მოსახლეობის 81 პროცენტი მხარს უჭერს საქართველოს ევროკავშირში გაწევრიანებას - CRRC საქართველოს კვლევა

CRRC-საქართველოს მიერ ჩატარებული ახალი კვლევა

CRRC-საქართველოს მიერ ჩატარებული კვლევის მიხედვით, 2023 წლის მარტის მონაცემებით მოსახლეობის 81% მხარს უჭერს საქართველოს ევროკავშირში გაწევრიანებას.

• 81% – მხარს ვუჭერ
• 8% – ვეწინააღმდეგები
• 5% – ჩემთვის სულერთია
• 6% – არ ვიცი/ უარი პასუხზე

კვლევა CRRC საქართველომ Zinc Network-ის დაკვეთით ჩაატარა. Zinc Network, USAID-ის ინფორმაციის სანდოობის ხელშეწყობის პროგრამას ახორციელებს, რომლის მიზანიც საზოგადოებაში დეზინფორმაციისა და პროპაგანდის მიმართ მდგრადობის გაზრდა და საინფორმაციო გარემოს გაუმჯობესებაა. კვლევის ფარგლებში, ჩატარდა 2,757 პირისპირ ინტერვიუ. გამოკითხვა მთელი საქართველოს მასშტაბით (ოკუპირებული ტერიტორიების გარდა), 2023 წლის 11 იანვრიდან 8 თებერვლამდე, ქართულ, სომხურ და აზერბაიჯანულ ენებზე ჩატარდა. ცდომილების საშუალო ზღვარია: +/- 2.4%. დამატებით, CRRC საქართველომ 2023 წლის 10-14 მარტს განახორციელა სატელეფონო გამოკითხვა 1,048 რესპონდენტთან მთელი საქართველოს მასშტაბით ქართულ ენაზე, კვლევის ამ ნაწილში ცდომილების საშუალო ზღვარია 2.6%. გამოკითხვების შედეგები წარმომადგენლობითია საქართველოს მთლიანი მოსახლეობისთვის, ოკუპირებული ტერიტორიების გარდა.

კვლევის მიხედვით, ეკონომიკური მდგომარეობის გაუმჯობესების მოლოდინი ევროკავშირში გაწევრიანების მთავარ მოტივაციად რჩება.

• 55% – ჩემი ეკონომიკური ჩემი ეკონომიკური მდგომარეობა გაუმჯობესდება მდგომარეობა გაუმჯობესდება
• 33% – საქართველოში ცხოვრების ხარისხი გაუმჯობესდება
• 30% – დასაქმების უკეთესი შესაძლებლობები იქნება
• 27% – საქართველო საგარეო საფრთხეებისგან უფრო უკეთ იქნება დაცული
• 18% – ვიზის გარეშე შევძლებ ევროკავშირში მოგზაურობას
• 16% – ტერიტორიული მთლიანობის აღსადგენად უკეთესი შანსი
• 9% – ქართული კულტურა და ტრადიციები უკეთ იქნება დაცული
• 3% – გარემოს მდგომარეობა გაუმჯობესდება

● მოსახლეობის 62 პროცენტი მიიჩნევს, რომ ქვეყანა არასწორი მიმართულებით ვითარდება. IRI-ს კვლევის მთავარი მიგნებები

კვლევის მიხედვით, 2023 წლის მარტის მონაცემებით გამოკითხული მოსახლეობის 43% მიიჩნევს, რომ “ქართული ოცნება” საკმარისს არ აკეთებს ევროკომისიის 12 რეკომენდაციის შესასრულებლად.

