პრემიერი: საჩხერე არის მოდელი, თუ როგორი საქართველო გვინდა

პრემიერ-მინისტრმა გიორგი გახარიამ საჩხერეში „ქართული ოცნების“ მაჟორიტარობის კანდიდატის წარდგენისას ამომრჩევლებს უთხრა, რომ საჩხერე არის საქართველოს მომავალი განვითარების მოდელი, მაგალითი, თუ როგორი უნდა იყოს მომავალში მთელი საქართველო:

„საჩხერე უკვე ჩამოყალიბებულია, როგორც მოდელი, როგორი საქართველოც გვინდა, რომ დავინახოთ უახლოეს პერიოდში და ამაში პირდაპირი წვლილია ბიძინა ივანიშვილის“ – განაცხადა პრემიერმა.

● ოლიგარქის სოფელი. როგორ ცხოვრობენ ჭორვილაში დღეს?

მან მადლობა გადაუხადა ფონდ “ქართუს” და ბიძინა ივანიშვილს საჩხერის მუნიციპალიტეტის აღორძინებისთვის. “ჯანდაცვა, განათლების სისტემა თავიდან ბოლომდე, ინფრასტრუქტურა, სპორტი, კულტურა, გზები –  ეს ყველაფერი არის იმისთვის, რომ ამ მუნიციპალიტეტის თითოეულმა მოქალაქემ ისარგებლოს ყველა იმ სიკეთით, რომელიც თქვენთვის შეიქმნა,” – განაცხადა პრემიერმა.

საჩხერე ბიძინა ივანიშვილის მშობლიური რაიონია, რომელსაც მილიარდერი ბიზნესმენი განსაკუთრებულად ეხმარებოდა კერ კიდევ პოლიტიკაში გამოჩენამდე.

წაიკითხეთ JAMnews-ის რეპორტაჟი საჩხერის რაიონის სოფელ ჭორვილადან – ოლიგაქრის მშობლიური სოფლიდან.