მოსაზრება: ვენსის ვიზიტი სომხეთსა და აზერბაიჯანში, ოცნების საგარეო პოლიტიკის კრახის ყველაზე თვალსაჩინო გამოხატულებაა

გია ნოდიას მოსაზრება

პოლიტოლოგი გია ნოდია აშშ-ის ვიცე-პრეზიდენტის, ჯეი დი ვენსის ვიზიტს ეხმაურება სომხეთსა და აზერბაიჯანში და ამბობს, რომ ვენსის ვიზიტი სომხეთსა და აზერბაიჯანში. “ქართული ოცნების” საგარეო პოლიტიკის კრახის ყველაზე თვალსაჩინო გამოხატულებაა, რაც კი აქამდე გვქონია.

ჯეი დი ვენსის კავკასიური ტურნე 9 თებერვალს დაიწყო. აშშ-ის ვიცე-პრეზიდენტი ოფიციალური ვიზიტით ჯერ სომხეთში ჩავიდა მეუღლესთან, უშა ვენსთან და შვილებთან ერთად. 10 თებერვალს კი იგი აზერბაიჯანში გაემგზავრა. ჯეი დი ვენსი ყველაზე მაღალი რანგის აშშ-ის ოფიციალური პირია, რომელიც ოდესმე სომხეთში ჩასულა. მანამდე ასეთი აშშ-ის წარმომადგენელთა პალატის სპიკერი ნენსი პელოსი, რომელიც ერევანს 2022 წლის სექტემბერში ეწვია.

გია ნოდია: “ვენსის ვიზიტი სომხეთსა და აზერბაიჯანში. ქართული ოცნების საგარეო პოლიტიკის კრახის ყველაზე თვალსაჩინო გამოხატულებაა, რაც კი აქამდე გვქონია.

ეს ასეა არა მარტო „დასავლეთის აგენტების“ ხედვით, არამედ თავად მის მიერ გამოცხადებული პოლიტიკის პრინციპებიდან გამომდინარე.

წარმოვიდგინოთ რაციონალური ქოცი, რომელიც ბიძინას საგარეო პოლიტიკურ ქცევას უკრაინის ომის დაწყების შემდეგ რეალპოლიტიკის პრინციპებიდან გამომდინარე ამართლებს. მისი აზრით, პროდასავლელი ქართველები გულუბრყვილო იდეალისტები არიან, რომლებიც ანგარიშს არ უწევენ რეალურ ძალთა ბალანსს. ფაქტია, რომ დასავლეთმა ვერ დაამარცხა რუსეთი, ის უკრაინის ტერიტორიებს ითვისებს და დასავლეთი უკრაინას რეალურად ვერ შველის.

ესე იგი, დასავლეთის იმედის ქონა შეცდომაა. უფრო სწორია ე.წ. „მიტმასნების“ პოლიტიკა, ანუ აგრესორის მიმართ ლოიალობა პირდაპირი დაპირისპირება თავიდან ასაცილებლად.

როგორ ჩაიარა აშშ-ის ვიცე-პრეზიდენტის ისტორიულმა ვიზიტმა სომხეთში. დეტალები და შეფასებები

ვენსი: “ახალი სამყარო გაიხსნება”

მით უმეტეს ასე უნდა მოიქცე, როცა თავად „დასავლეთი“იხლიჩება. ამერიკის სათავეში მოდის ტრამპი, რომელიც ემიჯნება ევროპას, უარყოფს ნორმებზე და ღირებულებებზე დამყარებულ პოლიტიკას რეალიზმის სასარგებლოდ და იზოლაციონისტურ მიმართულებას არჩევს. მასთანაც უნდა ეცადო ურთიერთგაგებას, ოღონდ რუსეთის გაღიზიანების გარეშე.

გარეგნულად თითქოს რაციონალურია (ხაზს ვუსვამ: გარეგნულად). მაგრამ ვენსის ვიზიტი თვალსაჩინოდ აჩვენებს, რომ ეს გაანგარიშებები მცდარია. ივანიშვილის რუსეთზე დადებული ფსონი (პირობითად ჩავთვალოთ, რომ მისი არჩევანი მართლაც ეროვნული ინტერესებით იყო ნაკარნახევი) მცდარი აღმოჩნდა.

დავინახეთ, რომ რუსეთის უკრაინაში შეჭრამ დაასუსტა მისი პოზიციები სამხრეთ კავკასიაში. როგორც სომხეთის, ისე აზერბაიჯანის ხელისუფლება გაცილებით უფრო გაუთამამდა რუსეთს და უფრო მეტად დასავლეთზე (პირველ რიგში ამერიკაზე, სომხეთი ასევე ევროპაზე) გადაერთო. ივანიშვილის ვეზირების საცოდავმა ფაფხურმა ტრამპის გულის მოსაგებად ჯერჯერობით ნულოვანი შედეგი გამოიღო.

„ტრამპის გზით“ საქართველო არსებითად კარგავს თავის მონოპოლიურ სატრანზიტო ფუნქციას. რისი იმედიც ჰქონდა ივანიშვილს, როცა იმეორებდა, რომ „ევროპასაც ვჭირდებით“.

ეს ადასტურებს, რომ, სხვა ყველაფერთან ერთად, ბიძინა ივანიშვილი არის გეოპოლიტიკური იდიოტი. მართალი იყო მთვრალი ღარიბაშვილი.”