"ევროკავშირს სურდა კომფორტი, მაგრამ მიიღო დამოკიდებულება რუსეთზე" - ბორელი ევროპის შეცდომებზე
ბორელი ევროპის შეცდომებზე
„ჩვენ, ევროპელებმა, ავაშენეთ ჩვენი კეთილდღეობა იაფ რუსულ ენერგიაზე, რომელიც მივიჩნიეთ ხელმისაწვდომად, უსაფრთხოდ და სტაბილურად. და იაფ საქონელზე ჩინეთის დიდი ბაზარიდან, რომელზე წვდომაც სულ უფრო და უფრო რთულდება.
ჩვენ ჩვენი უსაფრთხოება გადავეცით შეერთებულ შტატებს და ახლა ყველაფერი კარგადაა. მაგრამ ვინ იცის, რა მოხდება ორ წელიწადში ან თუნდაც ამ წლის ნოემბერში? რა მოხდებოდა, ტრამპის მსგავსი ადამიანი რომ იჯდეს ახლა თეთრ სახლში?
ჩვენ ვიმკით მრავალწლიანი პროცესების შედეგებს.”
11 ოქტომბერს, ევროკავშირის უმაღლესი წარმომადგენელი საგარეო საქმეთა და უსაფრთხოების პოლიტიკის საკითხებში ჟოზეპ ბორელი, ევროკავშირის ელჩების ყოველწლიურ კონფერენციაზე ემოციური სიტყვით გამოვიდა
”ჩვენ უნდა დავიწყოთ იმის კეთება, რაც აქამდე არ გვიკეთებია”, – მოუწოდა მან ევროკავშირის ელჩებს.
მთავარი, რაც მან თქვა:
რამ გამოიწვია პრობლემები
- ევროპამ არ დაუჯერა აშშ-ის გაფრთხილებას, რომ რუსეთი უკრაინას თავს დაესხმებოდა.
- ევროპა არ ელოდა, რომ უკრაინა შეძლებდა ასეთი სასტიკი წინააღმდეგობის გაწევას და ასეთ წარმატებას მიაღწევდა.
- მათ რეალურად არ შეაფასეს პუტინის მზადყოფნა ესკალაციისა და ღია ბირთვული ომისთვის.
- არ გაითვალისწინეს აშშ-სა და ჩინეთს შორის ღრმა კონკურენციის საფრთხე.
- მათ წინასწარ არ შეაფასეს, თუ რა მასშტაბს შეიძლება მიაღწიოს მსოფლიო სასურსათო და ენერგეტიკულმა კრიზისმა, ფასების ზრდამ. თუმცა ეს ყველაფერი პროგნოზირებადი იყო: „ჩვენ, ევროპელებს, ვერ წარმოგვედგინა ჰუმანიტარული კრიზისის ის დონე, რომელმაც მოიცვა სომალი და სომალის ნახევარკუნძული.
ამ ყველაფერმა ხელი შეუწყო მსოფლიოში ქარიშხლის ამოვარდნას.“
უსაფრთხოებაზე ზრუნვის ნაკლებობა
უსაფრთხოების საკითხები მხოლოდ უკრაინით არ შემოიფარგლება.
- მოულოდნელი იყო რუსეთის ჩართულობის დონე აფრიკის კონტინენტზე განვითარებულ მოვლენებში. ჩვენ ვერ გავაანალიზეთ, თუ რა ხდება ცენტრალური აფრიკის რესპუბლიკაში, მალიში, ბურკინა ფასოში.
- გასულ წელს ისინი მხოლოდ ავღანეთზე საუბრობდნენ. დღეს კი, როგორც ჩანს, ავღანეთი აღარ არსებობს.
ბორელი ევროპის შეცდომებზე
ბორელი ევროპის შეცდომებზე
ნაციონალიზმი და ქაოსი, როგორც მსოფლიოს მმართველობის ძირითადი ტენდენციები
ქაოტური მრავალპოლარულობა
მსოფლიოში მიმდინარეობს ბრძოლა დემოკრატიულ და ავტორიტარულ სისტემებს შორის და ეს არ ეხება მხოლოდ ჩინეთს და რუსეთს.
