90% მიიჩნევს, რომ საქართველომ ახლო კავშირები ევროკავშირთან უნდა დაამყაროს - Edison Research-ის ახალი კვლევა

Edison Research-ის ახალი კვლევა

Edison Research-ის საზოგადოებრივი აზრის გამოკითხვის შედეგებით, მოსახლეობის 90% მიიჩნევს, რომ საქართველომ ახლო კავშირები ევროკავშირთან უნდა დაამყაროს. ასევე, მოსახლეობის 56%-ის თქმით, ქვეყანა არასწორი მიმართულებით ვითარდება.

კვლევის თანახმად, მოსახლეობის 36% მიიჩნევს, რომ ყველაზე მნიშვნელოვანი პრობლემა, რომლის წინაშეც დღეს საქართველო დგას, არის უმუშევრობა, 36% სიღარიბეს ასახელებს, 34% კი ფასების ზრდას.

საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა საერთაშორისო კვლევითმა კომპანიამ Edison Research-მა ჩაატარა.

კვლევის ფარგლებში, პირისპირი გამოკითხვის მეთოდით, ქვეყნის მასშტაბით შემთხვევითი შერჩევით გამოიკითხა საქართველოში მცხოვრები 1 500 საარჩევნო უფლების მქონე 18 წლისა და მეტი ასაკის ადამიანი.

ცდომილება არის +/- 3%, 95%-იანი სანდოობის დონისთვის. საველე სამუშაოები მიმდინარეობდა 2023 წლის 1-ელი დეკემბრიდან 22 დეკემბრის პერიოდში.

Edison Research-ის კვლევის მთავარი მიგნებები

კითხვაზე, თქვენი აზრით, რამდენად ახლო კავშირი უნდა დაამყაროს, საქართველომ ქვემოთ ჩამოთვლილ თითოეულ ქვეყანასთან ან გაერთიანებასთან, პასუხები ასე ნაწილდება:

Edison Research-ის კვლევის თანახმად, მოსახლეობის 56%-ს მიაჩნია, რომ ქვეყანა არასწორი მიმართულებით ვითარდება. 44% კი მიიჩნევს, რომ ქვეყანა სწორი მიმართულებით ვითარდება.

შედარებისთვის, 2023 წლის ნოემბერში, ასევე Edison Research-ის კვლევით, მოსახლეობის 40% ამბობდა, რომ ქვეყანა სწორი მიმართულებით ვითარდება, 60% კი – არასწორი.

● როგორ აპირებს საქართველოს მთავრობა ევროკომისიის რეკომენდაციების შესრულებას. კონკრეტული გეგმა
● შარლ მიშელი: ევროკომისიამ საქართველოს კანდიდატის სტატუსი მიანიჭა
● სახელმწიფო დეპარტამენტი: მივესალმებით ევროკავშირის გადაწყვეტილებას, მზად ვართ, დაგეხმაროთ საჭირო რეფორმების გატარებაში

კითხვაზე, “დღეს რომ არჩევნები ტარდებოდეს, რომელ პარტიას მისცემდით ხმას”, ალოკაციის მეთოდით, პასუხები ასე ნაწილდება:

• ქართული ოცნება – 36.6%
• ნაციონალური მოძრაობა/სტრატეგია აღმაშენებელი – 21.5%
• საქართველოსთვის – 8.8%
• ლელო – 6.7%
• გირჩი/დროა – 5%
• ლეიბორისტული პარტია – 4.7%
• ხალხისთვის – 3.7%
• ალტ-ინფო – 3%
• გირჩი (იაგო ხვიჩია) – 2.9%
• ხალხის ძალა – 2.5%
• მოქალაქეები – 1.7%
• პატრიოტთა ალიანსი – 1.7%
• ევროპული საქართველო – 0.7%
• სხვა – 0.5%

ამავე კვლევის თანახმად, ამომრჩეველთა 70% თავის პოლიტიკური არჩევანში დარწმუნებულია.

Edison Research-ის კვლევის თანახმად, მოსახლეობის 50% სრულად ეთანხმება მოსაზრებას, რომ 2024 წლის არჩევნები ერთ-ერთი ყველაზე მნიშვნელოვანი იქნება, რაც კი საქართველოს ჰქონია. ამ დებულებას ნაწილობრივ ეთანხმება 26%.

კითხვაზე, “რამდენად ეთანხმებით ან არ ეთანხმებით: მომავალ წელს არჩევნები იქნება ერთ-ერთი ყველაზე მნიშვნელოვანი არჩევნები, რაც საქართველოს ჰქონია“, პასუხები ასე გადანაწილდა:

• სრულიად ვეთანხმები – 50%
• ნაწილობრივ ვეთანხმები – 26%
• ნეიტრალური – 12%
• ნაწილობრივ არ ვეთანხმები – 6%
• სრულიად არ ვეთანხმები – 6%

კვლევის თანახმად, მოსახლეობის 65% მიიჩნევს, რომ ხელისუფლებაში მოსვლის შანსი სხვა პარტიებს უნდა მიეცეთ.