• 43% – “ქართული ოცნება” საკმარისს არ აკეთებს ევროკომისიის მოთხოვნების შესასრულებლად, რადგან ეს მათი ძალაუფლების შემცირებას ნიშნავს
• 25% – “ქართული ოცნება” ყველაფერს აკეთებს იმისთვის, რომ შეასრულოს ევროკომისიის მიერ დადგენილი მოთხოვნები (იმისთვის, რომ საქართველომ ევროკავშირის კანდიდატის სტატუსი მიიღოს)
• 11% – არცერთს არ ვეთანხმები
• 20% – არ ვიცი/უარი პასუხზე

ამავე კვლევის თანახმად, მოსახლეობის დიდი ნაწილი ფიქრობს, რომ დეოლიგარქიზაციის რეკომენდაციაში ევროკომისიამ “ქართული ოცნების” დამფუძნებელი, ბიძინა ივანიშვილი იგულისხმა:

● რა გეგმა აქვს ოპოზიციას ხელისუფლების შესაცვლელად?

კითხვაზე – თქვენი აზრით, რომელ პიროვნებას ან პიროვნებებს მოიაზრებს ევროკომისია ოლიგარქში ან ოლიგარქებში? – 45% ამბობს, რომ ივანიშვილს, 37%-მა კითხვაზე პასუხი არ იცის, ხოლო 4% პასუხზე უარს ამბობს. სხვა პასუხები ასე გადანაწილდა:

• დავით კეზერაშვილი – 9%;
• მიხეილ სააკაშვილი – 8%;
• მამუკა ხაზარაძე – 7%;
• ვანო ჩხარტიშვილი – 5%;
• სხვა – 1%;
• არ მოიაზრებს კონკრეტულ პიროვნებას – 8%

რაც შეეხება ევროკომისიის რეკომენდაციებს, გამოკითხულთა 26% ფიქრობს, რომ პოლარიზაციის შემცირება ყველაზე პრიორიტეტულია, 14%-ის აზრით ეს სამართლიანი არჩევნების უზრუნველყოფაა, 8% ამბობს, რომ მიუკერძოებელი სასამართლოს უზრუნველყოფა, 5% – დეოლიგარქიზაცია, 4% – ადამიანის უფლებათა ევროპული სასამართლოს გადაწყვეტილებების გათვალისწინება.

● “რატომ არ გესმით ხალხის მოთხოვნა? მათ უნდათ ევროპა და არა რუსეთი” – საქართველოს პრეზიდენტის გამოსვლა პარლამენტში

CRRC საქართველოს ახალი კვლევის თანახმად, მოსახლეობის მესამედი პოლიტიკურ პოლარიზაციაში ოპოზიციაზე მეტად “ქართულ ოცნებას” ადანაშაულებს, ხოლო 28% მიიჩნევს, რომ ორივე მხარე თანაბრად არის პასუხისმგებელი:

• “ქართული ოცნება” უფრო მეტადაა პასუხისმგებელი საქართველოში პოლიტიკურ პოლარიზაციაზე/ორად გაყოფაზე, ვიდრე ოპოზიცია – 34%;
• ოპოზიცია უფრო მეტადაა პასუხისმგებელი საქართველოში პოლიტიკურ პოლარიზაციაზე/ორად გაყოფაზე, ვიდრე ქართული ოცნება – 16%;
• ორივე თანაბრად პასუხისმგებელია – 28%;
• არცერთ არ ვეთანხმები – 5%;
• არ ვიცი/უარი პასუხზე – 17%.

კვლევის მიხედვით, გამოკითხული მოსახლეობის 51% მიიჩნევს, რომ რუსეთის მოქალაქეების იმიგრაცია საქართველოსთვის საფრთხეს წარმოადგენს:

• 33%- ვეთანხმები
• 18%- სრულად ვეთანხმები
• 17%- ნეიტრალური ვარ
• 20%- არ ვეთანხმები
• 4%- საერთოდ არ ვეთანხმები
• 8%- არ ვიცი/ უარი პასუხზე

ასევე, კვლევის მიხედვით, უმრავლესობას რუსეთის უკრაინაში შეჭრა და ეკონომიკური პრობლემები აწუხებთ:

• 20%- რუსეთის შეჭრა უკრაინაში
• 19%- უმუშევრობა
• 17%- ინფლაცია
• 11%- ტერიტორიული მთლიანობა