გიორგი რუხაძე: ივანიშვილი ოპოზიციონერებს მრავალი წლით დატოვებს ციხეში - მგონია, რომ ეს ბრიუსელს ახლებურად გამოაღვიძებს

გიორგი რუხაძის მოსაზრება

ივანიშვილი ოპოზიციონერ პოლიტიკურ ლიდერებს მრავალი წლით დატოვებს ციხეში – ევროკავშირი უნდა მიხვდეს, რომ ზეწოლა საკმარისი არ არის, – ამის შესახებ “სტრატეგიული ანალიზის ცენტრის“ დამფუძნებელმა, ექსპერტმა გიორგი რუხაძემ განაცხადა.

რუხაძის თქმით, საქართველოში მიმდინარე პოლიტიკური პროცესები დიქტატურის დამკვიდრების სცენარს ემსგავსება. ექსპერტის განმარტებით, ევროპასა და აშშ-ს შორის რეაგირების ნაკლებობა ხელისუფლებას აძლევს შესაძლებლობას, უფრო მკაცრი რეპრესიებისკენ წავიდეს.

კომენტარი: "ქართულ ოცნებას“ საზოგადოება მძევლად ჰყავს აყვანილი — ზუსტად ისე, როგორც ამას ჩიხში მოქცეული ტერორისტები აკეთებენ

დიმიტრი ცქიტიშვილი: “ოცნება“ კიდევ უფრო აღრმავებს საკუთარ იზოლაციას და საერთაშორისო ასპარეზზე შესაძლოა მალე “კეთროვანიც“ კი გახდეს”

პროდასავლური ოპოზიციის ლიდერების – მიხეილ სააკაშვილის, გიორგი ვაშაძის, ნიკა გვარამიას, ნიკანორ მელიას, ზურაბ გირჩი ჯაფარიძის, ელენე ხოშტარიას, მამუკა ხაზარაძის და ბადრი ჯაფარიძის მიმართ სისხლისსამართლებრივი დევნა დაიწყო.

პროკურატურის განცხადებით, დევნა დაიწყეს საბოტაჟის, უცხო ქვეყნისათვის მტრულ საქმიანობაში დახმარების, საქართველოს კონსტიტუციური წყობილებისა და ეროვნული უშიშროების საფუძვლების წინააღმდეგ მიმართული საქმიანობის დაფინანსების და საქართველოს კონსტიტუციური წყობილების ძალადობით შეცვლისაკენ, სახელმწიფო ხელისუფლების დამხობისაკენ მოწოდების საქმეებზე.

გიორგი რუხაძე: “ეს არის დიქტატურის დამკვიდრების სახელმძღვანელო. ეს ყველაფერი აქამდე უნდა მისულიყო. ივანიშვილმა დაინახა, რომ ვერ მოერია პროტესტს. დაინახა, რომ 8 ოპოზიციური პოლიტიკური ლიდერი გამოვა გარეთ. შესაბამისად, ეს კიდევ უფრო გააძლიერებდა პროტესტს. ჩემი აზრით, ამისგან იზღვევს თავს. ივანიშვილი პოლიტიკურ ლიდერებს მრავალი წლით დატოვებს ციხეში.

თუკი გავიხსენებთ კობახიძის 28 ნოემბრის ცნობილ გამოსვლას, ეს განცხადება მოჰყვა ევროპარლამენტის უმკაცრეს რეზოლუციას. ევროკავშირმა და დასავლურმა სამყარომ დასკვნა უნდა გამოიტანონ, რომ საკმარისად არ “აწვებიან“. “ქართულ ოცნებას“ პასუხის გაცემის თავი, რომ რჩება ე.ი. ევროპიდან არ არის საკმარისი ზეწოლა.

სამწუხაროდ, ამერიკა სხვა საქმეებითაა დაკავებული, ევროკავშირი კი ვერ ახერხებს ჯეროვანი სანქციები დააწესოს და უპასუხოს საქართველოში დიქტატურის გამყარების მცდელობებს. როდესაც სანქციებს დააგვიანებ, როდესაც დაუსჯელად დატოვებ არჩევნების გამყალბებლებს, როდესაც ადამიანებს ციხეში ყრიან და ვერ რეაგირებ შედეგი არის ის, რომ რჩება სივრცე, რომელსაც დიქტატურა კიდე უფრო მეტი რეპრესიებისთვის იყენებს. მგონია, რომ ბრიუსელს ეს ახლებურად გამოაღვიძებს.

ის სახელმწიფო, სადაც ოპოზიციის ყველა ლიდერი ციხეშია. ის სახელმწიფო, რომელიც იღებს “რუსულ კანონს“, კანონები, რომელიც შეკრების თავისუფლებას ხელს უშლის, ეს პირდაპირ ეწინააღმდეგება ევროკავშირის ფუნდამენტურ ღირებულებებს. დიქტატურები ვერ ხვდებიან ევროკავშირში. ევროკავშირი არის დემოკრატიების კლუბი.“

"ოცნების მმართველობის ქვეშ საქართველო სრული ავტოკრატიისკენ მიექანება" – ALDE

“მსოფლიო ჩუმად არ უნდა იყოს”