"უპრეცედენტო უკუსვლა კანდიდატებს შორის": RFE/RL-მა ევროკავშირის გაფართოების ანგარიში მოიპოვა

ევროკავშირის გაფართოების ანგარიში

ევროკავშირის 2025 წლის გაფართოების ანგარიში უპრეცედენტოდ მწვავედ აკრიტიკებს საქართველოს ხელისუფლებას ადამიანის ფუნდამენტური უფლებების დარღვევის, სასამართლოს დამოუკიდებლობის შერყევის, ინსტიტუტების პარტიული ინტერესებისადმი დაქვემდებარებისა და საგარეო პოლიტიკის შეცვლილი პრიორიტეტების გამო.

ევრონესტი "ქართულ ოცნებას" რეჟიმად მოიხსენიებს და პოლიტპატიმრების გათავისუფლებისკენ მოუწოდებს

“საპარლამენტო ასამბლეა გმობს “ქართული ოცნების” რეჟიმის” სისტემურ თავდასხმას საქართველოს დემოკრატიულ ინსტიტუტებზე”

“რადიო თავისუფლებამ” წინსწრებით მოიპოვა ევროკომისიის მიერ ევროპარლამენტისათვის, ევროპული საბჭოსა და სხვა ევროპული უწყებებისთვის მომზადებული დოკუმენტის პროექტი, რომელიც ხვალ, 4 ნოემბერს უნდა გამოქვეყნდეს.

ანგარიში ევროკავშირში გაწევრიანების მსურველ ყველა კანდიდატ ქვეყანაში, მათ შორის საქართველოში, წინსვლისა და რეფორმების პრიორიტეტების ყოველწლიურ შეფასებას მოიცავს.

გაფართოების ანგარიშს საქართველოსთვის (ან ქვეყანაში გარკვეული ჯგუფებისთვის) უვიზო მიმოსვლის შეჩერების შესახებ გადაწყვეტილებასთან პირდაპირი კავშირი არ აქვს, მაგრამ შესაძლოა, პრეტექსტი შექმნას ამ საკითხზე რაიმე ტიპის გადაწყვეტილების მიღებისათვის.

ამ ანგარიშში დასახელებული პრობლემების ნაწილი – ფუნდამენტური უფლებები – ასევე აღწერილი იქნება ანგარიშში უვიზო მიმოსვლის შეჩერების მექანიზმის შესახებ – რომელიც ასევე ნოემბერში გამოქვეყნდება.

“რადიო თავისუფლების” თანახმად, დოკუმენტში საქართველოს შესახებ წერია:

• საქართველოში მიღებული და აღსრულებული შემზღუდავი კანონები, რომლებიც აქტივისტებს, სამოქალაქო საზოგადოებასა და დამოუკიდებელ მედიას ეხება, საფრთხეს უქმნის დემოკრატიული საფუძვლების გადარჩენას და უპრეცედენტოა კანდიდატ ქვეყნებს შორის;

• საქართველომ განიცადა სერიოზული დემოკრატიული უკუსვლა, კანონის უზენაესობის სწრაფი ეროზიითა და ფუნდამენტური უფლებების მკვეთრი შეზღუდვით;

• ხელისუფლების სისტემური და სისტემატური რეპრესიული ქმედებები, – მათ შორის სამოქალაქო სივრცისა და ფუნდამენტური უფლებების, ასევე დამოუკიდებელი მედიის ფუნქციონირების შემზღუდველი კანონმდებლობა, ლგბტქ ადამიანების მიზანში ამოღება, სამართალდამცავი ორგანოების მიერ სრული დაუსჯელობის პირობებში ძალის გადაჭარბებული გამოყენება და ევროკავშირის წინააღმდეგ მტრული რიტორიკა, – მკვეთრად ეწინააღმდეგება ევროკავშირის ღირებულებებსა და ევროკავშირის კანდიდატი ქვეყნისგან მოსალოდნელ ქმედებებს;

• გარდა ამისა, ევროკომისიის მიერ შემუშავებული ცხრა რეკომენდაციის მიმართულებით “მნიშვნელოვანი უკუსვლა დაფიქსირდა, რაც ქვეყანას ევროკავშირის გზას კიდევ უფრო აშორებს“;

• კანონის უზენაესობის დაცვის მიზნით შექმნილი ინსტიტუტები პარტიული მიზნებისთვის იქნა გამოყენებული, რითაც მათს სანდოობას საძირკველი გამოუთხარა;

• ხელისუფლებას არანაირი ნაბიჯი არ გადაუდგამს კურსის შესაცვლელად და ქვეყნის ევროკავშირის გზაზე დასაბრუნებლად;