კითხვაზე, “მიიჩნევთ, რომ ქართულმა ოცნებამ იმდენი გააკეთა, რომ ხელახალი არჩევა დაიმსახურა თუ დროა, სხვა პარტიებს მიეცეთ შანსი?“, – პასუხები ასე განაწილდა:

• დაიმსახურა ხელახალი არჩევა – 35%
• დროა, სხვას მიეცეს შანსი – 65%

● 77 პროცენტისთვის ყველაზე დიდი პოლიტიკური საფრთხე რუსეთია – IRI-ს ახალი კვლევის მიგნებები
● ყველაზე მნიშვნელოვანი პრობლემები: უმუშევრობა, ფასების ზრდა, სიღარიბე – Edison Research-ის კვლევის მიგნებები

მოსახლეობის 56%-ის თქმით, ოპოზიციური პარტიების გამარჯვება 2024 წლის არჩევნებში, საქართველოსთვის საუკეთესო შედეგია.

კითხვაზე, “თქვენი აზრით, რომელია საუკეთესო შედეგი საქართველოსთვის?“, – პასუხები ასე განაწილდა:

• ქართული ოცნების გამარჯვება 2024 წლის არჩევნებში – 44%
• ოპოზიციური პარტიების გამარჯვება 2024 წლის არჩევნებში – 56%

Edison Research-ის კვლევის თანახმად, მოსახლეობის 36% მიიჩნევს, რომ ყველაზე მნიშვნელოვანი პრობლემა, რომლის წინაშეც დღეს საქართველო დგას, არის უმუშევრობა, 36% სიღარიბეს ასახელებს, 34% კი ფასების ზრდას.

კითხვაზე, თქვენი აზრით, “რომელია ყველაზე მნიშვნელოვანი პრობლემა, რომლის წინაშეც დგას დღეს საქართველო” (რამდენიმე პასუხი), პასუხები ასე გადანაწილდა:

• უმუშევრობა – 36%
• სიღარიბე – 36%
• ფასების ზრდა – 34%
• ოკუპირებული ტერიტორიები – 26%
• ემიგრაცია – 19%
• განათლება – 17%
• პენსიები – 17%
• ნარკოტიკების უკანონო მოხმარება/გავრცელება – 17%
• ჯანდაცვა – 15%
• რუსების მიგრაცია საქართველოში – 11%
• კრიმინალი – 9%
• კორუფცია – 8%
• ევროკავშირში გაწევრიანება – 8%
• ომი უკრაინაში – 7%
• გადაადგილება თბილისში – 4% 
• უფასო საკვები სკოლაში – 4%
• პოლიტიკური პოლარიცაზია – 4% 
• გარემოს დაცვის პრობლემები – 3%
• საცხოვრებელი – 3%

კვლევის თანახმად, მოსახლეობის 71% სრულად ან ნაწილობრივ ეთანხმება მოსაზრებას, რომ ფასების მატება ხელისუფლების ბრალია.

კითხვაზე, “რამდენად ეთანხმებით ან არ ეთანხმებით: ფასების მატება ხელისუფლების ბრალია“, პასუხები ასე გადანაწილდა:

• სრულიად ვეთანხმები – 43%
• ნაწილობრივ ვეთანხმები – 28%
• ნეიტრალური – 9%
• სრულიად არ ვეთანხმები – 12%
• ნაწილობრივ არ ვეთანხმები – 8%

● საქართველო – ქვეყანა, სადაც დამსაქმებელი კადრს ვერ პოულობს, უმუშევარი კი სამსახურს. რა არის ამის მიზეზი?
● საქართველოს რუსეთზე ეკონომიკური დამოკიდებულება 2023 წელსაც იზრდება – TI
● საქართველოს ახალი სტრატეგიული პარტნიორი ჰყავს: ჩინეთთან მეგობრობის რისკები და შესაძლებლობები

მოსახლეობის 84% ემხრობა, რომ წინასაარჩევნო პერიოდში ქართულ ოცნებასა და ოპოზიციურ პარტიებს შორის დებატები პირდაპირ ეთერში უნდა გაიმართოს. 

Edison Research-ის საზოგადოებრივი აზრის გამოკითხვის შედეგებით, მოსახლეობის 57% ფიქრობს, რომ საქართველოს პრეზიდენტმა, სალომე ზურაბიშვილმა უნდა გამოიყენოს მისი კონსტიტუციური უფლება მიხეილ სააკაშვილის შეწყალებისთვის, ხოლო 43% ამის წინააღმდეგია.

Edison Research-მა გამოიკვლია მიხეილ სააკაშვილის შეწყალების თაობაზე კონკრეტული პარტიების მხარდამჭერების განწყობებიც. ექსპრეზიდენტის შეწყალებას ემხრობა:

• ენმ/სტრატეგია აღმაშენებლის ამომრჩეველთა 93%
• საქართველოსთვის ამომრჩეველთა 58%
• ლელოს ამომრჩეველთა 82%
• გირჩის/დროას ამომრჩეველთა 80%

● “სააკაშვილი დაღმავალი ფიგურაა ქართულ პოლიტიკაში”. რას ფიქრობენ ექსპერტები “ნაციონალური მოძრაობის” დაშლაზე
● “პრინციპები, პოლიტიკური ხედვა და იდეოლოგია” – ნაციონალური მოძრაობა 11-პუნქტიან მანიფესტს აქვეყნებს
● 20 წლის შემდეგ. როგორ აფასებენ “ვარდების რევოლუციას” ის ადამიანები, რომლებიც მის ავანგარდში იყვნენ