ ხმას არავითარ შემთხვევაში, 40% ამბობს, რომ ნაციონალურ მოძრაობას, 29% ქართულ ოცნებას ასახელებს, 18% გირჩი – მეტი თავისუფლება და დროას ერთობას, 16% ამბობს, რომ ხმას არ მისცემდა გირჩს, ხოლო 13% – ევროპულ საქართველოს.

● რა სჭირს ქართულ ოპოზიციას?

საქართველოს მოსახლეობა ყველაზე დადებითად ქართულ ჯარს აფასებს 

კითხვაზე, თუ როგორია მათი დამოკიდებულება ინსტიტუტების მიმართ, გამოკითხულთა 77%-მა ქართული ჯარი დადებითად შეაფასა. პატრიარქის მიმართ დადებითი განწყობა 71%-მა, ხოლო – პოლიციის მიმართ 67%-მა გამოხატა. 

ნდობა მედიის მიმართ

კვლევის მიხედვით, შეკითხვაზე, რომელი ტელევიზიის სიახლეებსა და პოლიტიკურ ინფორმაციას ენდობიან ყველაზე მეტად, მოსახლეობის 26% იმედს, 12% მთავარ არხს, ხოლო 9% – რუსთავი 2-სა და TV პირველს პასუხობს.

ამასთან ერთად, კვლევის მიხედვით, მოსახლეობის 26% არც ერთ ქართულ ტელევიზიას არ ენდობა, ხოლო 4%-ს კითხვაზე პასუხი ან არ აქვს, ან თავი შეიკავა.

● რეკლამების აკრძალვის მიუხედავად, აზარტული თამაშების ბრუნვა გაიზარდა, მედიის შემოსავლები კი შემცირდა