• ოპოზიციის წამყვანი ფიგურების დაპატიმრება, მმართველი პარტიის მიერ კონკრეტული ოპოზიციური პარტიებისა და მათთან დაკავშირებული პირებისთვის საქმიანობის აკრძალვის განზრახვის შესახებ განცხადებასთან ერთად, დემოკრატიულ პლურალიზმზე პირდაპირ თავდასხმას წარმოადგენს;

მარტა კოსი: "ქართული ოცნების" პოლიტიკით საქართველო EU-ს წევრი ვერც 2030 წელს გახდება

“ჩვენ ვმუშაობთ ახალი ვიზების შეჩერების მექანიზმზე, რომელიც ნოემბერში დამტკიცდება”

• ცალკე აღნიშნულია, რომ ქვეყანაში დემოკრატიის მდგომარეობა “მნიშვნელოვნად გაუარესდა“, რამეთუ “დემოკრატიის სათანადო ფუნქციონირებისთვის აუცილებელ ინსტიტუტებსა და ორგანოებს არ გააჩნდათ მიუკერძოებლობა და დამოუკიდებლობა“;

• ასევე: “საქართველოში საკანონმდებლო ცვლილებებმა სერიოზულად შეარყია სასამართლო სისტემის დამოუკიდებლობა და მთლიანობა, რამაც გაამწვავა სასამართლო ხელისუფლების მიტაცების რისკები“;

• საქართველოში 2024 წლის ოქტომბრის საპარლამენტო და 2025 წლის ოქტომბრის ადგილობრივი არჩევნები გამოირჩეოდა “პოლარიზაციისა და დემოკრატიული უკუსვლის მაღალი დონით”; ამას “თან ახლდა ცნობები ამომრჩევლის დაშინების, იძულებისა და მათზე ზეწოლის შესახებ“.

ამ ყველაფერმა კი “კითხვის ნიშნები გამოიწვია მოქალაქეთა მოსაზრებების თავისუფლად ფორმირების შესაძლებლობისა და ხმის მიცემის ანგარიშსწორების შიშის გარეშე შესაძლებლობის შესახებ“;

• ევროკავშირისთვის “მაღალი პრიორიტეტის და ეკონომიკურად კრიტიკული საქონლის რეექსპორტი კვლავ შეშფოთების საგანია”;

• “საქართველოდან რუსეთში, სხვადასხვა მიმართულებით, ფრენები მნიშვნელოვნად გაიზარდა“;

The Foreign Policy Centre: რუსეთი სანქციებს გვერდს უვლის და საქართველო ამ სისტემის ცენტრშია

ორგანიზაციის თანახმად, შემჩნეულია ნავთობის “წარმოშობის გათეთრების” რისკი”

• “საქართველომ უნდა გააძლიეროს თანამშრომლობის ძალისხმევა, რათა თავიდან აიცილოს მისი ტერიტორიის და/ან საქართველოში რეგისტრირებული იურიდიული პირების გამოყენება ევროკავშირის შემზღუდავი ზომების გვერდის ავლით“;

• “საქართველო, როგორც წესი, კარგ ორმხრივ ურთიერთობებს ინარჩუნებს მეზობლებთან და გაფართოების პოლიტიკის სუბიექტ ქვეყნებთან“;

• “საქართველოსა და მოლდოვას ტრადიციულად კარგი ორმხრივი ურთიერთობები აკავშირებთ“ [ბოლო პერიოდში ურთიერთობა დაძაბულია, მაია სანდუს მიერ ლეგიტიმურ პრეზიდენტად სალომე ზურაბიშვილის აღიარების გამო];

• „მიუხედავად იმისა, რომ საქართველო მხარს უჭერს უკრაინის ტერიტორიულ მთლიანობასა და სუვერენიტეტს, უკრაინა შეშფოთებას გამოთქვამს საქართველოს მიერ რუსეთის წინააღმდეგ ევროკავშირის სანქციებთან შეუსაბამობისა და [ბლოკთან] სამხედრო-ტექნიკური თანამშრომლობის არარსებობის გამო“;

• “მთლიანი შიდა პროდუქტის წლიური ზრდა შესამჩნევი იყო საქართველოში (9.4%), კოსოვოში (4.4%) და ჩრდილოეთ მაკედონიაში (2.8%), ხოლო სერბეთმა (3.9%) და ალბანეთმა (4%) შეინარჩუნეს ზრდის იმავე ტემპი, რაც წინა წელს.“

როგორ ცდილობს "ოცნება" ჩაახშოს წინააღმდეგობის მთავარი კერა – რუსთაველის პროტესტი

“რუსთაველის პროტესტი” ოლიგარქ ბიძინა ივანიშვილის ავტოკრატიულ მმართველობასთან ბრძოლის მთავარი სიმბოლოა