არსებობს რამდენიმე მოთამაშე და რამდენიმე პოლუსი, თითოეულს აქვს საკუთარი ინტერესები და ღირებულებები. თურქეთი, ბრაზილია, სამხრეთ აფრიკა, მექსიკა, ინდონეზია – ესენი არიან საშუალო ძალაუფლების მქონე ქვეყნები, რომლებიც არ შეუერთდნენ არც ერთ ბანაკს.
ისინი ირჩევენ ან ერთ მხარეს ან მეორეს საკუთარი ინტერესებიდან გამომდინარე და არა ღირებულებების მიხედვით. ეს ქვეყნები არა მხოლოდ მოთამაშეები არიან, არამედ პოლუსებიც.
ამ სიტუაციას არ შეიძლება ეწოდოს მრავალპოლარული სამყარო. ეს არის ქაოტური მრავალპოლარულობა.
ყველაფერი იარაღად იქცევა
ენერგია, ინვესტიციები, ინფორმაცია, მიგრაციული ნაკადები, მონაცემები – დღეს ეს ყველაფერი იარაღად იქცევა. გარშემო ჰიბრიდული ომია.
ეს არის ბრძოლა სტრატეგიული მიმართულებებისთვის: კიბერსივრცე, საზღვაო და გარე სივრცე
ბორელი ევროპის შეცდომებზე
- „თუ საზღვარს ჩაკეტავენ, ერთადერთი გზა დარჩება – გზა ომში“ . რუსეთიდან გამოქცეულების ისტორიები
- „343 ჰექტარი 11 რუსული ტანკის სანაცვლოდ“ – აფხაზეთში ოპოზიციას პარლამენტის იმედი აქვს
ბორელი ევროპის შეცდომებზე
ნაციონალიზმი და მოსახლეობის უცოდინრობა
პუტინი ნამდვილად არ ფიქრობს კომუნიზმის აღდგენაზე. მან იცის, რომ ეს არავის სჭირდება. ის იყენებს იმ რესურსებს, რომელიც პოპულარული და თავისუფლად ხელმისაწვდომია.
ეს არის რადიკალური ნაციონალიზმი და იმპერიალიზმი.
ხალხი ყველგან ხედავს, რომ დასავლური პოლიტიკური სისტემა მათ არ ეხმარება, მათი ხმა არ ისმის. ისინი არ თამაშობენ იმ როლს, როგორიც შეეძლოთ, რომ ეთამაშათ – მოსახლეობის რაოდენობისა და ეკონომიკური წონის გათვალისწინებით.
ამიტომ, მიმდინარე კრიზისების დროს ისინი არ უჯერებენ დასავლეთს და პირიქით – კრიზისებში მას ადანაშაულებენ.
როგორ დავიწყოთ პრობლემის გადაჭრა
ნაკლები რაციონალურობა და მათთვის სტანდარტების კარნახი, მეტი თანაგრძნობა სხვების მიმართ
„ჩვენ ვაგრძელებთ სტანდარტების დაწესებას, მაგრამ დანარჩენი მსოფლიო სულ უფრო და უფრო უარს ამბობს ჩვენს მოდელებზე. კულტურული, ისტორიული და ეკონომიკური მიზეზების გამო, ეს მიდგომა აღარ მუშაობს.
ჩვენ უნდა მოვუსმინოთ დანარჩენ მსოფლიოს, გამოვიჩინოთ მეტი თანაგრძნობა. ჩვენ ხშირად ვაფასებთ რაციონალურობას და გვჯერა, რომ უკეთ ვიცით რა სჭირდებათ სხვებს. ჩვენ არ ვაფასებთ ემოციების როლს და იდენტობის პოლიტიკის მიმზიდველობას. ეს უნდა შეიცვალოს.
ჩვენ უნდა ვიყოთ უფრო გაბედულები და დავეთანხმოთ იმას, რაც ადრე ტაბუდ ითვლებოდა.
აქ ჩვენ ვარღვევთ ტაბუს და ვაძლევთ ფულს უკრაინას იარაღის შესაძენად. თავიდან ეს ყველას გაუკვირდა: „ოჰ, ეს შეუძლებელია, ჩვენ ეს არასდროს გაგვიკეთებია“.
“ჩვენ არასდროს გაგვიკეთებია ეს” არ არის რეცეპტი. ჩვენ უნდა დავიწყოთ ისეთი რამის კეთება, რაც წარსულში არ გაგვიკეთებია. როცა ვყოყმანობთ, ვნანობთ.
