Gallup: პოსტსაბჭოთა ქვეყნებიდან NATO-ს მიმართ კეთილგანწყობა საქართველოში ყველაზე მაღალია

კომპანია Gallup-ის მიერ ჩატარებული კვლევის თანახმად, NATO-ს საფრთხედ საქართველოში გამოკითხულთა მხოლოდ 8% მიიჩნევს, 37% კი ფიქრობს, რომ ჩრდილოატლანტიკური ალიანსი ქვეყნის დაცვასთან ასოცირდება.

გამოკითხული 10 პოსტსაბჭოთა ქვეყნიდან საქართველოში NATO-ს მიამრთ კეთილგანწყობა ყველაზე მაღალია.

ჩრდილოატლანტიკურ ალიანსს საფრთხედ ყველაზე მეტად რუსეთში აღიქვამენ.  გამოკითხული რუსეთის მოქალქეების 67 %-სთვის NATO საფრთხესთან, ხოლო 3%-სთის ქვეყნის დაცვასთან ასოცირდება.

რაც შეეხება უკრაინას, ამ ქვეყანაში გამოკითხულთა მხოლოდ 29 % ფიქრობს,რომ NATO ქვეყნის დაცავსთან ასოცირდება, უფრო მეტი  კი – 35 %,  ალიანსს საფრთხედ აღიქვამს.

კიდევ უფრო ნაკლებია NATO-ს მხარდაჭერა მოლდოვაში – აქ ჩრდილოატლანტიკური ალიანსი ქვეყნის დაცვასთან მხოლოდ 16 პროცენტისთვის ასოცირდება,  ხოლო საფრთესთან – 27 პროცენტისთვის.

კვლევის შედეგების მიხედვით, პოსტსაბჭოთა ქვეყნებში NATO-ს მიმართ ყველაზე ნაკლები კეთილგანწყობაა  რუსეთში (3%). ბელარუსში (3%) და სომხეთში (8%).

კვლევითი ორგანიზაცია Gallup-ის კვლევა 11 თებერვალს გამოქვეყნდა. კვლევაში თითოეულ ქვეყანაში ტელეფონის საშუალებით 2 ათასმა ადამიანმა მიიღო მონაწილეობა.

კვლევის ცდომილება ± 2,7% შეადგენს.