დიდი შერიგება? სომხეთისა და აზერბაიჯანის ხელისუფლების ერთობლივი განცხადება

სომხეთსა და აზერბაიჯანს შორის ერთობლივი განცხადება

აზერბაიჯან-სომხეთის ურთიერთობებში ერთდროულად ორი ღირსშესანიშნავი მოვლენა მოხდა:

1. აზერბაიჯანმა გაათავისუფლა 32 სომეხი სამხედრო, ხოლო სომხეთმა – 2 აზერბაიჯანელი სამხედრო მოსამსახურე.

2. აზერბაიჯანის პრეზიდენტის ადმინისტრაციამ და სომხეთის პრემიერმინისტრის ადმინისტრაციამ გამოაქვეყნეს ერთობლივი განცხადება, რომელშიც წერენ, რომ მათ აქვთ საერთო მოსაზრება: გაჩნდა ისტორიული შესაძლებლობა რეგიონში დიდი ხნის ნანატრი მშვიდობის მისაღწევად.

უფრო ვრცლად

სამხედრო პერსონალის გაცვლა:

● გავრცელებული ინფორმაციით, გაცვლა მოხდა „კეთილგანწყობის ჟესტად“. აზერბაიჯანიდან სომხეთში გადაყვანილი 32 ადამიანიდან 26 სამხედრო 2020 წლის დეკემბერში (ყარაბაღის მეორე ომის შეწყვეტისთანავე) ჰადრუტის რეგიონში დააკავეს. დანარჩენი 6 საზღვარზე სხვადასხვა დროსაა დაკავებული – ყველა მათგანმა სასჯელის უმეტესი ნაწილი უკვე მოიხადა.

● რომელი აზერბაიჯანელი სამხედრო მოსამსახურეები გადაიყვანენ სომხეთიდან, ამ ეტაპზე არ ზუსტდება. მაგრამ გავრცელებული ინფორმაციით, სომხეთში მხოლოდ ორი აზერბაიჯანელი სამხედროა დაკავებული. ერთ-ერთ მათგანს მკვლელობაში ედებოდა ბრალი და გუშინ მას 20 წლიანი სასჯელი მოეხსნა.

● ადამიანები, ვისთვისაც ომი არ მთავრდება. შესაძლებელია თუ არა პოსტტრავმული სინდრომის დამარცხება?
● აშშ-მ აზერბაიჯანში გააუქმა კურსდამთავრებულთა შეხვედრა მას შემდეგ, რაც მას “აგენტების შეკრება” უწოდეს
● “დასავლეთს მოუწევს შეეგუოს ახალ რეალობას რეგიონში” – კომენტარი ბაქოდან

ბაქოსა და ერევნის ერთობლივი განცხადება

● აზერბაიჯანი და სომხეთი იზიარებენ მოსაზრებას, რომ ეს არის ისტორიული შესაძლებლობა რეგიონში დიდი ხნის ნანატრი მშვიდობის მისაღწევად.

● ორივე ქვეყანა კიდევ ერთხელ ადასტურებს ურთიერთობების ნორმალიზებისა და სუვერენიტეტისა, ასევე ტერიტორიული მთლიანობის პრინციპების პატივისცემის საფუძველზე სამშვიდობო ხელშეკრულების მიღწევას.

● მოლაპარაკებების შედეგად მიღწეული იქნა შეთანხმება ორ ქვეყანას შორის ნდობის გასაძლიერებლად ხელშესახები ნაბიჯების გადადგმაზე.

● ჰუმანიზმის პრინციპებით ხელმძღვანელობით და კეთილგანწყობის ჟესტით აზერბაიჯანი ათავისუფლებს 32 სომეხ სამხედროს.

● თავის მხრივ, სომხეთი ჰუმანიზმის პრინციპებით ხელმძღვანელობით და კეთილგანწყობის ჟესტით ათავისუფლებს 2 აზერბაიჯანელ სამხედროს.

● კეთილი ჟესტის ნიშნად, სომხეთი მოხსნის კანდიდატურას გაეროს კლიმატის ცვლილების ჩარჩო კონვენციის (COP-29) მხარეთა კონფერენციის 29-ე სესიის მასპინძლად აზერბაიჯანის კანდიდატურის მხარდასაჭერად.

● ორივე ქვეყანა იმედოვნებს, რომ აღმოსავლეთ ევროპის ჯგუფის სხვა ქვეყნებიც მხარს დაუჭერენ აზერბაიჯანის კანდიდატურას.

● კეთილი ჟესტის სახით, აზერბაიჯანი მხარს უჭერს სომხეთის კანდიდატურას აღმოსავლეთ ევროპის ჯგუფიდან ბიუროს წევრობისთვის.

● აზერბაიჯანი და სომხეთი გააგრძელებენ მოლაპარაკებებს ნდობის აღდგენის დამატებითი ღონისძიებების განხორციელებასთან დაკავშირებით უახლოეს მომავალში და მოუწოდებენ საერთაშორისო საზოგადოებას მხარი დაუჭიროს მათ ძალისხმევას.

ოფიციალური მონაცემებით, ამჟამად აზერბაიჯანში 55 სომეხი პატიმარია. სომეხი უფლებადამცველები აცხადებენ, რომ ბაქოს სულ მცირე 80 სომეხი ჰყავს საპატიმროებში.