ჩვენ გვჭირდება უკეთესი ბალანსი კრიზისის მართვასა და გრძელვადიან დაგეგმვას შორის.
არ შეცვალოთ ერთი დამოკიდებულება მეორით
ცოტა ხნის წინ საფრანგეთის პრეზიდენტმა ემანუელ მაკრონმა ძალიან ზუსტად თქვა: ჩვენ არ შეგვიძლია ერთი დამოკიდებულების მეორეთი შეცვლა. ჩვენ ახლა ვყიდულობთ თხევად ბუნებრივ აირს შეერთებული შტატებიდან, ასევე ჩვეულებრივ გაზს ნორვეგიიდან და აზერბაიჯანიდან.
მაგრამ რა მოხდება, თუ ხვალ ამერიკის ახალ პრეზიდენტს აღარ მოუნდება ევროპელებთან მეგობრული ურთიერთობების შენარჩუნება? დაიწყება ხელახალი კრიზისი.
და თუ კონგოს დემოკრატიული რესპუბლიკა, სამხრეთ ამერიკა და ავღანეთი შეწყვეტს ჩვენს მომარაგებას იშვიათი ლითონებით? კიდევ ერთი კრიზისი გველის.
ჩვენ ვერ ვაცნობიერებთ, რომ ერთ დამოკიდებულებას მეორეზე ვცვლით ენერგეტიკაში, კლიმატსა და ტექნოლოგიაში, მაგრამ ძალიან მნიშვნელოვანია, გავერკვეთ ამაში.
ბორელი ევროპის შეცდომებზე
- კომენტარი: რამდენ ხანს შეიძლება გაგრძელდეს ომი უკრაინაში და როგორ დასრულდება ის რუსეთისთვის
- გეოპოლიტიკური პროექტი: როგორ წააგო სომხეთმა ომი და როგორ აღმოჩნდა დიდი პოლიტიკის ნაწილი
- როგორია სამყარო, რომელსაც პუტინი აშენებს
ბორელი ევროპის შეცდომებზე
ადამიანებთან კომუნიკაცია
ხალხი მთავარია. ამ ბრძოლაში ჩვენ ვერ გავიმარჯვებთ, თუ არ გავიგებთ, რომ ეს ნამდვილი ბრძოლაა და კიდევ უფრო უნდა გავაქტიურდეთ.
რუსებს და ჩინელებს ეს ძალიან კარგად ესმით. მათ ეს ბრძოლა სხვა ინდუსტრიად აქციეს: მათ აქვთ ტროლების ქარხნები, რომლებიც სისტემატურად იმეორებენ საჭირო ინფორმაციას მსოფლიოს სხვადასხვა კუთხეში მცხოვრები ადამიანებისთვის.
აუცილებელია, რომ ევროკავშირის ელჩები ჩაერთონ ნარატივების ბრძოლაში: გამოიყენეთ სოციალური ქსელები, თარგმნეთ შეტყობინებები სხვა ენებზე და მოარგეთ ისინი ადგილობრივ რეალობას. შეწყვიტეთ ფიქრი, რომ მსოფლიოში ყველამ იცის ინგლისური – ჩვენ წავაგებთ, თუ ასე ვიფიქრებთ.
ჩვენ უკეთ უნდა ავუხსნათ ადამიანებს კავშირი პოლიტიკურ თავისუფლებასა და მათი ცხოვრების ხარისხს შორის. ჩვენ, ევროპელებს, გვაქვს ეს შესაძლებლობა. ჩვენ ვცხოვრობთ მსოფლიოს ისეთ ნაწილში, სადაც პოლიტიკური თავისუფლება, ეკონომიკური კეთილდღეობა და სოციალური ერთიანობა საუკეთესოდ მუშაობს, მაგრამ დანარჩენ მსოფლიოს არც ისე გაუმართლა.
ჩვენი ბრძოლა არის იმის ახსნა, რომ დემოკრატია, თავისუფლება და პოლიტიკური თავისუფლება არ არის ის, რაც შეიძლება შეიცვალოს ეკონომიკური კეთილდღეობით ან სოციალური ერთიანობით – ეს ყველაფერი ურთიერთკავშირშია.
